خالد الصعيري\\\\\\\\\\\\\
27/08/2008 - August 27th, 03:27 PM
السلام عليكم ورحمة الله وبركاته
في حدود عام 1300 هجري كانت بداية نزول العضيلات لنجد واللي حدر لنجد هم السوافر فقط
نزلوا الى نجد وكان معهم من الخيل ست فقط وعلقوا العاني على الحفاه من عتيبة وحطهم الحافي في وجه على سلم العرب ومن الباكر قاموا العتبان على رفيقهم وقلوا انت وراك تقبل من المطران رح للرياجيل وخلهم يمشون ترانا عازمين على اخذتهم قاومهم في البداية وقال الرياجيل في وجهي وعطيتهم الامان .
اجبروه جماعته وامام اصرارهم راح العتيبي للعضيلات وقال الكلام اللي سمعتوه من ما منه شي ابد وتوكلوا على الله
وكان كلامه مع غالى بن سحمان العضيلة حاول معه لعله يرجع عن رايه ولكنه رفض عود وقال له غالى شفت البيت هذا عانيه على الله ما هو علاك مير حدد قال العتيبي لكم ثلاث ليال
مشوا العضيلات بحلالهم وبيوتهم وبعد اليوم والليله هس لهم ذهيب عن الحلال وتبعه اثنان منهم مغلي بن سحمان اوبن عمه خاتم وهم في طريقهم للبحث عن الذهيب ولنهم يشوفون القوم لاحقين واذا هم الحفاه هجموا عليهم الحفاه واسروهم اخذوهم للبيوت وقيدوهم وخلوا عليهم ثلاث حراس
غالي يوم انه حس بتاخر اخوه و ابن عمه حث العرب على الاسراع وهو ركب فرسه وعود من وراء القوم وراي اخوه ماسور ورجع من الخلف للبيوت ويشوف عليهم ثلاث حراس ويطق الاول ولنه ذابحه ويطق الثاني ولينه وراه والثالث هج ولحق بجماعته غالي فك اخوه وابن عمه ولحق ويوم وصلوا وليا القوم مشتبكه وفي هذي كانت بداية ظهور الفارس مزيد الهوم اللي يدخل فيهم من يمين ويظهر من يسار على حصانه وراسه عند راس الحصان وذيله غاطيه ما يصيبه سهم ولا يعترضه احد
في النهايه تمكن العضيلات على الرغم قلتهم وعدد خيلهم ست فقط تمكنوا من رد القوم وحمايه حلالهم وواصلوا مسيرهم لين نزلوا في الخرما وخريمان وربيق والربقيه وهاك الديار ومكثوا فيها واحتموها على ظهور الخيل لين قامت حركة الاخوان وانظموا لها...............................
في حدود عام 1300 هجري كانت بداية نزول العضيلات لنجد واللي حدر لنجد هم السوافر فقط
نزلوا الى نجد وكان معهم من الخيل ست فقط وعلقوا العاني على الحفاه من عتيبة وحطهم الحافي في وجه على سلم العرب ومن الباكر قاموا العتبان على رفيقهم وقلوا انت وراك تقبل من المطران رح للرياجيل وخلهم يمشون ترانا عازمين على اخذتهم قاومهم في البداية وقال الرياجيل في وجهي وعطيتهم الامان .
اجبروه جماعته وامام اصرارهم راح العتيبي للعضيلات وقال الكلام اللي سمعتوه من ما منه شي ابد وتوكلوا على الله
وكان كلامه مع غالى بن سحمان العضيلة حاول معه لعله يرجع عن رايه ولكنه رفض عود وقال له غالى شفت البيت هذا عانيه على الله ما هو علاك مير حدد قال العتيبي لكم ثلاث ليال
مشوا العضيلات بحلالهم وبيوتهم وبعد اليوم والليله هس لهم ذهيب عن الحلال وتبعه اثنان منهم مغلي بن سحمان اوبن عمه خاتم وهم في طريقهم للبحث عن الذهيب ولنهم يشوفون القوم لاحقين واذا هم الحفاه هجموا عليهم الحفاه واسروهم اخذوهم للبيوت وقيدوهم وخلوا عليهم ثلاث حراس
غالي يوم انه حس بتاخر اخوه و ابن عمه حث العرب على الاسراع وهو ركب فرسه وعود من وراء القوم وراي اخوه ماسور ورجع من الخلف للبيوت ويشوف عليهم ثلاث حراس ويطق الاول ولنه ذابحه ويطق الثاني ولينه وراه والثالث هج ولحق بجماعته غالي فك اخوه وابن عمه ولحق ويوم وصلوا وليا القوم مشتبكه وفي هذي كانت بداية ظهور الفارس مزيد الهوم اللي يدخل فيهم من يمين ويظهر من يسار على حصانه وراسه عند راس الحصان وذيله غاطيه ما يصيبه سهم ولا يعترضه احد
في النهايه تمكن العضيلات على الرغم قلتهم وعدد خيلهم ست فقط تمكنوا من رد القوم وحمايه حلالهم وواصلوا مسيرهم لين نزلوا في الخرما وخريمان وربيق والربقيه وهاك الديار ومكثوا فيها واحتموها على ظهور الخيل لين قامت حركة الاخوان وانظموا لها...............................