قصيدة اهداء للشيخ سعود بن ماجد الدويش قالوا صاحب الديوان في عام 2007 ميلادي
ياشيخنا ماللوفا عنك تجنيب
* لك من قديم المجد قدر ومهابه
لك ماكر بين الهضاب الشناخيب
* متعلي بالنايفه من هضابه
من راس اشم لاعوى حدره الذيب
* يرعد صدى صوته لذيب عوابه
من راس ابو بندر عطيب المضاريب
* جدك راع الشيخه زعيم الحرابه
لاقادها من يمة الشرق تغريب
* تشهد لها البيدا ويوم عدابه
لاجا تباريه السبايا جناديب
* وقامت تنازا بالنشاما ركابه
تتليه فرسان ترو المغاليب
* ومن كل تفاق عطيب الاصابه
شيخ الشيوخ الي يهد الاصاعيب
* كم قايد للحرب كدر شرابه
شيب تداعابه جميع الاعاريب
* سبع السباع وكل سبع يهابه
ذا فعل جدك وانت ياوراث الطيب
* مابه عليك من المراجل غرابه
ياسعود لو نكثر عليك المطاليب
* سوال من عندي عليه الاجابه
انت الدويش الي عليك المواجيب
* نذكرك لامن بين الوقت نابه
ان ماحصل باسباب طيبك مقاضيب
* من عاد غيرك نذكره وانهقابه
