يابدر انا لي فيك امور عديده

يـــابـَـــدرْ

 

في بدر بن فلاح بن مبرد

 

 

يابدر أنا ليّ فيك امورٍ عديده

وعلى الوليّ يابدر تحقيق الامال

 

ماحدٍ يجي وقته على مايريده

الامر والتدبير للواحد العال

 

هو اللّذي كلّ المقادير بيده

الخالق المختارعلاّم الاحوال

 

متصرفٍ كلّ الخلايق عبيده

يستقدم اجيالٍ ويفني له اجيال

 

على الوعد وافي ويفزع وعيده

من خشيته صمّ الصفا ذاب و انهال

 

في طاعته تلقى الحياة السعيده

تسترّ وان ضاقوا خبيثين الافعال

 

سندك لاصارت يدينك وحيده

تلوذ به عند المصايب والاهوال

 

وترى الموفّق طاعة الله تزيده

ترجح موازينه على قدر الاعمال

 

أوصيك بتقوى الله والأرياء السديده

وابعد مسارك عن مداريـج الانذال

 

ومن اهل الرفقه تخيّر وليده

عليك بالطيّب مواريث الابطال

 

وقفاتهم بالطيب ماهي جديده

تضرب بّهم عند الملازيم الامثال

ولاكلّ من طابوا هله بان جيده

تسقط رجالٍ ويظهر الطيب برجال

111 views