رد نايف اليوسف على قصيدة أمه

[mag]

وهذا رد نايف اليوسف لأمه من السجن

سادس سنه في ديرة الغرب مسجون
سجن الغثى والبهذله والأذية

سجانهم قلبه من الكره مشحون
عنده حياتي أو مماتي سوية

هذا رمضان أقبل وأنا فيه محزون
يارب هون مشكلاتي عليه

وسط السجن مابه معي من يصومون!!
مسلم ومن حولي وجيه أجنبيه!!

دايم حزين وضايق الصدر مغبون
مليت من جو السجن والأسيه

يمه كفاية وقت الأفطار تبكون!
تبون نايف مالكم مقدريه

ودي يايمه بينكم بس وشلون!!
ودي بتمره من يدينك هنيه!!

يمه فطوري خالي الطعم واللون!
مشتاق للمرقوق والمحلبية

مشتاق للمسجد مع اللي يصلون!!
أصلي الأوقات صبح وعشيه!!

ودي معي في ليلة القدر تدعون
يفك قيد اللي حياته شقيه!

يالله يارحمان ياخالق الكون!!
تغفر لعبدك كل ذنب وخطيه

وصيتي تكفون لامت مدفون!!
في دار أبومتعب ديار الحمية



نايف اليوسف – سجن لايمون –ولاية كلورادرو الامريكية

[ناشي الصخيني]

تسلم يمينك على هالنقل الأكثر من رائع
والله يعين المسجون ويصبره على بلواه ويلهم والدته الصبر والسلوان

الله لايهينك طال عمرك,,,,

[دكتاتور زماني]

يعطيك العافية ع الأختيار

تحياتي لك

[الوسني]

ماجد؟؟

مشكور على القصيده ......... والله يعطيك العافيه

[ريوف]

ماااااااااااااااجد يعطيك العافيه

[ابونادر]

الله يفك اسره وجميع المساجين في ديار الكفر

تسلم على النقل لاهنت







تحياتي



..

[mag]

ناشي الصخيني
لا هنت يالغالي
ِ
دكتاتور زماني
الله يعافيك

الوسني
الله يعافيك ويحييك بين ربعك وجماعتك

ريوف
الله يعافيك

ابو نادر
الله لا يهينك والتحية مني لشخصك الكريم

[غنام العرافه]

يعطيك العافيه أبدعت بالنقل والله يفك قيده أن شالله .