ناشي الصخيني
12/08/2008 - August 12th, 04:38 PM
مساجله بيني وبين الشاعر النقيب,,,محمد بن خالد بن ماطلر العليم
يامحمد الخالد نويت أطرق جزيلات البيوت=من يوم عقبت الحفر متوجهن يم القصيم
سبة هموم" بالحشا قامت تشوت القلب شوت=جرحي من أسباب الغضي ياصاحبي ماهو سليم
أحاول أنسا ماجرالي منه لكن لو أموت=ماأنسا حبيب" مسكنه خلف الحنايا من قديم
أغليه وأحبه كثر ماعقاب متعذب بنوت=غرو" منه جرحي يابن ماطر من الفرقا سقيم
غرو" تجيني صورته بالليل والعالم خفوت=وأسج مع ذكرى عديل الروح يامحمد وأهيم
ماهمني به هرجة العاذل ولا وهرج الشموت=يبقى حبيبي يابو تركي كل ماهب النسيم
إليا صدفني كن سيف الحب بالصدر مغموت=وإليا فقدته كن سيف الغدر في ظهري مقيم
وشلون أجيب الجوهره والجوهره في بطن حوت=عسى الولي يهدي عباده للسراط المستقيم
ياويش أسوي يابو تركي وأنت شيال التخوت=عطني جوابك ياوسيع العرف تكفا يالعليم
رد الشاعر محمد العليم.....
جتني بيوتن مثل صف الجند في وضع الثبوت=قدم إنطلاق الغاره الاولى ضحى اليوم العظيم
والا تشابه سلعة الكشيخ في عين النحوت =تنساب فذن المستمع على لحن عبدالحليم
ناشي يقول الجادل الرعبوب واللبس الكيوت=تطري علي إن هب نسناس العبير مع النسيم
اذوق طعم السكره واذوق طعم العنزروت=ومن قو مر الحنضله نسيت حلو العسكريم
ينخى وانا طب الوقوت إن شانت وجيه الوقوت =اتعشر البكره لو البكره على اخوها مريم .
المال جاهز كان قصر عنك جعله للمقوت=يكفخ به الريح الشمالي لين يصبح كالصريم
والجاه جاهز من شيوخ مطير زينين السموت=شروى ولدحبشان والا البدر والا بن قطيم
شوخن تجملها المواقف ماتجملها البشوت =ياعل يفداهم من الشيخات ستمية مقيم
ان جات جات وكان راحت جعلها روحت خفوت=تراك ماتاخد بيدك إلا ان يعطيك الكريم
دوك الحريم مصيفاتن بالمدارس والبيوت =من حيث ماسجيت رجلك طحت في شلقة حريم
الشاعر....ناشي بن محمد الصخيني
يامحمد الخالد نويت أطرق جزيلات البيوت=من يوم عقبت الحفر متوجهن يم القصيم
سبة هموم" بالحشا قامت تشوت القلب شوت=جرحي من أسباب الغضي ياصاحبي ماهو سليم
أحاول أنسا ماجرالي منه لكن لو أموت=ماأنسا حبيب" مسكنه خلف الحنايا من قديم
أغليه وأحبه كثر ماعقاب متعذب بنوت=غرو" منه جرحي يابن ماطر من الفرقا سقيم
غرو" تجيني صورته بالليل والعالم خفوت=وأسج مع ذكرى عديل الروح يامحمد وأهيم
ماهمني به هرجة العاذل ولا وهرج الشموت=يبقى حبيبي يابو تركي كل ماهب النسيم
إليا صدفني كن سيف الحب بالصدر مغموت=وإليا فقدته كن سيف الغدر في ظهري مقيم
وشلون أجيب الجوهره والجوهره في بطن حوت=عسى الولي يهدي عباده للسراط المستقيم
ياويش أسوي يابو تركي وأنت شيال التخوت=عطني جوابك ياوسيع العرف تكفا يالعليم
رد الشاعر محمد العليم.....
جتني بيوتن مثل صف الجند في وضع الثبوت=قدم إنطلاق الغاره الاولى ضحى اليوم العظيم
والا تشابه سلعة الكشيخ في عين النحوت =تنساب فذن المستمع على لحن عبدالحليم
ناشي يقول الجادل الرعبوب واللبس الكيوت=تطري علي إن هب نسناس العبير مع النسيم
اذوق طعم السكره واذوق طعم العنزروت=ومن قو مر الحنضله نسيت حلو العسكريم
ينخى وانا طب الوقوت إن شانت وجيه الوقوت =اتعشر البكره لو البكره على اخوها مريم .
المال جاهز كان قصر عنك جعله للمقوت=يكفخ به الريح الشمالي لين يصبح كالصريم
والجاه جاهز من شيوخ مطير زينين السموت=شروى ولدحبشان والا البدر والا بن قطيم
شوخن تجملها المواقف ماتجملها البشوت =ياعل يفداهم من الشيخات ستمية مقيم
ان جات جات وكان راحت جعلها روحت خفوت=تراك ماتاخد بيدك إلا ان يعطيك الكريم
دوك الحريم مصيفاتن بالمدارس والبيوت =من حيث ماسجيت رجلك طحت في شلقة حريم
الشاعر....ناشي بن محمد الصخيني