عسى لتاليك مبدا الخير يابلادي


عسى لتاليك مبدا الخير يابلادي

الله يعوضّكْ عن ماضيك بسعودي

حلوٍ عبيرك من الريحان والكادي

كم عاشق جا يبيك وراح مردودي

لعلّ مستقبلك للخير ينقادي

حيث أنّي أفخر بأهلك وزَودهم زودي

كّم عاشق صدّ حقه منك لوعادي

جوله حجاجير وقفّا عنك مطرودي

جوله بصنع الفرنج وحمر الأعتادي

كلّه على شان سحر عيونك السودي

غرّتك نظرتك للغزّال والسادي

حتى صفا الجو لسعّيد ومسعودي

لو أن مافات من ماضيك ينعادي

نهمت ربعٍ تقوم بكلّ مجهودي

ربعي حمادينٍ لياجا علم الأوكادي

كمّ طيب من وحمهم صدّ ملهودي

سلايل اللّي لهم بالكون ملكادي

كم ورّدوهن حياض الموت عرجودي

أما نفعناك وألا للفخر نادي

أنخي بشهب المقابر كلّ عرّودي

لاسمعوا اللّي يصيح وجوله أمدادي

يروون باليوم الأقشر سلّة العودي

من غار مايقعد المصراع لسنادي

كمّ طاح بنحورهم بالكون مفقودي

مصدّرت بالحرايب كلّ ورّادي

لازاد عجّ الرّمك دخّان بارودي

لاجوك قولي لهم عنّا بالافرادي

مما جرا علّمي فزعت هل القودي

قولي ترى مجتمعنا عزّز الغادي

نقّالة الهرج من مبغض لمقرودي

لايحسبون الرّدا من كثرته سادي

دربه على فاعلين الطّيب مسدودي

يسوده الطيب مع وقفات الأجوادي

تبّاعت الهون ماتزمل هل الكودي

ناسٍ تحطّ النّميمه نصح وأرشادي

تشبك محابل خبايثها لمقصودي

عن ضايع المعرفه ماني بنشّادي

أمشي بوضح النّقا والحق ممدودي

ادري ليا صار عند الحقّ ميرادي

ماقلت عندي عليه أثبات وشهودي

ماني براع الكذب مخلف سنة الهادي

يمشي على منهجٍ ماهو بماكودي

عادات فكري تمشّيني على القادي

مالي مع أهل النمايم حزب وجنودي


78 views