النتائج 1 إلى 4 من 4

الموضوع: ديوان الشاعر ناشي محمد الصخيني

بسم الله الرحمن الرحيم السلآم عليكم ورحمة الله وبركاته اقدم لكم ديوان الشاعر : ناشي محمد الصخيني وامل ان يحوز على رضاكم

  1. #1
    غني عن التعريف غير متصل [ نــشـيـط ]
    تاريخ التسجيل
    Nov 2008
    المشاركات
    65

    ديوان الشاعر ناشي محمد الصخيني

    بسم الله الرحمن الرحيم

    السلام عليكم ورحمة الله وبركاته

    اقدم لكُم دَيوان الشاعر ناشي محمدَ الصخيني

    وامل ان يحوز علي رضاكم





    هَذه القصيده قالها شَاعرنا عندما طردوا الحمادين جموع المفحطين عَن ام دَباب


    هات القلم ثُم سطر القاف تسطير=ابا اشرح الموضوع فِي كُل الاحوال
    سلم علي ربع(ن حمو جوبة البير=وفكو دَيرهم مِن سرابيت واهبال
    وفكو بيوت(ن)للنشامي المشاهير=اللي لَهُم ذكر(ن)قديم(ن ولا زال
    نسل الكرام ومحتمين المظاهير=بالسيف والشلفا وبجنوب الابطال
    اللي منول يلحقون المصاغير=فكاكة التالي علي مر الاجيال
    وحنا علي ساقة ارجال(ن)مناعير=والذل والله يام دَباب منزال
    عشرين وقفوادون جمع وطوابير=الضول ما هابوه مَع كثر الازوال
    دونك ارجال(ن)تاردَ الموت وتغير=سلايل السربه مواريث الابطال
    حنا الحمادين ولنا مضرب(ن)غير=من ماضي الايام تضرب لنا امثال
    نذكر ونعرف مِن عصر سالم الزير=بالطيب نشهر مابها قولة اذلال
    لاجاءَ نهار(ن فيه شَر(ن)بلاخير=رجالنا ينطح ثمانين رجال
    وين الربع غنا علي راسه الطير=والمسندي منا لقي فعل الاهوال
    وسقنا المعقل يوم وقْت المناذير=لين الرشيدَ اهتال مِن سبعة ارجال
    لي الفخر فيهم وتفخربنا مطير=ربع(ن)لهم فِي ساحة العز منزال
    نفديك والله يام دَباب ونسير=درب الرجال وفدوة الدم والمال
    وقولي عَليه شَهودَ ماهوب تزوير=واقوالناتعرف لياجن الافعال
    اللي جرابك يام دَباب تحذير=لحضر القصيم ان كَان للعلم مثقال
    وتسلم لنا ياعقوب مِن دَون تقصير=بباقي الرجال وكل ربعي والابطال
    [/poem]


    قاف سمعته هيض القلب ياسعود=وهجوس فكري فِي مجاره راوت
    شاعر وفكري فِي مجاراه مشدود=دام ان بيوته مايجيها تفاوت
    يقطف ورودَ الشعر مِن كُل عنقود=يوم المقردَ للمقردَ تصاوت
    ذكرتني ياصاحبي لين العود=اللي عَليها الدمع حَول مشاوت
    ترسل علي سهومها يافتي الجود=ماعندها الا الجرح مايوم دَاوت
    احبها والقلب يالبرق ملهود=والبنت ماغيري مِن الناس هاوت
    منول معه المحبه فري قود=واليَوم حين يشوفني قال اوت
    نرسل عَليه ولايجي مِنه مردود=راح وعلي جروح قلبي تضاوت
    اصافح الذكري وري كُل مطرود=حزين دَام اركاب حبي تثاوت
    ياخوك عَن حب الغضي ماقدر اعود=دام ارتوت مِنه الجروح وتراوت
    يفداك يابرق الوسم كُل مقرود=القلب ماهُو سلف والا كتاوت

    هيه يالي منطقك شَدَ انتباهي=تدعي بالطيب وتبز المناخر
    تحسب انك مِن رياجيل" دَواهي=مادريت انك مابين الناس الاخر
    الفعل يزهي الَّذِي للطيب زاهي=مانت كفو" للفعايل والمفاخر
    عن علوم الجودَ والمعروف لاهي=خايب" بَين العرب لَو اتفاخر
    كدَ نهيتك مير مانته بمتناهي=لاتهاذي بالمجالس وانت ساخر
    عدنا بالطيب يالمقرودَ راهي=وعن رفيقي بالوفا ماني بذاخر
    ضيفي اقهويه مِن دَله وشاهي=واذبح الحايل وعودا" فالمباخر
    حافظ" بَين البشر قدري وجاهي=وشَ يجيبك يالقوارب للبواخر
    ماذكرت بطيب لَو انك تظاهي=لا السنين الاوله ولا الاواخر
    تفتخر واقول أنا فلم" فكاهي=للفخر مانت كفو ولانت فاخر
    ياشبيه الي ربض وزن الشياهي=خلك وزان المَره وارقدَ وشاخر

    يابلادَ العز منشي المسلمين=يابلادَ العز يادار السلام
    يابلادَ العز بالله نستعين=لك غلا لك حب لك كُل احترام
    يابلادَ العز يالسدَ المتين=دونك الارواح ترخص باهتمام
    يابلادي يوم بَين مايبين=قالوا الدنيا تري فيها قتام
    فيه ناس تحسدك خلك ذهين=لاتسمع هرجهم وسَط الزحام
    ويابلادي يوم صرنا فاهمين=شفت كَيف الحسدَ يبغا لك هدام
    شفتهم وشلون حطو لك كمين=شفتهم بعيالك بشرق وشام
    غرروهم فهموهم مغلطين=درسوهم دَرس مبداه الخصام
    ادعو فِي دَين مدري أي دَين=يقتل الشياب والطفل الفطام
    وحطو ان الشعب كله مستهين=وكثرو باللوم لعيال الامام
    يابلادي والله انك تكرمين=عن ضعوف الناس وهروج الهلام
    يابلادي أنتي وردة ياسمين=فيك ريح الوردَ وارياح الغمام
    يابلادي والله أنا صامدين=ضدَ مِن يضهدك وعيال الحرام
    نرخص الارواح لاجلك ميتين=ولايجيك مِن الضرر حتّى العسام
    يابلادي عزك الله تسلمين=دام عزك فيك بعيال الامام
    وابومتعب بالولاءَ لَه مخلصين=سيدي قَدَ المهمات العظام
    سيدي ياسيدي لك معلنين=مانهاب الموت بغبات الظلام
    والله أنا لاجلسنا واقفين=ونتحري الموقف لشدَ الحزام
    ماحيينا لاجل نكتب كلمتين=حطنا الله للعباده والمهام
    نحتمي الموقف ونضرب بالسمين=ولاهزمنا لاجل نسعي لانتقام
    ياملكنا بالوفاءَ دَنيا ودين=الولاءَ ثُم الولاءَ لك كُل عام
    افتخربك والفخر لازم يبين=في قصيدة شَعر والا فِي كلام

    هَذه القصيده فِي زواج الاخ العزيز,,,,,عبدالله بن خالدَ بن ماطر العليم


    باسمك بدينا ياولي العرشَ فِي جزل القصيد=ابيات شَعر" للجزاله منتوي طاروقها
    اصوغها صوغ الذهب واصبها صب الحديد=ونذر" عَليه دَامني شَاعر لحفظ حقوقها
    اقودها قودَ المطيه بالرسن مِن دَون قيد=وارقابها فَوق الطوال بقدرتي واسوقها
    احوفها مِن معرفة فكري قَبل هرج البليد=ارفا خمايلها عَن الزله واخيط فتوقها
    شاعر وتطلعني يميني مَع هَل الراي السديد=ومتذوقة شَعر النبط تبشر بمرضي ذوقها
    يامرحبا بالي لفانا مِن قريب ومن بعيد=عدَ المزون المرزمات اللي تلوح بروقها
    واعدادَ مانسنس هوي الغربي وما هز الجريد=ترحيبة" عَن كُل ترحيبه تبين فروقها
    في مجلس" فيه الوفا والطيب والمجدَ التليد=والنار تشعم والدلال الصفر دَايم فَوقها
    والعودَ الازرق للنشاما يستدير ويستعيد=والحايل تقلط قدر للضيف فِي مرزوقها
    عِندَ الرجال اهل الدلال ملينة راس العنيد=ربعي هَل الميقاف واهل الطيب مِن منطوقها
    واهل الفعول النادره نطاحة العلم الاكيد=مثل الحرار الي علي الجزله تتل سبوقها
    ربع" لَهُم كُل احترامي بالقصيدَ وبالنشيد=ربع" لَها قدر ومعزه والقصيدَ يلوقها
    ماطر واخوه محمدَ بوقت الشدايدَ لَه عضيد=وعبدالله القرم السنافي شَوق مِنهو شَوقها
    ماوفي مواقيف النشاما لَو ابا اكرر واعيد=لو ارسم الابيات وورودَ الشعر مِن فَوقها
    اعزهم وافخر بهم بالوقت الاول والجديد=لا يابعدَ ناس" علي الخيبه تمط شَدوقها
    عيال رجل" نادر" بالطيب والباس الشديد=هذاك ابن ماطر كعام الي وساع حلوقها
    يالله عساه بجنة الفردوس والعيشَ الرغيد=وتجنبه عَن نارك اللي تلتهب وحروقها
    واليَوم نور الجوهره يزدادَ بالعيدَ السعيد=مبروك عدَ غروب شَمس الكون والا شَروقها
    جينا نسوق احلى التهاني والوفا فِي يوم عيد=باحلي العبارات الجميله والوصوف تفوقها
    وياطيب راسي يوم افاخر بالدويله بالقصيد=واذكر بني عمي وهَذا حق ضمن حقوقها
    ربعي حمادين يضدون المعادي والضديد=عدونا عينه نهار الكون نكحل موقها
    اليا تعزوينا يهون الكايدَ اللي مستكيد=في ساعة" فيها القرب يكبر مصب شَقوقها
    تشهدَ لنا صم الرمك والجيشَ مِن وقْت بعيد=ارواحنا وقْت الحرايب مرخصين" سوقها
    كم مِن شَجاع" لاتهقوانا يعودَ مايفيد=وكم مِن رجالا" بالوغا والحرب حنا عوقها
    لعيون وضحا" تلتذع لوحت خبيط" للبيد=ولعيون مِن يزها مبيسمها جمال دَقوقها
    الادَ عمي محزمي باللازمه واهم الرصيد=الشجره الي ياعساها ماتموت عروقها

    ياالله انك ترحم العين مِن شَي تشوف=ويالله انك ترحم القلب مِن ضيق الصدر
    ياولي" بالشدايدَ ميسر للظروف=فزعتي لاصار مالي مطير ولا مفر
    ضيق الخاطر غزال"جميل وفيلسوف=نعنبوها صادفتني بكوريشَ الخبر
    جادل" فيها الحلا ماتوصفه الحروف=واعذاب القلب مِن شَوف براق النحر
    لامشت تمشي علي هون وتهز الكتوف=اتدلع بالخطا واتغطرس بالكبر
    زينها وهبه مِن الله وللعاشق تلوف=كل مافيها حلا مِن شَعرها للظفر
    ماقدرت استحمل وقلت لحظه يالهنوف=وقفي وارجوك لدي عَليه بالنظر
    ليه قلبك قاسي" لايودَ ولايروف=نعبوا دَارك حجْمتي علي كُل البشر
    في عيونك خيل مَع حرب مَع سلة سيوف=أنتي الفتنه علي الناس واسباب الخطر
    لامشيتي صاروا الناس مَع جنبك صفوف=الخلايق لامشيتي يشوفون البدر
    العيون السودَ والعنق واطراف الردوف=والشعر ليل" علي الصبح غطي وانتثر
    ترسلين سهوم عينك علي عباد" ضعوف=مالهم حيله ولا حل ياكودَ الصبر
    مير سوي بالاوادم جمايل ومعروف=لاتجين ولاتمشي علي شَاطي البحر
    مير جعلك فدوة الي علي قلبي تحوف=جادل" فِي وسَط قلبي غلاها مستقر
    مايزعزع فِي غلاها هبوب ولاعصوف=مسهرتني عَن لذيذ الكري لين الفجر
    ياعساها سالمه مِن مقادير الصدوف=بهذلتني مير ابا اطلب مِن الرب الاجر
    تلت القلب المعنا وزادت بالجروف=والسبايب كلها سبة القلب الخضر
    وصفها ماينتوصف بوصف مِن الوصوف=ويشَ اوصف ويشَ ابي اقول طلة قمر
    جادل" فِي حبها همت والحب معروف=من مشي دَرب المحبه يبي يلقي العَبر
    ياحبيب" فيك قلبي مولع ومهروف=ياعسي يفداك يازين سكان الخبر
    قصيده فِي الشيخ فيصل بن متعب بن سقيان

    يالله ياللي عالم" غيب الاسرار=ياواحد" رزق الخلايق بيده
    انك تنجينا عذابك مِن النار=وتجيرنا يوم" عسير" مشده
    من بَعدها ياراكب" فَوق فكسار=سكبه وراع الصنف لَه فيه لده
    فكسار ياباني بتصميم بيطار=اليا عطي لَه سهلة" مجرهده
    توه جديدَ وقيمته غالي الاسعار=ولا ياصله راع الفقر والمكده
    اليا ضرب لَه سهلة" مابها قار=تقول حر" منصرم فِي مهده
    اركب عَليه ولاتهوجس وتحتار=نصه لشيخ" ماردَ الطيب عده
    منصاه يم مليح وافين الاشبار=شيخ" معرب يم خاله وجده
    فيصل ولدَ متعب ليا صار ماصار=له هقوتن تبعدَ وري الطيب شَده
    مني سلام" عدَ ماطاير" طار=ياسايقه بالله للشيخ وده
    شيخ" ولدَ شَيخ" ومن ماكر احرار=يوم ان شَيخة بَعض هالخلق مده
    ياشيخ ينصونك طحاطيح وكبار=والي نصاك بلازمه ماترده
    والعودَ الازرق والمباهير تندار=يوم ان ولدَ اللاشَ طيبه بنده
    لك ماقف" يشري بغالية الاسعار=وكل ماقف" عسر" تراك أنت قده
    ابن الحمايل مكرم الضيف والجار=وفي لازمي ناصيك وانته مسده
    نسل الشيوخ الي لَهُم فالبلدَ كار=وابوك متعب مانسيته واعده
    حر" وفيه تقال زينات الاشعار=مزبان مِن ضده مِن الوقت ضده
    ستر العذاري مِن قديمات الاعصار=قرم" علي الفزعات فِي كُل شَده
    ابوك راع الطيب دَواس الاخطار=لو ان بَعض الخلق ماهُو بوده
    قرم" علي دَرب الرديين ماسار=انتم هلن للسرج واهل الاشده
    يوم أنها ماغير فارس وسبار=قوم" لكُم فِي نجدَ هده ورده
    وان صاح صياح الضحي وقْت الانذار=كم شَيخ منكم قَبل القاع خده
    المدح يزهي كُل ماضين الاذكار=مثل الشدادَ اليا ركب فَوق بده
    ياشيخ يفدونك ضعيفين الافكار=وياجعل تفداك الوجيه المصده
    جني بنات الفكر جلن مَع ابكار=وضح" توحي يم صوت الموده
    وصلآة ربي عدَ همال الامطار=علي النبي واعدادَ سكان جده
    علي الله ياهجوس الشعر والميدان ياحميدان=جزيلات القوافي ودي اطرقها واغنيها
    سري ليل العرب والنوم خله ينفع النعسان=وساعات المواقف مالها الا مِن يهقويها
    اسج الرجل مَع دَرب النشاما واترك الرديان=امشيها وانا فِي قطعت الفرجه مضريها
    اروم الطايله باللازمه واصهل صهيل حصان=وقواف" مالها معني هجوسي ماتسويها
    بيوت الشعر اثبتها واراصفها علي الميدان=بعدَ ماحضرت وزنا" تحييني واحييها
    اصوغ البيت واحوفه عَن المنقودَ والنقصان=واصور بالقصيده مايليق بقوافيها
    صخرت البيت مِن دَافع محبة شَردَ القيفان=ونحت الصخر والقمه بفضل الله معديها
    اطرز بالقصيده طرز مِن لولو ومن مرجان=عشان المستمع يطرب لَها مِن يوم يوحيها
    اروضها واطوعها بليا سرج والا عنان=باوامر ناتج المفهوم امشيها واقديها
    لها خَلف الضلوع العوج مدهال ولها مسكان=اوردها علي عدَ القصيدَ العذب وارويها
    يدور الكون والاوقات بامر مدبر الاكوان=يسيرها ولي العرشَ حسب امَره يمشيها
    الا ياوقت يالي فيك كثرة شَهرة الفرسان=صقاط" فِي زمان العومله كثرة مغازيها
    غزي الساحه شَواعير" بلا معني ولا عنوان=نشوف العله القشرا ولا نقدر نداويها
    رجالا" مبتلين الشعر بالقيفان والاوزان=هذاك بيوت كاسرها وذاك بيوت شَاريها
    حداهم لانشدته قال أنا المبدع وانا الفنان=وانا صاخر قوافيها وانا مسس مباديها
    يحسب ان القصايدَ هرج يم فلان والا فلان=يجر الصوت مايدري ومسباحه يلويها
    لقي ناس" تطبله وجاه مِن الطبل زيران=بلي نفْسه ببدع القاف والقيفان باليها
    يبي صيدَ المعاني مير كنه طير ابن برمان=يشيل الكلمه العوجا وبالساحه يوطيها
    غريبه شَخص ياردَ عدَ ويصدر مِنه ضميان=مصيبه ياعساني فِي زماني مابتلشَ فيها
    اعزتهم قنوات الفضاءَ والفضل للرحمن=وخلتهم شَواعير" تفاخر فِي معانيها
    قناوات" لَها مني تحيات ولها عرفان=حوت موروثنا الشعبي بحاضرها وماضيها
    وانا ماعم كُل الناس بِه ناس" لَها ميزان=شواعير" تشرف فِي قصايدها وطاريها
    مشاكل مالقينا حلها مَع دَورة الازمان=مع الايام زادت وابتلشنا فِي بلاويها
    يامرحبا مِن دَافع احساس وشعور=باللي مراسيله لفت مَع رسوله
    قرم" شَكالي مِن عنا الحب مخطور=واسندَ عَليه بَعدَ ماطق جوله
    لامباردَ يشكي وده الحل بالفور=وناشي عشان القرم مسرج خيوله
    ارسل علي الهم فِي مجمل سطور=يشكي فراق العيطموس الخجوله
    اسانده واقف لَه بِكُل الامور=ماهُو بحكي لسان والا مقوله
    وكانه علي فرقاك ماهُو بمجبور=واقفي وصدق فيك ناس" حكوله
    ياصاحبي كَانك تباتاخذ الشور=اسمع كلا مي وفهم اللي بقوله
    احيان راع الحب يمشي بلا شَعور=يحفي قدم رجله ويتعب ذلوله
    لويشتكي ويصيح الناس معذور=نفسه علي فرقا وليفه زعوله
    اصبرعلي الاحزان والسهروالجور=ويجيك يومن كُل همن يزوله
    قصيده موجهه للشاعر عبيدَ علي الحميداني

    الا ياوجدي ياعبيدَ علي مافات=وجودَ الشجاع الي لياليه بهذلته
    يبي الوقت الاول مير هيهات ياهيهات=زمانه لعبه والمقادير مشغلته
    شجاع يفك الجمع ويصامخ الهيات=وسيف الوفا والطيب يمناه ناقلته
    عقيدَ النشاما يوم الاكوان لَه وقفات=مع اهل المواقف تعرف القوم منزلته
    يفك الجموع وضربته تبري العلات=لكن الليالي مِن ماهُو فيه حولته
    غدر بِه حقير" للردي فيه ماريات=اطعن بالمنام وطعنت الغدر شَللته
    يبي يقُوم مير العلم ماهُو علي الهقوات=سطت بِه جروحه ياعبيدَ وعازلته
    عن الناس صدَ وقام يضحك بِه الشمات=تقل مايمينه مَع هَل الطيب مهلته
    يذوق الممات بداخله مير هُو مامات=يقُوم ويطيح وكبر الوقت مشكلته
    يشوف النكدَ دَايم وهو عالي الهامات=يجر الونين وعينه الدمع سيلته
    صوابه عطيب وزايدَ الجرح بالمشكات=ولاله ربوع وكل الاصحاب مُهملته
    وانا الحال مِثله لِي زمانين ودَ وهات=علي الجادل الي صدَ مِن يوم دَللته
    عطيته خفوق" فيه حبا" حيا مامات=وعلي صادق الاحساس والحب عاملته
    فديته بقلب" عاشَ مِن شَانه الماسات=واحاسيس شَاعر بالمشاعر تمثلته
    خياله بعيني مايفارق صدي النظرات=وبرقه يلوح وعين ناشي مخايلته
    احبه وحبه بالدقايق وبالساعات=يزودَ الغلا فِي كُل لحظه تخيلته
    حسين الطبوع ابو الدلع سيدَ الخفرات=مع الناس ماضني نحصل لشاكلته
    ابو لبة" بيضا" كَما شَعة اللمبات=غلاه بضميري مايوفا بما قلته
    نحت اسمه بقلبي وفرقاه زادَ اهات=ذبحني ولا ادري وشَ سبايب مجاملته
    يكسر مجاديف المحبين دَون اثبات=وانا لاجل عينه كُل شَي" تحملته
    هجرني بَعدَ مااركي علي القلب بالعرقات=ولا ادري وري نفْسه علي البعدَ سولته
    جداي افرك الكفين واجاذب الونات=علي الي تواصيفه مَع الملح كملته
    انا ويشَ اسوي ياعبيدَ بها الاوقات=لفاك الصخيني مالقي حل لاسئلته
    يوم" لك مَع الشعار صوله ولك جولات=وتعرف الهوي حيثُ أنت يالقرم عابلته
    لفيناك نشكي مِن عني الوقت اللوعات=ومثلك يابو محمدَ تشرف مساجلته


    من لاينال المرجله فِي شَبابه=ماضنتي يلقا المراجل ليا شَاب
    كل" علي الطالات يشعب ركابه=ولافيه شَي" غَير فِي بذل الاسباب
    اليا اذن المذن عليك الاجابه=وصل الفرايض واسجدَ لرب الارباب
    اعبدَ ولي" ماله احد" يشابه=مفرج الكربات فِي وقْت الانشاب
    وامك وابوك ارحم بهم والقرابه=لاتقطع الارحام بالربع الاقراب
    هم الاجر وان كَان تبغي المثابه=وخل العلوم الثانيه عنك مجناب
    وافطن وخلك ذيب بَين الَّذِيابه=واحرص علي خوة طويلين الاشناب
    اهل النقا والطيب واهل الحبابه=كسابة الناموس فِي وقْت الاصعاب
    الي مواردهم سوآة اللهابه=لاجيتهم باللازمه فكو الباب
    والا الردي مافي مخاواه ثابه=لو طاب لك يومين تراه ماطاب
    لابدَ مِن يوم تشوف الردي به=وتقول لَه روح تري خاطري طاب
    ولدَ الردي ماينحسب وشَ تبابه=والله مايحسب مِن حساب الاصحاب
    لو كَان لَه جدان وفعول لابه=ماحد" يعدل بالعصا عوج الارقاب
    ماينفعك لا كشر الوقت نابه=كنه سهم سبكيم واعمار وانساب
    وانصحك عَن شَي" عليك اجتنابه=لاتصير باعراض الرياجيل شَذاب
    هرج القفا علي النشاما معابه=هرج القفا والا التنابز بالالقاب
    يخلي الرجال ماله مهابه=وينزله مابين ربعه والاجناب
    والمجلس واحذر لاتزيدَ الحكي به=لاصار بالمجلس مِن الناس شَياب
    الهرج منقود" علي الي هذابه=وعيب" علي الرجال لاصار كذاب
    اتبع طريق الطيب والي سعابه=ولا تترك شَماغك ولا تلبس الكاب
    ودرب" يجيب الريح قم سدَ بابه=مالك وري بَعض السواليف طلاب
    قصيده فِي زواج الاخ,,سطام بن علي بن سالم القصيم -


    باسم الاله المعتلي رب الاكوان=الواحدَ الي عالم" بالسريره
    من يوم لاح البرق فِي غر الامزان=يالله عسي بالامر خير" وخيره
    القاف جاهز للمعاني والالحان=من شَاعر نبع الوفا يستثيره
    يسوقه الدافع مِن احساس وجدان=للي لَهُم بالطيب والجودَ سيره
    سلام يارمز الوفا ياكحيلان=يانادر" بالطيب عقله شَويره
    قرم" تسلل مِن سلالات شَجعان=حر يبشر بالسعدَ فِي مطيره
    شيال عسرات الحموله بليهان=بالراي راع المعرفه يستشيره
    علي ولدَ سالم علي العز والشان=له صفحة" بالمجدَ دَايم نويره
    له ماقف" يشري بغالية الاثمان=لا يابعدَ راع اليدين القصيره
    للاشَ لاشَ ووقته الشين لَو زان=مع دَورة الايام يعرف مصيره
    والا أنت للطاله ولا الطيب عنوان=ولك فِي مجال الطيب دَوره وديره
    ربعك هَل الفزعات مِن ماض الازمان=منهم جموع القوم راحت كسيره
    قصمان لاركبوعلي الخيل فرسان=بالشلف والا بالسيوف الشطيره
    عدوهم مكسور مِن غَير حقران=كسر" بيبطي مايلاقي جبيره
    من جاءَ يبيهم تالي الليل طمعان=يروح حبا" بالرحا المستديره
    تشهدَ لَهُم صم الرمك يوم الاكوان=وتشهدَ لَهُم بالطيب شَبه الجزيره
    ياما اكسبوا بالكون حلوات الالبان=وياما رمو روس" بالاسماءَ شَهيره
    خوال ابوي مرجحت كُل ميزان=يَعني خوالي هُم كعام المغيره
    ومبروك ياسطام ياطير حوران=عسي السعدَ فالك ولافيه غَيره
    وانا ماقول الا مِثل قول راكان=مثل ومن راع المثل نستعيره
    ماقل دَل وزبدة الهرج نيشان=والهرج يكفي صامله عَن كثِيره

    اقسم وخل الضرب والطرح قدام=مادام نفْسي للبيوت محديه
    شاعر ومرفوع علمي بَين الاعلام=من فضل ربي ماقنيت الرديه
    هيضني اللي حط للقاف مرسام=شاعر وصاغ الشعر مِن مقدريه
    شاعر ويحسب مَع هَل الشعر مقدام=من ناتج افكاره يقودَ السريه
    نحت بيوت" كنها نحت الاهرام=من الجبل خلي معاني جريه
    العلم فيه علوم والعلم صرام=اعنه صده يالرجال العذيه
    لاصار مبهم يبشر بصمة ابهام=وتحليل مفهوم البيوت الذكيه
    افسر الموضوع تفسير الاحلام=لاضاعو الرديان بالمهمهيه
    الناس ماهم يافتي الجودَ خدام=وانته تعرف ان الليالي مديه
    الشرق ماله ذنب يبلا مَع الشام=لاتجمع الاثنين وسَط الخطيه
    مافيه عز" غَير فِي دَين الاسلام=في طاعة الله واتباع لنبيه
    لكن أنا بسالك يالبرق باولام=يوم أنت فِي شَعرك تحالي طميه
    سؤال عيت تكتبه كُل الاقلام=لو ان ماحله بصعب" عَليه
    يابرق ليه الزير يثار بهمام=عقب الاخوه كَيف يذبح خويه
    مدري يبي الشهره بذبحه والاعلام=والا ان نظراته تخيل الثريه
    الحل عندك وارسله يابن الاكرام=عَبر الاميل ارجوك حل القضيه
    ياراكب الي يدني البعدَ ممشاه=توه جديدَ مِن البواخر منزل
    الموتر الي مِن حفيزه شَريناه=ودك تتله مَع طعاميس وعبل
    كل المواتر لامشي ماتعداه=بين المواتر كاسب اعلي المنازل
    تصميم فكر يوم سواه سواه=عودَ ولو تاصف لَه الدرب مادل
    ياسايقه بالله ياخوك بالله=نصه لقرم بالشديدات ماذل
    اركب عَليه ودق سلفه ومنصاه=راع الكرم والمعرفه والمراجل
    هو صاحبي جعل البلاوي تعداه=وياجعل تفداه الرخوم المبدل
    راع الحجاج المسفهل لاعدمناه=منصي لعكفان الشوارب ومدهل
    سلم عَليه وحط خطي بيمناه=وليا لفاه الخط ماهوب باحل
    يابو محمدَ ذقت شَين المعاناه=اسهر طوال الليل ودموعي تهل
    علي وليف" تل قلبي مِن اقصاه=تل الرشا مِن قاعة البير لا تل
    اقفي وقفت يالشطيطي مطاياه=غرو علي قلبي مسيطر ومحتل
    الي عقدَ مثنآة قلبي بيمناه=عقدَ المرار ليا انعقدَ زين ماحل
    قام يتغلي واطرده واطلب ارضاه=قفي وانا اشكي مِنه سوء التعامل
    ماشوف أنا بالعين غَيره ولاماه=ريمية ياخوك تجفل مِن الضل
    افز أنا لاوحيت صوته وطرياه=واليَوم جيتك واشتكي مِن هوي الخل
    حيثك تعرف الحب وتعرف مجراه=شاعر مَع اهل الشعر تنقض وتفتل
    يابو محمدَ محتمي كُل مِن جاه=جاك الكتاب وصاحبك يطلب الحل

    مناسبة القصيده خروج الاخ/ فلاح بن الحميدي بن عبيسان الحميداني مِن المستشفى






    باسم الولي رب العبادَ استعنا=مدبر الاحوال بالصبح والليل
    الواحدَ الي عالم" ماجهلنا=منزل كتابه بالايات تنزيل
    معلقين" بالولي دَوم املنا=مافيه غَيره يستحق التهاليل
    يوم ارعدت غر المزون ولفنا=وانهل مِن مزن الخيال الهماليل
    جالي مَع الطاروق قاف" يغنا=ونظمت قاف" لاودَ عدل الميل
    هاض الصخيني مِن هجوس" تغنا=باقصي الضماير قامت تحط وتشيل
    ماني مضريها علي غَير فنا=لها علي العدَ الرهاوي مداهيل
    ماجبتها منا ومنا ومنا=اتعب علي معني جزيل التماثيل
    لي هاجس" باللازمه ماتونا=والحمل ماله غَير شَقران وشعيل
    لين القصيده تاصل لما اتمنا=وتصبح كَما ورده علي شَاطي النيل
    لاح الخيال وهايم الفكر غنا=ووردن بنات افكار شَعري مقابيل
    مني سلام" عدَ ورقا" تغنا=علي الغصون العاليات المضاليل
    يشمل قريب الدار والي تعنا=من دَافع الاحساس مافيه تضليل
    اخصبه راع الوفا والمثنا=قرم" رقي بالطيب للجدي وسهيل
    عدا مراقيب الوفا ماتدنا=له ماقف" ماهوب حزة تساهيل
    قرم" علي الطاله صروحه تبنا=فلاح ابو هابس حفيدَ الحلاحيل
    الطيب ساسه دَون شَك" وضنا=كساب قالات الوفا والتنافيل
    ذباح حيل مِن الشحم غلقنا=وله مجلسا" تندار فيه المعاميل
    يشري المراجل لَو قسن وغلنا=يوم الردي ماله عزيمه ولا حيل
    تنصاه شَوخ القوم واله اتعنا=وتجيه بالشده زحَول الرياجيل
    عد" علاه الناس منا ومنا=هَذا نزل حوله وذا مَره محيل
    جده عقيدَ الخيل لامن غزنا=كم واحدا" مِنهم يشوف البهاذيل
    واليَوم جينا يوم الافراح جنا=نزف باقات التهاني مواويل
    علي السلامه بالقصيدَ احتفلنا=يوم الولي سلم رفيع المنازيل
    سلام ياربعي حمآة المجنا=ياعز مِن ضاقت عَليه المداخيل
    حنا الدويله ماكر الطيب حنا=يشهدَ لنا التاريخ جيل" باثر جيل
    حريبنا بالوقت لا ماتهنا=لاشافنا يعذر بتالي المحاصيل
    انا اشهدَ ان الي نطحنا تعنا=اليا تعلينا المهار المشاويل
    لاثار عج الخيل واعسامهنا=عاداتنا نفزع علي الكنس الحيل
    كم فارس" مِن فَوق سرجه تثنا=جبناه فِي حدب السيوف المصاقيل
    ويوم الخيول المكرمات يعدنا=يشهدَ لنا التاريخ والهجن والخيل
    ويوم السيوف بضرب الايدي تحنا=السيف ماعلق لزينه وتجميل
    ودخيلنا يفرح ليا مِن زبنا=يرقدَ بامان ولايشوف الغرابيل
    الفضل للي عزنا ما خذلنا=رب" جعلنا مضرب" للتماثيل
    واختامها يوم القوافي تغنا=ياجعلها ترضي سموع الرياجيل





    لله مِن قلب تبلواه الامراض=اليا بغي يرتاح جاءَ مايهيضه
    بسباب مِن قفي عَن القلب مغتاض=زودَ علي قلبي همومه وغيضه
    ابو مبيسم كنه البرف لاناض=في ليلة غاب القمر عَن وميضه
    وابو جديل فَوق الامتان نقاض=وله مشية مِثل الحمامه بفيضه
    حلفت ماسمع فيه ناصح ووعاض=لو زادَ نصحه يالبشر وتوعيضه
    عليه دَمع العين ياخوي كدَ فاض=ونفسي علي شَوف الغضي مستهيضه
    واليَوم ابسندَ شَكوتي يم عواض=الحل وشهو والمشاكل غميضه
    وجدي وجودَ اللي عَليه الزمن جاض=وضاقت عَليه فجوج نجدَ العريضه
    جاه مرضن فيه المخاليق تعتاض=ومن الحيآة ايس ولافيه عيضه
    علي الَّذِي قفي وانا فيه ماعتاض=روح وروحي مِن فراقه مريضه









    قاف" لفاني بِه الافكار مهتمه=من شَاعر" لانطق ياقف لَه الماشي
    يامرحبا عدَ مِن ياردَ علي الجمه=بالشاعر الي بيوته تدهشَ ادهاشي
    يشكي مِن الوقت راع الطيب ويذمه=دز القوافي وقال الحل ياناشي
    وانا ابن خاله وانا دَرعه وابن عمه=وانا عضيده لاصار الراس منداشي
    اردَ المنايا عشانه وارفع الهمه=يوم ان راسي وتفكيري معه شَاشي
    يابن سعيدان موت الداب فِي سمه=اخير مِن نابه اللي تقل منقاشي
    بعض البشر لَو يجيه الوردَ ماشمه=واليا ذبل مايفيده مرشي وراشي
    العلم نعرف مضامينه ونزتمه=والفرق واضح مابين عميشَ وعماشي
    طردَ المقفي ماسر اللي يجي يمه=لو حدك الوقت عنده مانت معتاشي
    يزيدَ همك علي همه ولا همه=تجيك عوجاه مِثل الكحل بالشاشي
    اقولها مِن هجوس" تعرف اليمه=والظبي معروف مافي راسه عراشي
    خل المقفي قَبل لايجيك بمطمه=مادام فوح القدر ياصاحبي غاشي





    يامحمدَ الخالدَ نويت اطرق جزيلات البيوت=من يوم عقبت الحفر متوجهن يم القصيم
    سبة هموم" بالحشا قامت تشوت القلب شَوت=جرحي مِن اسباب الغضي ياصاحبي ماهُو سليم
    احاول انسا ماجرالي مِنه لكِن لَو اموت=ماانسا حبيب" مسكنه خَلف الحنايا مِن قديم
    اغليه واحبه كثر ماعقاب متعذب بنوت=غرو" مِنه جرحي يابن ماطر مِن الفرقا سقيم
    غرو" تجيني صورته بالليل والعالم خفوت=واسج مَع ذكري عديل الروح يامحمدَ واهيم
    ماهمني بِه هرجة العاذل ولا وهرج الشموت=يبقي حبيبي يابو تركي كُل ماهب النسيم
    اليا صدفني كن سيف الحب بالصدر مغموت=واليا فقدته كن سيف الغدر فِي ظهري مقيم
    وشلون اجيب الجوهره والجوهره فِي بطن حوت=عسي الولي يهدي عباده للسراط المستقيم
    ياويشَ اسوي يابو تركي وانت شَيال التخوت=عطني جوابك ياوسيع العرف تكفا يالعليم





    عزتي للي عيونه ساهره عيت تباتي=ما يذوق النوم والعالم رقودَ ومستريحه
    يا منيف هموم قلبي مِن عنايه مقبلاتي=لابغيت اقوم وانهض طحت لِي تسعين طيحه
    لو تشوف الابتسامه ماهِي بعلم ثباتي=ابتسم لكِن معاليقي تري ماهِي منيحه
    سبة الي ما يفارقني لَو اني بالصلاتي=صدَ عني لين خلا كُل احاسيسي جريحه
    والله ما قطعت الوصل فِي عذب الصفاتي=مير بنت الناس فِي وصلي يابن خالي شَحيحه
    صدت المملوحه وخلت عيوني ساهراتي=وما يعوضني بها المترديه والا النطيحه
    جعل مِن لام الصخيني فِي هوي سيدَ البناتي=تبلاه المشاكل لين ياقع بالفضيحه
    والله ان شَفي بقربه والمواري بيناتي=كل مافيني يبيه وكل احاسيسي صريحه
    كانه اقبل عارف " منزاله وقدره بذاتي=وكانه اقفي مانقول الا عسي ربي يبيحه


    مل قلب فِي هوي الزين ياااااافايز تولع=لاكتمت الحب بالقلب تفضحني دَموعي
    من غلاه القلب خطرا علي القلب يتشلع=ودي بشوفه ولو مرتينن فالسبوعي
    الوليف ااااااااللي ذبحني بزينه والتدلع=جامع غَير الوصايف بَعدَ حسن الطبوعي
    لابغيت اصدَ قلبي مِن اااااااالفرقا تملع=وان بغيت اروح واغيب يامسرع رجوعي
    مير قلبي مِن فراقه يابو هلاااااااال ولع=له غلا مبطي وراسي وري حدب الظلوعي


    النوم عيا يجيني يابعدَ حالي=والسبه أنتي خيالك مايخليني
    أنتي لِي اكبر طموح واكبر امالي=مافيه غَيرك بهالدنيا يسليني
    صوتك تطري علي ودايم ببالي=في كُل لحظه تتابع صورتك عيني
    واذا طري اسمك عَليه زادَ غربالي=ودي علي شَوفتك ياغلي محبيني
    انا بِدونك وحيدَ وناحل ن حالي=وأنتي علاج الفؤادَ اللي يداويني


    [poem=font="Simplified Arabic,5,red,bold,normal" bkcolor="transparent" bkimage="backgrounds/1.gif" border="outset,4,gray" type=0 line=0 align=center use=ex num="0,black""]
    مشيت دَرب الهوي وانا طبيعا"=واليَوم شَفني كسيف الحال ليليا"
    ماكنت اظن المحبه بَعدها فرقا=ولاكنت احسب عواقبها نهائيا"
    يالين شَفت الخيانة مِن محبيني=واصبحت اغني واهيجن لااراديا"
    احاول اكتم شَعوري واكتم احساسي=لكن مااخفيت قدم الناس مرئيا"
    ياصاحبي ليه تجفاني وتطعني=بعدَ الغلا صرت لِي شَخص انتهازيا"
    عطيتك الي مايعطي واحدا" غَيرك=قلبا" علي الحب والاحساس مبنيا"
    ياما سهرت وكرهت النوم لاعيانك=وياما خيالك يجيني كُل عصريا"
    وياما الهدايا تجيك لحدَ بيبانك=وياما دَفعنا بها شَيكا" ونقديا"
    وياما علي شَان شَوفك جيت عاني لك=اقطع مسافات خيالا" ورجليا"
    ماكان يطري علي انك تفارقني=حتي اكتشفت اني مِن الحب منسيا"
    عشقت غَيري وجددت المعاناتي=وانا الَّذِي كنت اضنك لِي حصريا"
    سواتك الي تسوي مايسويها=الا مسيحي مرددَ أو يهوديا"
    انا اشهدَ اني عطيتك قلب وافي لك=لكنك اصبحت خائن وانتقاميا"
    اخطيت وانت متعمدني وقاصدني=وانا ادري ان الخطا ماهُو بعفويا"
    واليَوم تبغي ترجعني علي حبك=من بَعدَ موجبك صار العكْس سلبيا"
    تبطي عظم مااجيك ولااتعذر لك=ماانزل الراس لك وانا مطيريا"
    رح جعل ربي يسَهل كُل خطواتك=بدونك احسن اريدَ اعيشَ حريا"
    بلا مشاكل ودوخة راس ماريدك=يَعني وجودك معي ماهُو ضروريا
    قصيده بزواج الاخ العزيز..علي غنيم بن جبرين لعلها تنال اعجابكم واستحسانكم:

    يالله يالي باسمك ابدا واسجدَ لوجهك شَكر=يامصرف احوال العبيدَ وعاقب الليل بنهار
    من بَعدَ ذكرك منتوي لابيات شَعر" كالدرر=والله لاروضن علي ماريدَ ترويض المهار
    ياهاجسي حضر وانا خابرك فِي وقْت الشعر=مانته مضريني علي الروغات والا الاعتذار
    خابرك فِي وقفتك تشفي همي الي بالصدر=تمتاز عَن غَيرك ياهاجوسي بحسن الاختيار
    ارسم لِي الفكره بَعدَ شَبيت ناري مِن سمر=وابشر بقاف" يطرب السامع مِن طوال العمار
    لها وري عوج الحنايا مسكن" دَايم خضر=من ناتج افكاري ومن فني وكلن لَه مسار
    واليَوم ماوالله دَون الصاحب الوافي عذر=والموقف الحساس ابا احطه بعين الاعتبار
    سلام تسليمة وفاءَ مِن شَاعر" لامن حضر=ياقف لَه الجمهور ويشوشَ الكبار مَع الصغار
    تسليمة" فيها مِن الاطياب خمس مية عطر=والذ واحلي مِن قراح الماءَ ودر ام الحوار
    تشمل جميع الي حضر مِن بدو والا مِن حضر=اعدادَ ماقالو يمين وعدَ ماقالو يسار
    وتختص علي غنيم ابن جبرين رجال السطر=الصاحب الي لَه مَع اهل العرف واهل الطيب كار
    حر" ندر بالعز فِي روس المعالي واشتهر=ولاهي غريبه دَام ابن جبرين مِن ماكر حرار
    له مجلس" فيه الدلال الصفر مصطوره صطر=من واردَ الرسلان مصطورات فِي وسَط الوجار
    كيف النشاما كاسبين الطيب تيجان الفخر=من صبة الدله يعوج البن مَع ريح البهار
    علي علي علي السعدَ لادق مزمار الخطر=ماذم عِندَ الربع فِي طيبه وفي حسن الجوار
    من روس" ربع" بالشدايدَ تاردَ الموت الحمر=اليا اعتلو صم الرمك يقفون بالوضحا جهار
    مخلدين افعالهم لاجيالهم عَبر العصر=يوم ان بَعض الناس لايذ خَلف الاسم المستعار
    الي تهقواهم حصيله ياخذ دَروس وعبر=يرجع كسير جناح ماينقل ياكودَ اقسي المضار
    من فعل شَلفا" ماتوقع غَير فِي وسَط النحر=وسيف" يحذف الروس حذف الناس لاحجار الجمار
    في وصفهم تعجز جميع الصحف ويخلص الحبر=كسابة الناموس واهل الطيب ورجال الوقار
    ياعلي والله مِن معزتك ومكانك بالصدر=اصبحت اعز الي سكن ياخوك فِي وسَط العمار
    جيتك وانا حامل معي باقات مِن وردَ وزهر=جينا نبارك لك ونفرح بك بَعدَ طول انتظار
    في ليلة" فيها يشع النور ويبين القمر=ليل" نعده مِن ليال المفخره والازدهار
    مبروك يابن غنيم يارمز المواقف والفخر=يالصاحب الي لَه علي عسر المواقيف اقتدار
    يالله عسي الافراح فِي بيتك تعم وتنتشر=وتلقي السعاده ياوسيع المعرفه فِي كُل دَار
    ماجيت يمك غَير مِن دَافع معزه مَع قدر=ياصاحب" علي طريق المعرفه والعز سار
    اقولها وانا حميداني علي بطن وظهر=من روس ربع" بالمواقف تَحْتمي شَقح البكار

    قصيده للشاعر ناشي محمدَ الصخيني فِي غانم بن جديع الحميداني عِندَ مغادرته الثامريه الي الكويت:-
    ياللي نويتِم حزة عصير تمشون=متوجهينن يم دَار الصباحي
    ياليتكم خمسة دَقايق تريضون=مقدار ماكتب يا كرام اللواحي
    سلام مالاحت مِن القبله مزون=واعدا دََ شَب النار بارضن بياحي
    سلامن مِن الوردَ والطيب موزون=والذ مِن دَر السنادَ السناحي
    الصدر ضاق وضاق مَع صدري الكون=والقلب كن تغز فيه الرماحي
    علي مفارقكم تري القلب محزون=ياربعنا اللي باللوازم سلاحي
    لاهل دَمع العين ما هُو بممنون=يهل عقب الطيب والانشراحي
    لكُم بوسط القلب منزال وركون=مهما نقوله مايداو ي الجراحي
    ياربع ابو سلمان للطيب تثننون=ياشبه حرن يوم ضف الجناحي
    هو راعي الطالات وابليس ملعون=لا يابعدَ راع اليدين الشحاحي
    عسي سفركم يالمناعير مصيون=والخير تلقونه بِكُل النواحي
    مدح الشيخ /مسير سلطان الدويش

    ياسلام الله علي مسير ولدَ سلطاني=الدويشَ الي علي الطالات ناره حيه
    مسير الي سار نهج الطيب بالميداني=نادر" فِي ماقفه بالطيب بِه ماريه
    مدهل الخطار ريف الجار وكحيلاني=عز مِن ضامه زمانه فِي نهار الهيه
    ارجح" مِن فعل كفه تعجز الايماني=الشجاع النادر الي يكرم الطرقيه
    له فعول" مايوصفها كلام لساني=لابغيت اعدَ ابا ابلشَ بَين ذي وذيه
    ياولدَ سلطان مِثلك عز للمطراني=لافتخر بَعض البشر فِي شَخية" عاريه
    ويشَ ابا اكتب فيك دَام انك مِن الدوشاني=سمعتك عز وفخر ماكنها الا هيه
    شيختك عَن جدَ والشيخه لَها برهاني=دون قاصر فِي شَيوخ الكوره الارضيه
    يالدويشَ اقبل تحية شَاعر حميداني=واقفا" قدمك يسلم مِن سطر وحميه
    نشرة ماقالها عني حسن كراني=من هجوسي يازعيم المجدَ لك مهديه
    مل قلب" لاطفه بالوقت لاطف=من سبايب جادل" عذب فؤادي
    لي ثلاث سنين ودموعي تناطف=من غرابيل المفارق والبعادي
    كن فِي قلبي سراحين" تخاطف=لاذكرته وانتحي فيه العنادي
    صدَ وفؤادي عَن العيشه ملاطف=كيف ابسلا والغضي شَربي وزادي
    هرجته دَر البكار الي تعاطف=نادرات الوصف وعراض التوادي
    لاضحك كن العسل مِنه يتناطف=والثمان الي مِثل لمع الهنادي
    مالك" قلبي بنظرات" خواطف=نظرة الحر المدرب للهدادي
    من زماليق الحشا والروح قاطف=وردة" مااسقيتها مِن دَم عادي
    من شَرايين" تغذيها العواطف=والمشاعر كُل يوم" لَه جدادي
    ثابت" حبه وغيره جاءَ مشاطف=اشهدَ ان الزين هُو غاية مرادي
    مشكلة قلبي معه دَوم متعاطف=كل ماخطي قلت أنا كبوة جوادي
    لي زمان" مارايت الزين عاطف=مارحم قلب" لاجل عينه مفادي
    والمصيبه صدَ والملعون خاطف=خاطفا" قلبي وقلبي ماستفادي



  2. #2
    الصورة الرمزية العنيده
    العنيده غير متصل مراقبة سابقه
    تاريخ التسجيل
    Nov 2009
    المشاركات
    4,404

    رد: ديوان الشاعر ناشي محمد الصخيني

    صح لسان ناشي محمدَ
    الصخيني علَى القصائدَ والابيات الجزله الرائعه
    ولاهنت اخوي علي نقلك للقصائد

  3. #3
    الراااسي غير متصل [ جـديــد ]
    تاريخ التسجيل
    Nov 2009
    المشاركات
    7

    رد: ديوان الشاعر ناشي محمد الصخيني

    صح لسان ناشي محمدَ
    الصخيني علي القصائدَ الرائعه
    ولاهنت اخوي علي نقلك الرائع

  4. #4
    شُموخ غير متصل [ فـعـال ]
    تاريخ التسجيل
    Jan 2011
    المشاركات
    142

    رد: ديوان الشاعر ناشي محمد الصخيني

    يسلموؤوؤوؤوؤ علَى هيك موضوع

المواضيع المتشابهه

  1. ديوان الشاعر : ناشي محمد الصخيني
    بواسطة صادق الود في المنتدى كل موضوع مخالف سواء دعاية او جنسي او تخريب
    مشاركات: 18
    آخر مشاركة: 17/08/2009 - August 17th, 11:44 PM
  2. حوار الأديان ومزاعم البهتان وكنوز العهدان).
    بواسطة محمد المنوفى في المنتدى كل موضوع مخالف سواء دعاية او جنسي او تخريب
    مشاركات: 2
    آخر مشاركة: 20/02/2009 - February 20th, 01:21 AM
  3. ديــــــوان الــشـــــاعــــر ســـــعـــــــــد الـــحـــــــريــــــــص
    بواسطة بقايا انسان في المنتدى منتدى الحمادين للشعر العام قصيدة و ابيات شعرية
    مشاركات: 6
    آخر مشاركة: 29/11/2008 - November 29th, 02:53 PM
  4. قائمه باسماء شعراء الذين شاركو في شاعر المليون
    بواسطة غروك عذالي؟ في المنتدى منتدى الحمادين الاعلامي اخبار محلي عربي دولي
    مشاركات: 6
    آخر مشاركة: 03/11/2008 - November 3rd, 07:52 PM
  5. قائمه باسماء شعراء الذين شاركو في شاعر المليون
    بواسطة غروك عذالي؟ في المنتدى كل موضوع مخالف سواء دعاية او جنسي او تخريب
    مشاركات: 0
    آخر مشاركة: 23/10/2008 - October 23rd, 10:15 AM

الكلمات الدلالية لهذا الموضوع


SEO by vBSEO 3.6.1