وش حل حلمي يامفسرت الاحلام

وش حلّ حلمي يامفسّرت الأحلام
للحلم أبي لي من هل العلم تفسير

اللّي بلاجنحان يصعد ليا هام
يحوم في كبد السّماء حومة الطير

وش لون حلّ الحلم في حكم الأسلام
لا حمت فوق مركّزات المعاصير

أنا عماً غافلٍ بلذّات الأنعام
وابا أزعج المبصر بعرض التصّاوير

مشاكل المخلوق تيّار الأيّام
الوقت هايـج واللّيالي معاشير

يعلم بها اللّي عالمٍ حمل الأرحام
المعتلي منه وعليه التّدابير

ماهي بسلعه بين بايع وسوّام
فرضٍ من الخلاّق حكم المقادير

بالنّاس منهو يجمع الكنس بخمام
وفيهم من اللّي يصرفون الدّنانير

وفيهم من اللّي يعطب الطّق بلحام
من ضربته جمع الحديدة تنانير

بلشت مابين الحقيقه والأوهام
وأخشى يجي نفع الحقيقة معاذير

في غابةٍ يلهمني الهمّ بالهام
بين الورود الفاتحه والعصافير

غديت أنا ويّا الهواجيس بازيام
تفرّني فرّ المكينة مع السّير

ضرباتها بالكبد من نبل الأسهام
وش فايدة فكري برفع التقارير

زاد الحساب اللّي بعداد الأرقام
وعجزت لا القا للمفاتيح تصفير

386 views