غريب الدار
18/08/2008 - August 18th, 01:54 AM
بسم الله الرحمن الرحيم
قبل ان اكتب قصة صالح العليم مع خويه الميموني فانني اوجه عتابي لاخونا
الراوي حيث طلبت منه القصه اكثر من شهر ولم يوردها اما قصة صالح مع
وديعة الميموني فانني قبل ان اوردها اود ان اذكر قصة قبلها لها علاقه فيها
وهي ان البراك شيوخ بني رشيد قاموا بقتل رجل من ميمون له اسم معروف
فعزم الشيخ جهز بن شرار على الغزو على بني رشيد وركز الغزيه على
البراك ومشى ابن شرار في ميمون ومن معه من مطير ومعهم صالح العليم
حيث كان اول عمره مع عبدله من مطير ويومنهم اقبلو على العد(مورد الماء)
عد للبراك وهم يستكنون ولا هو جايهم راعي مطيه و هم يطرحونه
قالوا تعال تعلم والا نهينك قال لا والله اعلم قالوا البل قال البل تجيكم ها
الحين منا مصدره جناديب مع ها الشعيب وجنبها (حاميها) صالح ابن براك
وان شافكم والله ما منكم اللى يرجع لهله ولكان الله قسم وظفرتوبه والله
ما تلقون اللي يردكم عنها قال جهز ابن شرار صالح يجيبه صالح قال العليم
انا اخو جوزاء يا صنانان شحيت في بنى عمك وحطيتني في نحره قال لا والله
ما شحيت والله انك عندي تسواهم كلهم لكن والله ما خبر اللي يبا يجيبه
الا كان انت وحنا ان رحنا كلنا شافنا واعطبنا با البندق قال وانا القط بندقي
وانا انحر الشعيب قال يوم اخذت شوي للابل جايتني جناديب مثل ما قال الرشيدي
قال لاهو قدامها كنه الذيب قال مافي الشعيب الا سرحتن كبيره بيني وبينه
قال وانا ادرق خلافها يقول انا اقدر ارميه لكن خفت ارميه واخطيه
وانبه الرجال علي وبعد ما ودي بذبحته ودي انى اجيبه لهم وهم بكيفهم
حسناهم وسياهم يبذبحونه يخلونه بكيفهم قال وهو يعمدني ويعمدني
ويعمدني لين قالت شافني جاهز ابي ارميه قال وهو ينصفق
لهكا الضلع جنب السرحه وهي تشرك نعله (انقطعت) وهو ياقف ويقوم
يتلفت ما حوله احد وهو يرفع تعله برجله ما دنق عليها لين وصلت يده
وهو ياخذها بيده وهو يقوم يتقز على نعل على شان الشوك لين رقى الضلع
وهو يقعد ويقوم يسمرها يقول العليم وانا اعدي عليه ما دراء الا البندق
في علباه قال اسلم قال انشاء الله وليتني والوالي الله قال صالح مد البندق
وهو يمد البندق و يوم وصلته وهو يضغطها لاهي شايلتن غترة صالح
ولله مذريه منها وهم يتلابسون يقول طاحت البنادق قال والله ما خبر رجال
عسرني مثله قال ثلاث مرات وحنا ندق على ركبه كلنا جميع
قال وهو يشيلني لا هو على كبدي قال لا يدي تضرب الخوصه لاهي
تطري علي وانا اشلع الخوصه وانا الهبه من الخاصره الي الخاصره
وانا اكزه وصدق انه مايبي ذبحته لانه يقدر يرميه عندما ولاه
وهو يسمر نعله ولكن اراد انا يسوقه امامه الى مطير يقول صالح وانا احط
بندقه في رقبته وانا انسفه علي ظهري وانا اجيك مروح فيه مع بندقي يم
ربعي قال يوم وصلتهم قال و ليا الدمااااااان على ظهري وجهز يصيح انا
اخو ساره ابك انت مصاب قال ماني مصاب اغسلوا الدم عني قال جهز لا والله
الا مصاب قال صالح ماني مصاب عساك للاصابه اللي حديتني عليه
اغسلوا الدم عني وهم يقومون يغسلون الدم عن ظهره والدم يقوم يرغي
قال جهز ابك الدم عانه يطلع من ظهرك قال مافي لون اغسلوا الدم لا يجمد على ظهري
وهذا من حرص جهز عليه قال جهز طب ياالعليم وخذ من الابل اللي تبي
وهو ينقا خمس مع البندق قال وزع الباقي على ربعك وهم يفكون الرشيدي
اللي هم ماسكين ويوم وصل ربعه وهو يعلمهم قالت اخت صالح ابن براك
اسمعوا يا البراك ترا العليم مرفوع عنه المنع واللي يقضبه يجيبه لي حي
والا ميت ابي اكل من كبده واتفقوا انه ما احد يدخله وبعدها بفتره ركبت
ميمون للغزو على بني رشيد ومعهم صالح ويوم مشوا وهى تعترضه
مره من ميمون قالت يا صالح ترا ولدى وداعتك قال لعن الله ابو هالراس
بني عمه أطيب مني ودعي بني عمه علية قالت والله ما افكه الا بيدك
وصالح يا خذه معه وذا الورع ماهو بسيط ويصير هو هم صالح ويومنهم وعدو جو في الموعد
اللي يبا يضوون منه قال للورع اسمع حقك وقسمك على انا اقعد عند الوعاد ولا تحرك والله يلين تحركت اني لا قطع حبايل ظهرك وقال للوعاد تراه معروف منك قال انشاء الله (والوعاد ما يحط حي الله ما يحطون الا واحد لو يجونه و يهددونه ما يعلم في محل الركايب
وهذا الوعاد اذ مشوا من عنده يغير مكان النياق ويعود لمكانهم اللي خلوه فيه و لا منه جاه الواحد قال انتظر
حتى يجون ربعك ولا منهم تكاملوا وراهم النياق وعودم وهذي الطريقه حتى لا يجي الاولين ويمشون ويخلون ربعهم )
ويوم انهم مشوا واندفعوا عنه وهم باليل قال الورع للوعاد ابك انا ماني
ماشي من اهلي ابي اقعد عندك تسمع سوالف العليم والله يلين تعرضتني
لا اصيح وانبه العرب عليكم واحرمكم قال الوعاد يابوك يحاول فيه وعجز عنه وهو يخليه والورع يسري خلافهم
ويضوي راعي الشعثا وربعه ويسرون سبع من الابل ويوم جوا للوعاد هاه
الورع قال الورع مشا مع دربكم قال ابك كيف تخليه يمشي مشا بطنك
قال وش اسوي هاذا وما صار هاذا وما صار قال انا اخو جوزاء وش عذري من
امه انتم توحون سرو اباعركم وتوكلو على الله والله وعدكم المحل الفلاني
تحترونا فيه اما جيتكم انا وورعي والا امانتكم امانه القعود هذا لامه وقسمي
من عرض قسمكم وهم يمسكونه تكفا ياصالح لا ترجع كان الورع حي يبا يجي
وان رجعت والله ما عاد تعود وهو يرجع يوم اقبل على البيوت
ولا والله ان النار شابه وهو يدخل البيت ولا والله هذا الورع عنده مره
وهو يلقط القدح وهو يشرب منه قالت ابك سلمت والله لو انك صالح العليم
قال الورع كل ما شاف المره صدت حط يده في رقبته يعني تراهم يبا
يذبحونك وهو يتغافلها وهو يلقط الورع وقبل يجي صالح كانت تسولف على الورع
ابك انت مال امك غيرك ابك هي وشهي مروحتك له الله يعطيها الفقر
اللي يضرب كبدها وهو يتخفر عندها ويقول لاوالله مالمي غيري ويتطلبها
يقول الورع نوبن ينسفني على ظهره ونوبن يشيلني بيده والشجر يلهفني
مع ظهري من قو ركضه ويوم وصل ربعه للمكان اللي متواعدين فيه ولاهو
واصلن معهم وهم يعودون لاهلهم ويرجع الورع لامه ويعطيه قسمه من عرضهم وانتشر هذا الفعل عند
مطير وجيرانهم من عتيبه و كان هناك عتيبي وصى ابن عم له بموضوع
وخيب ضنه وقصد يقول
الظن وافق على المعلوم والتجربه خيربرهانى
علمن نسيته وهو ملزوم وانا احسبك ماتناساني
ودك توصي قوي عزوم مثل العليم الحميداني
فاداء بروحه بدار القوم واطلع وديعه كحيلاني
وتحياتي للجميع
قبل ان اكتب قصة صالح العليم مع خويه الميموني فانني اوجه عتابي لاخونا
الراوي حيث طلبت منه القصه اكثر من شهر ولم يوردها اما قصة صالح مع
وديعة الميموني فانني قبل ان اوردها اود ان اذكر قصة قبلها لها علاقه فيها
وهي ان البراك شيوخ بني رشيد قاموا بقتل رجل من ميمون له اسم معروف
فعزم الشيخ جهز بن شرار على الغزو على بني رشيد وركز الغزيه على
البراك ومشى ابن شرار في ميمون ومن معه من مطير ومعهم صالح العليم
حيث كان اول عمره مع عبدله من مطير ويومنهم اقبلو على العد(مورد الماء)
عد للبراك وهم يستكنون ولا هو جايهم راعي مطيه و هم يطرحونه
قالوا تعال تعلم والا نهينك قال لا والله اعلم قالوا البل قال البل تجيكم ها
الحين منا مصدره جناديب مع ها الشعيب وجنبها (حاميها) صالح ابن براك
وان شافكم والله ما منكم اللى يرجع لهله ولكان الله قسم وظفرتوبه والله
ما تلقون اللي يردكم عنها قال جهز ابن شرار صالح يجيبه صالح قال العليم
انا اخو جوزاء يا صنانان شحيت في بنى عمك وحطيتني في نحره قال لا والله
ما شحيت والله انك عندي تسواهم كلهم لكن والله ما خبر اللي يبا يجيبه
الا كان انت وحنا ان رحنا كلنا شافنا واعطبنا با البندق قال وانا القط بندقي
وانا انحر الشعيب قال يوم اخذت شوي للابل جايتني جناديب مثل ما قال الرشيدي
قال لاهو قدامها كنه الذيب قال مافي الشعيب الا سرحتن كبيره بيني وبينه
قال وانا ادرق خلافها يقول انا اقدر ارميه لكن خفت ارميه واخطيه
وانبه الرجال علي وبعد ما ودي بذبحته ودي انى اجيبه لهم وهم بكيفهم
حسناهم وسياهم يبذبحونه يخلونه بكيفهم قال وهو يعمدني ويعمدني
ويعمدني لين قالت شافني جاهز ابي ارميه قال وهو ينصفق
لهكا الضلع جنب السرحه وهي تشرك نعله (انقطعت) وهو ياقف ويقوم
يتلفت ما حوله احد وهو يرفع تعله برجله ما دنق عليها لين وصلت يده
وهو ياخذها بيده وهو يقوم يتقز على نعل على شان الشوك لين رقى الضلع
وهو يقعد ويقوم يسمرها يقول العليم وانا اعدي عليه ما دراء الا البندق
في علباه قال اسلم قال انشاء الله وليتني والوالي الله قال صالح مد البندق
وهو يمد البندق و يوم وصلته وهو يضغطها لاهي شايلتن غترة صالح
ولله مذريه منها وهم يتلابسون يقول طاحت البنادق قال والله ما خبر رجال
عسرني مثله قال ثلاث مرات وحنا ندق على ركبه كلنا جميع
قال وهو يشيلني لا هو على كبدي قال لا يدي تضرب الخوصه لاهي
تطري علي وانا اشلع الخوصه وانا الهبه من الخاصره الي الخاصره
وانا اكزه وصدق انه مايبي ذبحته لانه يقدر يرميه عندما ولاه
وهو يسمر نعله ولكن اراد انا يسوقه امامه الى مطير يقول صالح وانا احط
بندقه في رقبته وانا انسفه علي ظهري وانا اجيك مروح فيه مع بندقي يم
ربعي قال يوم وصلتهم قال و ليا الدمااااااان على ظهري وجهز يصيح انا
اخو ساره ابك انت مصاب قال ماني مصاب اغسلوا الدم عني قال جهز لا والله
الا مصاب قال صالح ماني مصاب عساك للاصابه اللي حديتني عليه
اغسلوا الدم عني وهم يقومون يغسلون الدم عن ظهره والدم يقوم يرغي
قال جهز ابك الدم عانه يطلع من ظهرك قال مافي لون اغسلوا الدم لا يجمد على ظهري
وهذا من حرص جهز عليه قال جهز طب ياالعليم وخذ من الابل اللي تبي
وهو ينقا خمس مع البندق قال وزع الباقي على ربعك وهم يفكون الرشيدي
اللي هم ماسكين ويوم وصل ربعه وهو يعلمهم قالت اخت صالح ابن براك
اسمعوا يا البراك ترا العليم مرفوع عنه المنع واللي يقضبه يجيبه لي حي
والا ميت ابي اكل من كبده واتفقوا انه ما احد يدخله وبعدها بفتره ركبت
ميمون للغزو على بني رشيد ومعهم صالح ويوم مشوا وهى تعترضه
مره من ميمون قالت يا صالح ترا ولدى وداعتك قال لعن الله ابو هالراس
بني عمه أطيب مني ودعي بني عمه علية قالت والله ما افكه الا بيدك
وصالح يا خذه معه وذا الورع ماهو بسيط ويصير هو هم صالح ويومنهم وعدو جو في الموعد
اللي يبا يضوون منه قال للورع اسمع حقك وقسمك على انا اقعد عند الوعاد ولا تحرك والله يلين تحركت اني لا قطع حبايل ظهرك وقال للوعاد تراه معروف منك قال انشاء الله (والوعاد ما يحط حي الله ما يحطون الا واحد لو يجونه و يهددونه ما يعلم في محل الركايب
وهذا الوعاد اذ مشوا من عنده يغير مكان النياق ويعود لمكانهم اللي خلوه فيه و لا منه جاه الواحد قال انتظر
حتى يجون ربعك ولا منهم تكاملوا وراهم النياق وعودم وهذي الطريقه حتى لا يجي الاولين ويمشون ويخلون ربعهم )
ويوم انهم مشوا واندفعوا عنه وهم باليل قال الورع للوعاد ابك انا ماني
ماشي من اهلي ابي اقعد عندك تسمع سوالف العليم والله يلين تعرضتني
لا اصيح وانبه العرب عليكم واحرمكم قال الوعاد يابوك يحاول فيه وعجز عنه وهو يخليه والورع يسري خلافهم
ويضوي راعي الشعثا وربعه ويسرون سبع من الابل ويوم جوا للوعاد هاه
الورع قال الورع مشا مع دربكم قال ابك كيف تخليه يمشي مشا بطنك
قال وش اسوي هاذا وما صار هاذا وما صار قال انا اخو جوزاء وش عذري من
امه انتم توحون سرو اباعركم وتوكلو على الله والله وعدكم المحل الفلاني
تحترونا فيه اما جيتكم انا وورعي والا امانتكم امانه القعود هذا لامه وقسمي
من عرض قسمكم وهم يمسكونه تكفا ياصالح لا ترجع كان الورع حي يبا يجي
وان رجعت والله ما عاد تعود وهو يرجع يوم اقبل على البيوت
ولا والله ان النار شابه وهو يدخل البيت ولا والله هذا الورع عنده مره
وهو يلقط القدح وهو يشرب منه قالت ابك سلمت والله لو انك صالح العليم
قال الورع كل ما شاف المره صدت حط يده في رقبته يعني تراهم يبا
يذبحونك وهو يتغافلها وهو يلقط الورع وقبل يجي صالح كانت تسولف على الورع
ابك انت مال امك غيرك ابك هي وشهي مروحتك له الله يعطيها الفقر
اللي يضرب كبدها وهو يتخفر عندها ويقول لاوالله مالمي غيري ويتطلبها
يقول الورع نوبن ينسفني على ظهره ونوبن يشيلني بيده والشجر يلهفني
مع ظهري من قو ركضه ويوم وصل ربعه للمكان اللي متواعدين فيه ولاهو
واصلن معهم وهم يعودون لاهلهم ويرجع الورع لامه ويعطيه قسمه من عرضهم وانتشر هذا الفعل عند
مطير وجيرانهم من عتيبه و كان هناك عتيبي وصى ابن عم له بموضوع
وخيب ضنه وقصد يقول
الظن وافق على المعلوم والتجربه خيربرهانى
علمن نسيته وهو ملزوم وانا احسبك ماتناساني
ودك توصي قوي عزوم مثل العليم الحميداني
فاداء بروحه بدار القوم واطلع وديعه كحيلاني
وتحياتي للجميع