القلب عيا ما يبي غير ساره

[سعد الشقحاء]

القلب عيا ما يبي غير ســـــــاره = وهيه معا غيره تسـلى وتـــــلها
ياللي تعلمني بوقت الزيـــــــــاره= لا زانت علومك ولا مـــن نقــلها
حبي خساره وانت عرفك خساره= ورجل لا كثرة همومــه حمـــلها
قولو لي اني ما فتهم في الاشــاره= ولعرف سوالفكم ولعرف حيلها
لا تحسبون ان الخيانه شطـــــاره =والنفس عزتها بشخصــن جهلها
زودا على اللي عندكم لي عباره = مشاعري مبدا الخطا مـــا دخلها
وما دام دم القلب فارق ديـــــاره = روحي بعد فرقاه ربـي عقــــلها
في ما مضى منزله عالي وقاره = منازله في القلب محـــدا نـــزلها
كانت علاج القلب كانت عماره= وكانت دواء روحي وكانت أملها
وكنت اتمنا ليتني في جــــــواره = حيث ان بعده جمرةً محتـــــملها
وما دام راح بقدرته واختيـــاره=مبغى عوض فيها ولبغى بــــدلها
ياللي تجونه بشـــــــروه البشاره=الحال من فرقـــــــاه زادت أعللها
قولو سعد يمرح ويصبح بنـــاره=حقيقةً في خاطره ما وصـــــــلها
الفكر يلعبه كما لعب طــــــاره=اجهد على نفسه ونفسه شغـــــلها
والقلب عيا ما تغير مســــــاره = سبحان من ولف قلوب وعــــدلها

من شعري

[ابونادر]

حياك الله اخي سعد الشقحاء

وصح لساااانك ودام ابداعك على هالقصيدة الجزلة


قصيدة جزلة من شاعر جزل لاهنت











تحيااااااااااااتي
















..

[ريوف]

صح لسانك


وعسي ربي يرزقك بالساره



ويهون سعد انتظاره

[غنام العرافه]

أخي سعد الشقحاء


وكنـت اتمنـا ليتنـي فــي جــواره = حيـث ان بـعـده جـمـرةً محتملـهـا
ومـا دام راح بقـدرتـه واختـيـاره = مبغى عـوض فيهـا ولبغـى بدلهـا
يالـلـي تجـونـه بـشـروه البـشـاره = الـحـال مــن فـرقـاه زادت أعللها

صح لسانك وتسلم قصيده روعه وأنت اروع أبدعت وبيض الله وجهك ، تقبل مروري وودي.

[فجر الحمادين]

صح لسانك شاعرنا لاهنت
تقبل احترامي