محسن القصيم في ضيافة ريوف

[ريوف]

بسم الله الرحمن الرحيم



السلام عليكم ورحمة الله وبركاته



ظيفي شخصيه حلوه يعجبني في ردوده انسان راقي




يملئ الفراغ في الكلا م المناسب انسان دعيته



ادري ردود تبرد القلب والله يعينك يامحسن راح اكون قاسيه معاك اشوي




وهلا ومرحبا وصبو قهوه ومانحتاج حلا عشان الحلا كله معاي اليوم




يحياك الله



اسمك


عمرك


شغلك



هوايتك



رايك في منتدي الحمادين

[ريوف]

مرحباااااااااااااا

2)س ؟ وماهو شعورك وانت في ضيافة ريوف



3)س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟
4)س شو أصعب المواقف اللي مريت بها ؟

5) س شو موقفك من الحب ؟؟ وهل جربته ؟؟ هل تأمن بوجوده ؟؟

6)س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
7) س هل ندمت فحياتك على شي معيّــن ؟؟؟

8) س مالفـرق بين الحب والصداقة ؟ وهل يمكن ان يسلكا طرق الغيرة 00؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..

[ريوف]

اخي العزيز محسن


..ثقاافتك عاالية وان شا الله استفيد منك ...
وانهل من نبعك الثقاافي ...ما يفيدني في حياتي ...

والدفعة الثانية من الاسئلة هي ...

ما هي احلى كلمة قيلت لك ؟؟؟
كيف هو محسن في حيااته خاارج المنتدى ؟؟ اذا مش حااب تجااوب على السؤاال على رااحتك ..
ما هي اعلى المرااتب العلمية في نظر ك ؟؟
ما هو موقفك من خياانة اقرب النااس الى قلبك ؟؟
لو اتيحت الفرصة لك لزيارة الرؤساء التالية اسمااءهم ...وقيل لك ان تقول لكل واحد فيهم جملة ...مختلفة عن جملة الرئيس الآخر ..ما

هي جملتك لكل واحد فيهم ..
علي عبد الله صالح
حسني مبارك
صباح احمد الصباح
معمر القذافي
بوش
جابر سالم الصباح



ايه اكمل


ابو حور يتهمك في الغرور شتر د عليه



انت انسان انحيازي ليش




ليش كثير نقد ؟





منوا الي موعاجبك في المنتدي



تمدح ابو عمر بس اشوف ماله اي دور في المنتدي ليش



ابوحور اداري تمدحه بس وين ردوده ماشفت اي مشاركه له قويه



الحق ينقال وانا مشكلتي الصراحه




محسن ابوغزوي انسان فوق هام السحب


شنو رأيك فيه؟


شنورأيك في



عزيز النفس



شقران


الراوي



راعي الجويخه




ريوف



ابونادر




منابع الطيب



الجده


ناشي


برق الوسم



اعتقد انت شفت الاحداث الي جرت بين شقران ومقعد


في نظرك منو ا الي معاه الحق



وبعدني وراك وانت غير والله يعينك


موتزعل

[المستشار]

اسمك
محسن مطلق القصيم

عمرك
25

شغلك
سكرتير في مجلس الامه


هوايتك
القراءة


رايك في منتدي الحمادين

لايوجد هناك شي كامل بالدنيا كلها الا وجهه عز وجل

ينقص المنتدى التواجد المستمر فقط

[ريوف]

هلا وغلا


منور المجلس



شنو تبي فطور



جيبو ا الفطور


لا يتأخر علي الغدي


احم اكيد مسوي رجيم



خلاص مو مشتهي الظيف



حياك الله نورت



وتستاهل اعيوني

[المستشار]

ما هي احلى كلمة قيلت لك ؟؟؟
الكلمه الحلوه موجوده بس وين القلب النظيف الصافي اللي تطلع منه
هالكلمه اللي تترك لها اثر ايجابي بالنفس وتعطيه طاقه واندفاع للحياه,,,
كيف هو محسن في حيااته خاارج المنتدى ؟؟
محسن حاله حال اي شخص بالعكس حياتي خارج المنتدى اجتماعي لابعد الحدود مع الكل ولا اتحيد لاحد ما احب ان اجلس لوحدي بعض المرات لمحاسبة الذات وجرد ماذا انتجت....
ما هي اعلى المرااتب العلمية في نظر ك ؟؟
الدراسه ماراح اقول مو كل شي بس لها قوه لكن الخبره تلعب محور قوي
وسمعنا كثيرا عن اناس لايملكون مؤهلات فاقوا ممن هم يمكلون اعلى المراتب العلميه وانا عندي الخبرة والجلوس مع شيابنا الله يطول بأعمارهم افضل مدرسه ....
ما هو موقفك من خياانة اقرب النااس الى قلبك ؟؟
ياللي طعنتني جحود ونكران ***مال الخيانه (حل) كود الخيانه ...البيت جاوب
لو اتيحت الفرصة لك لزيارة الرؤساء التالية اسمااءهم ...وقيل لك ان تقول لكل واحد فيهم جملة ...مختلفة عن جملة الرئيس الآخر ..ما
هي جملتك لكل واحد فيهم ..
علي عبد الله صالح
خف على الشعب اليمني المسلم
حسني مبارك
ترى ولدك ازعج الشعب بدكتاتوريته عليهم
صباح احمد الصباح
الله يطول بعمره اقول يابوناصر الشعب يريد منك ولاتبخل عليهم
معمر القذافي
الموت امامك والقبر قدامك
بوش
الله لايوفقك دنيا وآخره
جابر سالم الصباح
اول مره اسمع فيه ؟؟؟!!!



ايه اكمل


ابو حور يتهمك في الغرور شتر د عليه
الله يابوحور مقبوله منك ,,,هو صح بس للي مايعرفني ويشوفني بمكان عام
يقول هذا شلون متحمل نفسه حتى بس من داخل محسن غير ...


انت انسان انحيازي ليش

شنو الموضوع اللي انحزت فيه عشان اعرف اجاوب عدل !!!!!


ليش كثير نقد ؟

لان النقد هو اللي يصلح الشي ولاينتقد الا للشي الذي يراد به مصلحه للجميع وليس لي شخصيا ,,

منوا الي موعاجبك في المنتدي

كثير بس مابقى عليهم شي ويتقاعدون

تمدح ابو عمر بس اشوف ماله اي دور في المنتدي ليش

يكفي انه اسس ووضح حجر الاساس ولو صارت مشكله بالمنتدى بين الاعضاء او مشكله فنيه اللجوء الى ابوعمر ...او في غلط كلامي

ابوحور اداري تمدحه بس وين ردوده ماشفت اي مشاركه له قويه

مش ضروري المشاركات يكفي الحضور والشعبيه اللي عنده بالمنتدى

الحق ينقال وانا مشكلتي الصراحه

اي والله مشكلتي الصراحه


محسن ابوغزوي انسان فوق هام السحب
شنو رايك فيه؟
كلن يرى نفسه فوق هام السحب (وانا ارى الرجال كالجبال جميعهم)



شنورأيك في



عزيز النفس
شاعر وقدير ونحترمه

شقران

مبدع
الراوي

تاريخ

راعي الجويخه

حليو ومحترف

ريوف

خففي اسالتج ......مبدعه والله العظيم

ابونادر
زين


منابع الطيب
متواجد


الجده

قلتيها الجده ان تكلمت ماهي بمعطيتنا عصير اللي بكبتها واللي مفتاحه بطرف الشيله ... الله يعطيها العافيه
ناشي

شاعر له مستقبل الله يوفقه
برق الوسم

مفقود

اعتقد انت شفت الاحداث الي جرت بين شقران ومقعد


في نظرك منو ا الي معاه الحق؟؟

والله لم اطلع على اي مما ذكرتي

وبعدني وراك وانت غير والله يعينك

الله يعين الجميع ويعيني لين اخلص :) تسلمين
موتزعل


ماراح ازعل

[المستشار]

هلا فيج


كنت ابفطر مير احرمتني اسألتج .ههههه



منور بوجودج

[المستشار]

2)س ؟ وماهو شعورك وانت في ضيافة ريوف

يسعدني ان اكون متواجد في ضيافة ريوف بس ريوف ماقهوتنا ولا طلبت لنا من المطعم ريوق اما شكشوكه او فوال اللي بالفنيوز :)


3)س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى
الأمنية اللي تتمناها ... ؟
حلم ياصعب تحقيقه الى يوم الدين ....
4)س شو أصعب المواقف اللي مريت بها ؟
الــجــحـــود والــخـــيـــــانـــه
5) س شو موقفك من الحب ؟؟ وهل جربته ؟؟ هل تأمن بوجوده ؟؟
اول نقطه عديها الثانيه هم عديها الثالثه نعم الحب موجود
6)س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم
عقلك ام قلبك؟؟؟؟؟؟؟؟؟؟
والله اذا بنتبع القلب بنضيع..
فيه بيت لعمي فلاح يقول اغضبتها في ماقف الطيب وارضيت ***فكر على درب المعاسر عسفها
وقصد باللي اغضبها العاطفه والفكر عاد ترفونه

7) س هل ندمت فحياتك على شي معيّــن ؟؟؟
ممكن اشياء ماتحضرني
8) س مالفـرق بين الحب والصداقة ؟ وهل يمكن ان يسلكا طرق الغيرة 00؟
الصداقه هي رحم الحب وهي التي تولد الحب بين الطرفين
زمن جرب صداقه مع الجنس اللطيف ولم يحبوا بعض انا اقول له ان قلبك او قلبها ميت فالصداقه موجوده بين الرجال والنساء ولكن بحدود,,,
_ما رأيك بهذه الكلمات ..
الخيانة ..
علاجها بمثلها كلمه ثقيل بما ورائها
المرأه..
اخت الرجل
الصداقة ..
نااااااااااادره
النميمة ..
طبع سئ
النفاق ..
الله ياكثرهم بمجلس الامه

[ريوف]

محسن هلا


ابي منو محسن القصيم في عشر كلمات ؟


ذوقك في مواضيع ريوف؟



كلمه توجها حق ابو نادر




وكلمه حق منابع



وكلمه حق اورنس



وكلمه حق فجر



وكلمه حق ريوف



وشنو رأيك في الدلوعه؟




نقد حقي ابسرعه؟




اتحب الشعر؟



ميولك سياسي ليش


انا اقول انت غامض ليش؟



واقول انت شخص صعب تغير رايه



وبعد حسب الي فهمته من ردودك


مو اي شي يعجبك بس في شي


بعد انت ليش كثير التدقيق؟




لو شاءت الاقدار وحبيت وحده تزوجها


ولا من ربع الي معاي مع غيري؟


بعداقول انت طيب بس ليش عصبي؟



اتحب ركوب الخيل؟


انا بكون معاك مجرمه عادي؟



شنو رايك في ابو عبد الكريم




وشنورايك في حلا الحمادين




يتهموني انا في الغرور شترد عليهم



بدون مجامله شنو رايك في شخصيتي؟


ولو اتحب اتغيرها اشراح يكون اتغير؟




من علمك فنون الكلام؟


ولي رجعه

[المستشار]

ابي منو محسن القصيم في عشر كلمات ؟

متواضع ,,يحب مساعدة الاخرين ,,محب للخير للجميع,,مرح,,عصبي ,,مكافح ,,طموح..
ذوقك في مواضيع ريوف؟

منتازه بالحيل بس والله انج حرقتيني بالاسئله حرق ..

كلمه توجها حق ابو نادر

لايحضرني شي الان


وكلمه حق منابع

عذب في المرور وفي الرد

وكلمه حق اورنس

راقي بمعنى الكلمه

وكلمه حق فجر
مجتهده جدا


وكلمه حق ريوف

راقيه بمعنى الكلمه احترام واجتهاد ودينمو المنتدى

وشنو رأيك في الدلوعه؟

مميزه


نقد حقي ابسرعه؟
لايوجد نقد والله


اتحب الشعر؟
بالحيل


ميولك سياسي ليش

من زمان اتبع السياسه واحب اطلع على كل شي جديد بالسياسه المحليه وكون عملي سياسي بحت من الدرجه الاولى ولقربي من مشرعين القوانين اللي هم اعضاء مجلس الامه زاد عندي الميول..
انا اقول انت غامض ليش؟

شلون اكتشفتي اني غامض....!!!!

واقول انت شخص صعب تغير رايه

بهذي صحيح لاني امشي وراء قناعاتي

وبعد حسب الي فهمته من ردودك
مو اي شي يعجبك بس في شي؟

امور كثيره ماتعجبني ولو اتولى زمام بعض الاماكن لغيرتها تغيير جذري...
بعد انت ليش كثير التدقيق؟

اذا ماصار فيه تدقيق ماصار فيه انتقاد او تعديل لشئ ما ...


لو شاءت الاقدار وحبيت وحده تزوجها
ولا من ربع الي معاي مع غيري؟

حسب الزمان والمكان يعني اللي بيعرف وحده بالشارع (عفوا بهالكلمه) بيتزوجها على طول اكيد لأ اما اذا تزوجها فهذا شي ثاني ....واما اذا حبيت وحده مثال قريبه او جيران فهنا من يدري من اهل البيت بالتأكيد...

بعداقول انت طيب بس ليش عصبي؟

شدراج اني طيب وشدراج اني عصبي ؟؟؟ لان طبعي حاار واعصب بسرعه اما الطيب فهي باخواني كلهم بفضل الله ومنته ...

اتحب ركوب الخيل؟
جدا جدا جدا

انا بكون معاك مجرمه عادي؟

خليتي فيها اجرام محكمة العدل الدوليه ماتاخذ حقي منج حتى !!! مزحه :)

شنو رايك في ابو عبد الكريم

عضو جيد


وشنورايك في حلا الحمادين

اسمها حلا الحمادين يعني هي حلا المنتدى


يتهموني انا في الغرور شترد عليهم

مثل مااتهموني ردي عليهم مثلي ...
وان نبح كلب الغنم مورح له ريح ذيب ***وانت تدري ماعلى الذيب من نبح الكلاب

بدون مجامله شنو رايك في شخصيتي؟

مرحه تسعين للخير مثل ماقريت بالمنتدى
ولو اتحب اتغيرها اشراح يكون اتغير؟


راح اخليج ماتعودين تسألين الاسئله اللي خلت ريوقي يبرد علي الحين :)

من علمك فنون الكلام؟

مخالطة السياسيين وقراءة الكتب الثقافيه والسياسيه واستاذي الكبير اخي ناصر ودراستي دبلوم بخدمة العملاء ودبلوم بالتسويق ودبلوم بالعلاقات العامة

[ســـيـــ الحميداني ـــوف]

حياك الله اخوى محسن

الله يعينك نشفة ريجك ريوف ماقصرة بالاسئله

بس صج ما شاءالله ردود فيها ثقافه عاليه ورود اكثر من رائعه


اسمحلى بجم سؤال

قصيدة تحبها

شنواللى يعجبك اكثر شعر الغزل او شعر الجزل؟

بيت شعر يعبر عن محسن القصيم

والله يعطيك القوة على اسالة ريووف

[المستشار]

حياك الله اخوى محسن
الله يحييج
الله يعينك نشفة ريجك ريوف ماقصرة بالاسئله
ماهو شي ماخلت لكم اسئله حتى :)
بس صج ما شاءالله ردود فيها ثقافه عاليه ورود اكثر من رائعه
اشكرج واعتز بشهادتج

اسمحلى بجم سؤال
تفضلي بس لاينشفن ريجي :)
قصيدة تحبها
جميع قصائد العم القدير فلاح بن مبرد بدون استثناء
شنواللى يعجبك اكثر شعر الغزل او شعر الجزل؟
الجزل ومانخلى من الغزل
بيت شعر يعبر عن محسن القصيم
هو مايعبر عني بكثر ماجاني من شخص يهمني امره بالحيل
خسرت نفسك ولافكرت تكسبها ..ومازلت تدفع ثمن طيشك وغلطاتك
والله يعطيك القوة على اسالة ريووف
الله يعافيج

[ريوف]

محسن بعدني وراك



انا هوايتي تحليل الشخصيات



ومره تصيب ومره اتخيب بس دايم من فضل الله اتصيب



محسن ليش صراحتك جازيه الحدود؟


وليش اذا اتحب احد السامحه رغم انك صعب؟



وليش اتحاول تجاهل ناس وانت اتعرف يبون رضاك؟




محسن اتمني اكون اختك تدري ليش ؟



انت جاوب



محسن انت من نوع الي اتعرف الانسان من اول نظره


صح ولا تحليلي غلط؟




محسن انا اقول انت رجال قوي لا كن حنون صح ولا غلط؟




محسن شنو رأيك برياجيل الي لا تكلم قدام ناس لاعنه ولادونه


لا وقدام مرته مايقدر يرمش تتوقع هذا حب ولا ضعف شخصيه؟



محسن انت راح تبقي معاي يومين بعد شنو رايك

وبعدني وراك

[شقران]

السلام عليكم ورحمة الله وبركاته


مساك الله بالخير محسن


عجبتني جدا اجاباتك


ودائمن احب اقرالك لأنك صريح وتعجبني جدا



اخوي محسن انا بنورك عن سالفة مقعد الدغيلبي وابونادر من شهادها

دخل المنتدى ضيف معزز مكرم يشارك بقصائده ولم نتعرض له ابدا


في يوم من الأيام مقعد طلب شعار الحمادين في قسم المحاوره

وهذ هو الرابط

http://www.alhomidani.com/vb/t9716.html

وعندما اتيناه هرب

فهل يعقل انك ضيف في منتدى الأجواد والضيف تعدى حقوق الضيافه

وتطلب شعار القبيله وعندما يئتون تتهرب منهم

هل تستهزء بشعار الحمادين

هل تطلب الحمادين وعندما يئتونك تضرب بهم بعرض الحائط وتسرح وتمرح

في المنتدى


حدد ابونادر محاوره بيني وبينه وانتهت بفشل ذريع فقد ضيع الموال والشيله..

وانها ابو نادر المحاوره لان الخصم لم يلتزم بالطاروق..

وهذا هو الرابط

http://www.alhomidani.com/vb/t10309-3.html


ودي اسئلك عدة اسئله بنائن على الروابط والوثائق


لماذا برق الوسم صف بجانب مقعد وانا شخصيا اعرف برق الوسم منهو


انت تطرقت في احد مشاركاتك لشخص كبير بالسن يسعى لتخريب المنتدى

لانريدك ان تذكر اسمه بل نريد النيك نيم ؟؟؟؟؟؟؟؟؟

هل تعتقد ان مايفعله بعض الأعضاء لا يخدم ابن مبرد بالتصويت


محسن يمكن اكون شخص قريب منك جدا فكر قبل الأجابه



لك جل احترامي انت وابوحور

[المستشار]

محسن بعدني وراك

تفضلبي ياريوف

انا هوايتي تحليل الشخصيات

ومره تصيب ومره اتخيب بس دايم من فضل الله اتصيب

محسن ليش صراحتك جازيه الحدود؟

شلون صراحتي جازيه مدري اذا تقصدين ان صراحتي لاتحتاج مقدمات !!
وليش اذا اتحب احد السامحه رغم انك صعب؟

العفو عند المقدره وحسب الظرف اللي يخليني اسامح

وليش اتحاول تجاهل ناس وانت اتعرف يبون رضاك؟


بالعكس ماتجاهلت احد وعلاقاتي مع الكل ممتازه

محسن اتمني اكون اختك تدري ليش ؟

ليش؟

انت جاوب

انتي اللي سألتي وانتي اللي جاوبي

محسن انت من نوع الي اتعرف الانسان من اول نظره

صح ولا تحليلي غلط؟

مره تخيب وعشره تصيب


محسن انا اقول انت رجال قوي لا كن حنون صح ولا غلط؟

صحيح


محسن شنو رأيك برياجيل الي لا تكلم قدام ناس لاعنه ولادونه


لا وقدام مرته مايقدر يرمش تتوقع هذا حب ولا ضعف شخصيه؟

ليته حب او ضعف هذا قاضي مره وحده

محسن انت راح تبقي معاي يومين بعد شنو رايك؟

مو مشكله بس اليوم العصر بإذن الله بمشي للقصيم واذا رديت يوم الجمعه يسهلها الله معج اسبوع كامل شتبين بعد

وبعدني وراكالله يعطيج العافيه يامحقق كونان :) مزحه بسيطه

[المستشار]

عفوا تكرر الرد مرتين

[المستشار]

ودي اسئلك عدة اسئله بنائن على الروابط والوثائق
تفضل وكلي اذان اغيه لك يالغالي ,,,انا ماتابعت اللي صار كله ولا بالقلطه
ولا لها معي شي ...

لماذا برق الوسم صف بجانب مقعد وانا شخصيا اعرف برق الوسم منهو؟
ماتابعت الموضوع خير شر والله ولا احب المواضيع اللي يكون فيها (مثال) نقنقه وسوالف ماهي للرياجيل..ومقعد ماعرفه ولا برق الوسم اعرفه
انا اللي مايحط اسمه ماعرفه ودك الشخص اذا بيقول شي يكون على وضح النقا مايهم احد يقول مابني عليه ضميره وقناعاته ...

انت تطرقت في احد مشاركاتك لشخص كبير بالسن يسعى لتخريب المنتدى

لانريدك ان تذكر اسمه بل نريد النيك نيم ؟؟؟؟؟؟؟؟؟

لا اريد ذكر الاسماء لا الحقيقيه ولا الالقاب وانا قلت في رد على اختنا ريوف
عن موضوع النقد قالت انقد الجميع قلت كل واحد يقبل النقد وانتي ياريوف صريحه مع نفسج وتقبلين النقج والشخص الصريح مع ذاته يتقبل لانه يعرف من هو وفيه ناس عندها شك بنفسها وكثير من النقص ايضا ...
هل تعتقد ان مايفعله بعض الأعضاء لا يخدم ابن مبرد بالتصويت؟؟

من ناحية التصويت ماقصروا الجماعه والناس اللي فيها خير واما الشائعات كلكم قرأتم ماكتب وقت الحلقة السابقه اللي فيها اجتمع كل الشعراء
كان هناك سب لابوبدر من ناس تافهه جدا وموظفين الشات متحيزين للشخص الذي سب ابوبدر وانا شخصيا اتصلت بكنترول الشات وقلتلهم يمسحون مثل هالاشياء قالوا ماقدرنا وكتبت مسج معين وارسلته وماطلعوه وش رايكم بهالكلام يعقل يحصل مثل هذا ...وانا شخصيا والله العظيم اني اعرف هؤلاء الناس التافهين ..

ووالله راح اكشف لكم في يوم من الايام القاب لهم

من حط من قدر الجبال الرواسي **يسقط وياخذ واجبه مثل حنوس

محسن يمكن اكون شخص قريب منك جدا فكر قبل الأجابه؟

القلب يشيل كل شخص نظيف وانت منهم

لك جل احترامي انت وابوحور

لك مثل احترامك واكثر

[ابـــوحـــــور]

راقي محسن في ردودك ماشالله عليك

[شقران]

محسن انت حكيم


وعجبتني ردودك جدا


لأنك قريت الي بين السطور


لله درك ودر عودن جابك

[المستشار]

اشكرك اخوي ابوحور على مرورك العطر












اخوي شقران جزاك الله خير واشكرك على حديثك الراقي


اخوكم ــ محسن

[ريوف]

علي راسي والله محسن


وماقصرت وربي

[المستشار]

يسلم راسج ياريوف


تفضلي استطردي بالاسئله اذا عندج ؟؟ :)



تحياتي

[ريوف]

هلا وغلا ومليون




مبروك عليك الشهر




س ليش مابركتلي في تحطيم ارقم القياسي في المنتدي؟ ا




اتغار مني هههههههههههههههههههههههه






س2 كلمه اخيره توجها الي اعضاء الحمادين



س3- ابيك تعذرني خاف ثقلت عليك في الاسئله



س4 حياك الله نورت المجلس ودفع تكاليف اقامتك



في المجلس مبلغ غدره




















































































حبك وتقديرك



ومشكور

[المستشار]

هلا وغلا ومليون

هلا فيج



مبروك عليك الشهر

علينا وعليج وعلى المسلمين


س ليش مابركتلي في تحطيم ارقم القياسي في المنتدي؟ ا

الف مبروووك والله ماني بتابع الارقام بس مبروك


اتغار مني هههههههههههههههههههههههه

لا والله مااغار




س2 كلمه اخيره توجها الي اعضاء الحمادين

الله يوفقهم ومبارك عليهم الشهر
س3- ابيك تعذرني خاف ثقلت عليك في الاسئله

لا واذا بتكملين ماعندي مانع والله

س4 حياك الله نورت المجلس ودفع تكاليف اقامتك

كم حسابه ؟




حبك وتقديرك

لكم جميعا

ومشكور

العفو

[جدتهم ومنقدتهم]

محسن القصيم

ماقصرت وكفيت ووفيت ,,, والله يعينك على اسئلة المحقق كونان:shade:



الجده

قلتيها الجده ان تكلمت ماهي بمعطيتنا عصير اللي بكبتها واللي مفتاحه بطرف الشيله ... الله يعطيها العافيه



محسن مفتح الكبت اليوم بعطيكياه تقسم عليهم عصيييييييييييير ونفييييييييييش

وانت خذ بسكوت ابوميزان هديه زود عنهم عشانك حبيب:embarassed:

[المستشار]

بسكوت ابوميزان مابيه ابي ريكو او ديمه مع عصير الربيع الساعه 4 العصر


مشكوره يالجده