3:53 صباحًا الأربعاء 26 سبتمبر، 2018

قصيدة مهداه للشيخ ملحان بن خالد بن بصيص

قصيده  مهداه للشيخ ملحان بن خالد بن بصيص

صورة قصيدة مهداه للشيخ ملحان بن خالد بن بصيص

نو نشا يردم تحت سبع الاسماك=قام يتخالف حدر ظله نسانيس
يرعد غضب واسترسل الوبل سفاك=حتي تخلخل وانفجر سد بلقيس
كم دوله سادت وبادت لها املاك=ورايات مرفوعه والاخري مناكيس
للعز ياشيخ علي الطيب مبناك=مسيس من عهد الاجداد تاسيس
ياشيخنا الوافي عسي الشوخ تفداك=اللي يردون العواني مفاليس
تسلم ويسلم من هل الجود شرواك=شيخ بوقفات الوفا يرخص الكيس
لاجيت لك شفت السعد في محياك=اخير من شوف الوجيه المعابيس
فكري تعدالك وانا مااتعداك=لاضيقت صدري كبار الهواجيس
ان قلت عن ماضيك وان قلت مبداك=تجود ياترثه بعاد المراميس
اهل الشداد اللي يجيبون الارواك=قطاعه الفرجه علي حزب العيس
بصايصه يردون لحياض الادراك=ليا اقبلت جرد السبايا كراديس
فرسان في هداتهم فك واهلاك=علي المهار ينزحزن الملابيس
شوخ بنولك منزل بين الافلاك=ملبسينك حله المجد تلبيس
حر ليا هديت من راس مجناك=تصيد وتعشي فروخ القرانيس
افخر بوقفتك ووفاك وعطاياك=من فايض افضالك تجود الاحاسيس
من طيب راسك صافح المجد يمناك=والناس فيها طيب الحظ وتعيس
نجم طلعت ووالي العرش علاك=من طلعتك غابت نجوم الغطاليس
اليا اقتبسنا مصدر النور بضواك=والا رماد النار مابه مقابيس
ياابو مشاري جعل شانيك يفداك=ويفداك شينين الطبوع النواديس
الطيب كله فيك والمدح يزهاك=ومدح علي غير الوفا فيه تدليس

صورة قصيدة مهداه للشيخ ملحان بن خالد بن بصيص

  • قصيدة ياشيخ عنا غبت
361 views

قصيدة مهداه للشيخ ملحان بن خالد بن بصيص