الله خلقني بنت نـاس وحمولـه،،

[بنـــ الحمادين ـــت]

بسم الله الرحمن الرحيم



الله خلقني بنت نـاس وحمولـه = قـدري تعّـلا بالثريـا مكـانـه

ماهمني هرجـة قفـا او مقولـه = او عاذلٍ يحب أصـول الخيانـه

ولاهمني قرع الحكي أو طبولـه = مادام نبض القلب صدق وأمانـه

ياللي تجاهر بالخطـا وبسهولـه = ماخفت من ذنبٍٍ يخالـط إهانـه

ذلٍ تجيبه كـل لحظـه عجولـه = لا ابوه لا ابو كل نفس ٍ جبانـه

يابنت ياللي ينقال عنك خجولـه = بينك وبين الكل صـارت ميانـه

هذا حبيبك أوصديـق الطفولـه = وهذاك ولد الجار كنتـي وزانـه

ليتك بقيتي لغز صعـبٍ حلولـه = او ليت ليتك شي دونه حصانـه

وياهيه ياللي تفتخـر بالرجولـه = وينك ووين المرجلـه والرزانـه

الطيّب اللـي كـل دربٍ يجولـه = يترك وراه الطيب في كل خانـه

وطبع الرديّ يبقى ولا شيٍ يزوله = بالعقل عاهه وان تثقّف لسانـه

واللي قريبٍ كـل ايـد ٍ تطولـه = يرخص بعين الكل ويقّـل شانـه

وانا ترى مانيب بنـتٍ زعولـه = ازعل على اللي ماينومس زمانه

ازعل على اللي في حياته بطوله = راعي علومٍ افتخر فيها عشانـه

شيخٍ كريمٍ ولد نـاس وحمولـه = مثلي تعـلابالثريـامكاااااانـه

وسلامــــــــــــــتكمـ ...

[ريوف]

دمتي ودام ابداعك

[بنـــ الحمادين ـــت]

اللهـ يديــم عزكـ اختيـ (( ريووووف ))

نورتيـ المتصفح بردكـ ..............

اختــــكــ ::

(( بنــــ الحمادين ـــت ))

[هشام الظويفري]

ليتك بقيتي لغز صعـبٍ حلولـه،،او ليت ليتك شي دونه حصانـه


صح اختيارك أختي بنت الحمادين

وصح لسان شاعرها

تقبلي مروري


أخوك هشام الظويفري

[ااالــركـــيــبـــي]

والنعم فيج بنت الحمادين واكبر فخر حضورج



وابداع رائع وذائقه راقيه منج



وكل تقديرى لكى



اااالــركـــيــبـــى

[غنام العرافه]

ماهمني هرجة قفـا او مقولـه = او عاذلٍ يحب أصـول الخيانـه
ولاهمني قرع الحكي أو طبولـه = مادام نبض القلب صدق وأمانـه

بنت الحمادين

يعطيك العافيه أختي وتسلمين على النقل الرائع
بس ياليت ذكرتي اسم شاعرها دمتي ودام ابداعك .

[بنـــ الحمادين ـــت]

اللهـ يعافيـــكــ اخوووويـ (( هشام الظويفري ))

ينعــــــــــمـ بحالـــــكـ اخووويـ (( الركيبي )) الفخــر ردكـ

اللهـ يسلــــمكـ (( غنام العرافه ))

اختــــــــكمــ ::

(( بنـــ الحمادين ــــت ))