الا يامل قلب كل مايقبل سواد الليل

الا ياملّ قلبٍ كلّ مايقبل سواد الليل
يجيه من العنى يامسندي مايشغل البالي

الا ياتل قلبي يا جزا تلّت قلوص الريل
ليا حرك به المقدم يجي تاليه مكتالي

وجودي وجد من شدّوه في حدّ العراق وشيل
تعاميمه بكل حدود يطلب دم رجالي

بعد ما ارهى على المطلاع شافه راعي الدربيل
ولحقته جموس فوقها رشاش وعيالي

على اللي مع جماله زاهي خده دقوق النيل
انا لو ماعرفته كان مالحق القصى حالي

271 views