ياعارف الرفقه بحال وحالي

يـَاعَــارِفْ الرّفقــَـه

ياعارف الرفقه بحالٍ وحالي
يجهلك واجبه لي ناش الارباح

وشلون صرت اوّل رفيقٍ وتالي
من توعده ممساك لك عنه مصباح

لا صار مايركب رشاك المحالي
كفّ الكلام وتقضي الوقت مرتاح

هرجٍ على غير الحقيقه وبالي
مثل السّراب لايابس الكبد ضحضاح

ياناقلٍ صنع اليمن بالشّمالي
عن مكسب المنقود يلـهيك مسباح

لاتحسب أنّ الطيب مثل الظلالي
منين مادارت له البينه زاح

المختفي تظهر خفاه الليالي
تفتق ذر المبنى بهبّات الارياح

يصفق هواه كلّ طامن وعالي
وكم واحدٍ ل هبّ نسناسه طاح

يعطيك ماض الوقت فرق الرجالي
وش لزمت الدّني بتخليد الارواح

كم صاحب أسم حيٍ والعظم البالي
وكم ميّتٍ بالناس للقبر ماراح

مرضيه عن تاليه طيب خيالي
ماسولفه غيره مع الناس مدّاح

ينساه عند اللاّزمات الموالي
تقصر يمينه عن بعيدين الاشباح

إلاّ على النمّه يجي باحتمالي
مثل الهنوف اللّي تزيّن للافراح

له عند غيبات النّشام مدالي
يمناه لاتفعل ولا هدّ بـسلاح

تلقى حصيله مع زميله يشالي
قفل الرد له مع هل الشين مفتاح

يبون دفن الطيّبه بالهزالي
اللّي لها عند الموازين مرجاح

لعلّ عشّاق الرد للزّوالي
يعطي الوداع من اسرة البيت بصياح

126 views