قصيدة مهداه للشيخ ملحان بن خالد بن بصيص

قصيده  مهداه للشيخ ملحان بن خالد بن بصيص

بالصور قصيدة مهداه للشيخ ملحان بن خالد بن بصيص 71

نو نشا يردم تحت سبع الاسماك=قام يتخالف حدر ظله نسانيس
يرعد غضب و استرسل الوبل سفاك=حتى تخلخل و انفجر سد بلقيس
كم دوله سادت و بادت لها املاك=ورايات مرفوعه و الاخرى مناكيس
للعز ياشيخ على الطيب مبناك=مسيس من عهد الاجداد تاسيس
ياشيخنا الوافى عسى الشوخ تفداك=اللى يردون العوانى مفاليس
تسلم و يسلم من هل الجود شرواك=شيخ بوقفات الوفا يرخص الكيس
لاجيت لك شفت السعد في محياك=اخير من شوف الوجيه المعابيس
فكرى تعدالك و انا ما اتعداك=لاضيقت صدرى كبار الهواجيس
ان قلت عن ما ضيك وان قلت مبداك=تجود ياترثه بعاد المراميس
اهل الشداد اللى يجيبون الارواك=قطاعه الفرجه على حزب العيس
بصايصه يردون لحياض الادراك=ليا اقبلت جرد السبايا كراديس
فرسان في هداتهم فك و اهلاك=على المهار ينزحزن الملابيس
شوخ بنولك منزل بين الافلاك=ملبسينك حله المجد تلبيس
حر ليا هديت من راس مجناك=تصيد و تعشى فروخ القرانيس
افخر بوقفتك و وفاك و عطاياك=من فايض افضالك تجود الاحاسيس
من طيب راسك صافح المجد يمناك=والناس فيها طيب الحظ و تعيس
نجم طلعت و والى العرش علاك=من طلعتك غابت نجوم الغطاليس
اليا اقتبسنا مصدر النور بضواك=والا رماد النار ما به مقابيس
ياابو مشارى جعل شانيك يفداك=ويفداك شينين الطبوع النواديس
الطيب كله فيك و المدح يزهاك=ومدح على غير الوفا فيه تدليس

بالصور قصيدة مهداه للشيخ ملحان بن خالد بن بصيص 71 1

    شجرة عائلة سليم
    شعر فكاهي
    ششعر فكاهي
    نوا الزغبي
    رسالة امتنان وشكر لاخ عزيز
    دعاء لعمي بالصحة والعافية كتابة
    خلفيات شعرعن الوالدين
    بنت حايل الملحده بالله
    مسرع
    عائلة السعوي المطوع
579 views

قصيدة مهداه للشيخ ملحان بن خالد بن بصيص