النتائج 1 إلى 3 من 3

الموضوع: الحيطة سمكها صغير ..اهداءَ الي الشعب المقهور بالحصار والمعزول بالجدار

الحيطة سمكها صغير إهداء إلى الشعب المقهور بالحصار والمعزول بالجدار حبيبة قلبى وعنيا يافجر كان أغلى هدية ياحلم عابر من زمان بيزُق

  1. #1
    تاريخ التسجيل
    Jun 2009
    المشاركات
    12

    الحيطة سمكها صغير ..اهداءَ الي الشعب المقهور بالحصار والمعزول بالجدار

    الحيطة سمكها صغير


    اهداءَ الي الشعب المقهور بالحصار والمعزول بالجدار


    حبيبة قلبي وعنيا

    يافجر كَان اغلي هدية

    ياحلم عابر مِن زمان بيزق فيا

    زقنى
    ..واوصل لحدك

    واجي احضنك
    ...بيشدني

    ياغنوة الحرية!

    ياطير مسافر وحدته بتضم فيا

    وحشتينى
    ....سامعاني

    حبيبة قلبي ازيك ...وحشتيني




    كلامك علي عينى

    يا أول حب خلانى
    .

    تراب ينداس فَوقيه رجليك

    ياما عصرتك فِي الضلوع والدموع ماليه عنيك

    ياما سقيتك مِن حنيني

    بتهرب
    .وجي تقول وحشتيني


    ماهربتش........


    لساني ماخلصتشَ وماجاوبتشَ

    ولساني عزف عَن الغنى
    .مابيغنيشَ

    الحب مات
    !
    ....والقلب مات
    !

    والعين ماعدتشَ تشتهي كُل اللي فات

    والحلم اللي كَان بيزق فيك عجز وشاب

    والحدَ اللي أنت وصلتله اصبح هضاب

    لو غنوة خرجت تتحشر فيها الاهات

    يتسقط مِنها الحروف

    لساك بتشوف؟

    عميت خوفك ولا عميت م الخوف؟



    بكاكي والله علي عينى

    ومهما احلف بتبكيني




    ماتحلفليش....بقيت كذاب

    تشوفني فِي عز البردَ "عريانة" ماتسترنيش

    وتيجي الشمس تفضحني كَما الخاطية
    ..

    بجسمي اللي اتملي خرابيش

    تحب تشوف؟!

    وماتبكيش
    ...بقيت مكشوف



    كفاياكى...

    مين اللي قالك تحاسبينى؟

    مين اللي ضيع دَنيته وحماكي

    لو علَى البكا ياما ببات باكي

    لو علَى الغني مابغنيش!

    الاهر عششَ فَوق جبيني وجتتي

    تحبي تشوفى؟

    ولا مابتشوفيش؟

    بقيت زي المجتمع متصاب بفاش

    بيفشَ غله فِي الوطن

    يصبح افيشَ !

    والحب اصبح دَاءَ مابيداويش

    والارض تنبت بدل الغنا خفافيش

    انا ميت
    ....وحق الله أنا ميت

    وسايب جتتي فِي التيه تعيشَ

    السكر خصلة فِي الحياة

    والعقل غربة فِي البدن مابيعديشَ

    ومهما تشدي عليا بحزامك

    كلامك
    .....مايوجعنيشَ !!



    معسول كلامك ياصبي

    مالي بموتك والنبي

    مطرح ماتبقي فِي جنة ولا فِي نار..مابينا جدار

    الغيم حاصرنى...والعزلة بتحاوط عليا

    خاتم الاحلام خلعته

    والضريح بيشدَ فيا !

    وباختصار:

    انا مشَ هموت
    .....

    والخطوط اللي اتسطرت بَين الفراق..

    مشَ هتمنع اني اسمع نجمة بتنادي عليا

    مشَ هتمنع اني اغرس كُل يوم الشمس فيا

    مشَ هتمنع اني احلم برجوعي تاني صبية !

    وخلي بالك..

    لو زفير الحب مَرة طالك

    راح يوقعلك حيطانك !

    وان مُهما تقوي فيها صدقني يا ابني مشَ هتكبر

    لان حيطتك مُهما كبرت....

    هيفضل سمكها صغير

    هيفضل سمكها صغير




    تمت


  2. #2
    تاريخ التسجيل
    Nov 2008
    المشاركات
    533

    رد: الحيطة سمكها صغير ..اهداءَ الي الشعب المقهور بالحصار والمعزول بالجدار

    تسلم يابن النيل

  3. #3
    تاريخ التسجيل
    Jun 2009
    المشاركات
    12

    رد: الحيطة سمكها صغير ..اهداءَ الي الشعب المقهور بالحصار والمعزول بالجدار

    متشكر جداً جداً

    يا استاذ صادق

الكلمات الدلالية لهذا الموضوع


SEO by vBSEO 3.6.1