ابي اعرف مين سماك رجال ؟؟

[بنـــ الحمادين ـــت]

جاني يعايرنـي بقولـه: "فقيـره "
قلت الفقر ماهوب فـي قلـة المـال

الفقر هو نقـص العقـل والستيـره
واما بغيرة يا"...." نستـر الحـال

قال: وعلى فقـرك وكنـك اميـره
تحكي بعز وتمشـي بفخـر تختـال

قلت: ايه وازيدك من البيـت غيـره
الله عطاني مـن عطايـاه مكيـاااال

وش هو له امشي في حياتي كسيـره
مادامني من خير ربي انـا اكتـال

مـادام مايسجـد جبينـي لغـيـره
أللي خلق ارض وسمـوات وجبـال

اللي حباني نـور عيـن وبصيـره
أميز يمين الخطـاوي مـن شمـال

ماني قليلـة فهـم مثلـك غريـره
أمشي عدل واميـل للوقـت لامـال

ماغرني صوف الزمـان وحريـره
ومهما يضيق الوقت فيّه أبا احتـال

وكانك تعايرنـي بقولـة " فقيـره "
بقول شي(ن)صعب اشـوي ينقـال

صحيـح املاكـك عددهـا كثيـره
صحيح تلبس غتره وثوب وعقـال

بقول لك كلمة ولـو هـي كبيـره:::


"" عز الله اخطا من مسميك رجّال






تحياتي

[عين القصيم]

صح لسانك
ابداع في جميع المشاركات
وتستاهلين الشكر
لانك مبــــــدعه

[ذيب الجزيرة]

صح ذوقك واختيـارك

يا

بنت الحمادين

فيه بيت يقول ..


المال يحييله ارخومن ماتجي راس الطلي.... والفقر يذبحله رجالن كنها راس الطويل



تقبلي مروري وتقديري (( ذيب الجزيره ))

[بنـــ الحمادين ـــت]

تسلمــ (( عين القصيم _ ذيب الجزيره )) ع المرررور

نورت الصفحه بردووووودكمـ

وصح اللهـ بدنكمـ

اختكمــ ::

(( بنـــ الحمادين ـــت ))

[ريوف]

دمتي ودام ابداعك

[بنـــ الحمادين ـــت]

دامـ عزكـ (( ريووووووف )) نورتي بردكـ

اختـــكـ ::

(( بنـــ الحمادين ـــت ))

[هشام الظويفري]

صح أختيارك أختي بنت الحمادين

وصح لسان شاعرها

تقبلي مروري


أخوك هشام الظويفري

[بنـــ الحمادين ـــت]

اللهـ يسلــــمكـ اخووووووي (( هشام الظويفري ))

وصــح اللهـ بدنكـ نورت الصفحهـ بردكـ ... ويعطيكـ العــافيهـ ع المررررور

اخــــتكـ ::

(( بنـــ الحمادين ـــت ))