علي الله ياحال نهارين ماهُو حال= حبيس القلق مِن حاجة ضيقت بالي
تواردَ علي أهموم ماكنها الا جبال = لَها بالصدر ياعالم الغيب مدهالي
علوم تخلي راجح العقل فيه اهبال= زمان الشقي والمر غطي علي الحالي
وانا لابغيت اسج وابعدَ عَن الازوال = تعليت فِي حزم مِن الدايجه خالي
انزه جنابي عَن مقاعيدَ قيل وقال = وادور علي سلوان قلب ماهُو سالي
وشبيت ضوي ونكسر فَوقها فنجال = مسويه فِي يمناي ودلاله ادلالي
علي جالها اهدي واتحيل عساي احتال =علي الضيقه اللي مالها أول ولاتالي
يداعبني الغربي واهج الضلوع اكتال =يبردَ علي صدر شَكي جذوة الصالي
اخايل سحاب بارقه بالدجي عمال=يعيدَ الحياءَ لرض شَكت طول الامحالي
يقولون ما يزمل مِن الكايده رجال=وكم كايده حطيتها وقاه لنعالي
لكِن المصيبه لاتردا النصيب ومال=وهزمني زماني لاني احارب لحالي
يكسر طموحي قدم عيني وانا مهتال= شَرات القزاز اللي تحدر مِن العالي
وانا لاذكرت اني عصامي وطيب فال = ترحمت للي يفرح لطاري افعالي
وتمر السنين وراعي الذاهبه رحال= يدور عسي العقلان فزعه مِن الوالي