حميداني وافتخر
05/09/2008 - September 5th, 02:11 PM
بسم الله الرحمن الرحيم
الولد وإن طاب طيبه من خواله><فإن تردى فاعلم إنهم خايبيني
من لا يعرف .. هذا البيت بيت أشهر من نار على علم قد يجهل البعض قائلهما ولكن أكيد سمع بالبيت من قبل حتى أصبح مضرب مثل يتداوله كثير من الناس وقائل هذا البيت هو الشاعر الكبير / راشد بن حسن بن مانع بن رحيان الضاعني الملقب بــ ( ابن الذيب ) رحمه الله وأسكنه فسيح جناته وقيل إنه توفي عام 1986م وهو في نجران وكان شايل معه شخص موصله إلى قرية في نجران وحصل عليهم حادث وتوفي رحمه الله راشد بن حسن كان يشتغل في شركة أرامكوا السعودية وكان معه سيارة الشركة ( جمس أرامكوا ) وكان كل ما شاف له رجلي وإلا طرقي على الخط يبي أحد يوصله يقوم ابن الذيب ويوصله بدون مقابل على سيارة الشركة حتى اشتهر بذلك عند البادية لا جاء أحد يبي يروح مكان ولا عنده مطية وإلا موتر يمشي في طريقه ويقول عسى يلقاني ( ابن الذيب ) على الطريق وإلا أنا ألقاه ويشيلني ويوديني للمكان اللي أنا أبيه حتى قاموا الناس يطرونه ويحكون فيه وهم لا يعرفونه ولا قد شافوه جاء يوم من الأيام وإذا عجوز ومعها غنم و ( راشد بن حسن ) كان مشغولا ومتأخر على الدوام شوي وشاف العجوز وشاف معها غنم تعداها وهملها عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز يوم جاها قال : لها يا مره أنا أبشيلك وبوديك المحل اللي تبينه لكن بدون غنمك أنا متأخر على الدوام وأخاف غنمك تأخرني زيادة قالت : له العجوز خلاص رح الله يستر عليك يا ولدي أنا جالسة هنا أنتظر ( ابن الذيب ) هو اللي بيجيب العلم وبيوصلني المكان اللي أنا أبيه أنا وغنمي وهي ما تعرفه ولا تدري إنه ( ابن الذيب ) هو نفسه اللي هي تكلمه فانصدم ( راشد بن حسن ) بقولها وتعجب !! قال اركبي يا خاله أنا ( ابن الذيب ) وأبشري بعزك أبوصلك أنتي وغنمك وكانت أنظمة أرامكو تمنع السائقين أن يشيلوا الرجلية اللي يوقفون السواقين ويطلبونهم توصيلهم على طريقهم وشلون توصيل الغنم ؟ حتى وصل علم للشركة بفعل ( راشد بن حسن ) وهدد بالفصل من الشركة أكثر من مرة وبعض رؤسائه يئسوا من المحاولة معه وأعجبتهم شهامته وصل العجوز إلى منصاها والمكان اللي تبيه وقال هذه القصيدة :
قالها ابـن الذيـب مـن هاجـوس بالـه><كلـمـةٍ يلـعـب بـهــا والـبــال زيـنــي
قالـهـا يـومــه طـرالــه مـــا طـرالــه><مـن هواجيـسٍ تشـيـب المرضعيـنـي
حالـفٍ ماخـذ عـلـى الطـرقـي ريـالـه><وبالـثـلاث مـحـرم إنــه مــا يجـيـنـي
لا لقيت اللي علـى ( السكـه ) لحالـه><يلتـفـت ويـقـول ويــن المستحـيـنـي
أوقـف الموتـر حـيـا وأبــي الجمـالـه><يـوم ولـد الـلاش وجـهـه مــا يليـنـي
الطـمـع فــي كــروة الرجـلـي رذالــة><خـص وإن جـابـه مـجـال الغانميـنـي
والـردي فـي حـالـةٍ مــا هــي بحـالـه><واعـويـنـه مـــن كــــلام الطيـبـيـنـي
الـردي لــو بــان مــا يـذكـر عمـالـه><مـا يـعـد الــلاش مقـصـور اليميـنـي
أركـبـه لعـيـون مـــن زيـــنٍ دلالـــه><مــا تحـاكـوا فــي قـفـاه الرامسيـنـي
ما بغـى غيـري وأنـا مـا أبغـى بدالـه><قـاعـدٍ لـــي بـالـرجـا مـــدة سنـيـنـي
الصبـي وإن طـاب طيبـه مـن خوالـه><بـالـخـوال يـســال قـبــل الوالـديـنـي
أشـــرب الفـنـجـال وأكـــب البـيـالـة><تـابــعٍ سـلـمــي ســلــوم الأولـيـنــي
ولا قـعـدنـا بالـعـمـل بـنــا الــرزالــة><نـاخــذ العـلـيـا طـريــق الفـايـزيـنـي
غرنـي بـعـض الـرجـال بكـثـر مـالـه><ما درى إن الموت في حبـل الوتينـي
كيف ينفعنـي وأبـا (..........) خالـه><مـا يقـوم البيـت دام الـسـاس طيـنـي
مـاش ويـن الـلـي عـوايـده الجمـالـة><مثـل ابـن ظافـر حـمـد ليـتـه يجيـنـي
الثـنـا والـجــود دايـــم فـــي خـيـالـه><عـلـمـه ظـافــر ســلــوم الطيـبـيـنـي
جــــوّد الـعـلـيـا ولـزمّـهــا عـيــالــه><وأدركـوا مــن علمـتـه دنـيـا وديـنـي
واهني من بـاع حظـه واشتـرى لـه><وسار في درب النبي وأخزى اللعيني
مـوقـفـه مـــا كــــل رجــــال يـنـالــه><مــن بـغـى ممـشـاه يـقـعـد مرتـيـنـي
كـم ذبـح مـن حايـلٍ مــن حــر مـالـه><وعـادتـه لطـمـة خـشــوم العايلـيـنـي
والشاعر / راشد بن الذيب رحمه الله وأسكنه فسيح جناته هو والد الشاعر المعروف حاليأ / محمد بن الذيب . منقول ياعساكم سالمين
الولد وإن طاب طيبه من خواله><فإن تردى فاعلم إنهم خايبيني
من لا يعرف .. هذا البيت بيت أشهر من نار على علم قد يجهل البعض قائلهما ولكن أكيد سمع بالبيت من قبل حتى أصبح مضرب مثل يتداوله كثير من الناس وقائل هذا البيت هو الشاعر الكبير / راشد بن حسن بن مانع بن رحيان الضاعني الملقب بــ ( ابن الذيب ) رحمه الله وأسكنه فسيح جناته وقيل إنه توفي عام 1986م وهو في نجران وكان شايل معه شخص موصله إلى قرية في نجران وحصل عليهم حادث وتوفي رحمه الله راشد بن حسن كان يشتغل في شركة أرامكوا السعودية وكان معه سيارة الشركة ( جمس أرامكوا ) وكان كل ما شاف له رجلي وإلا طرقي على الخط يبي أحد يوصله يقوم ابن الذيب ويوصله بدون مقابل على سيارة الشركة حتى اشتهر بذلك عند البادية لا جاء أحد يبي يروح مكان ولا عنده مطية وإلا موتر يمشي في طريقه ويقول عسى يلقاني ( ابن الذيب ) على الطريق وإلا أنا ألقاه ويشيلني ويوديني للمكان اللي أنا أبيه حتى قاموا الناس يطرونه ويحكون فيه وهم لا يعرفونه ولا قد شافوه جاء يوم من الأيام وإذا عجوز ومعها غنم و ( راشد بن حسن ) كان مشغولا ومتأخر على الدوام شوي وشاف العجوز وشاف معها غنم تعداها وهملها عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز يوم جاها قال : لها يا مره أنا أبشيلك وبوديك المحل اللي تبينه لكن بدون غنمك أنا متأخر على الدوام وأخاف غنمك تأخرني زيادة قالت : له العجوز خلاص رح الله يستر عليك يا ولدي أنا جالسة هنا أنتظر ( ابن الذيب ) هو اللي بيجيب العلم وبيوصلني المكان اللي أنا أبيه أنا وغنمي وهي ما تعرفه ولا تدري إنه ( ابن الذيب ) هو نفسه اللي هي تكلمه فانصدم ( راشد بن حسن ) بقولها وتعجب !! قال اركبي يا خاله أنا ( ابن الذيب ) وأبشري بعزك أبوصلك أنتي وغنمك وكانت أنظمة أرامكو تمنع السائقين أن يشيلوا الرجلية اللي يوقفون السواقين ويطلبونهم توصيلهم على طريقهم وشلون توصيل الغنم ؟ حتى وصل علم للشركة بفعل ( راشد بن حسن ) وهدد بالفصل من الشركة أكثر من مرة وبعض رؤسائه يئسوا من المحاولة معه وأعجبتهم شهامته وصل العجوز إلى منصاها والمكان اللي تبيه وقال هذه القصيدة :
قالها ابـن الذيـب مـن هاجـوس بالـه><كلـمـةٍ يلـعـب بـهــا والـبــال زيـنــي
قالـهـا يـومــه طـرالــه مـــا طـرالــه><مـن هواجيـسٍ تشـيـب المرضعيـنـي
حالـفٍ ماخـذ عـلـى الطـرقـي ريـالـه><وبالـثـلاث مـحـرم إنــه مــا يجـيـنـي
لا لقيت اللي علـى ( السكـه ) لحالـه><يلتـفـت ويـقـول ويــن المستحـيـنـي
أوقـف الموتـر حـيـا وأبــي الجمـالـه><يـوم ولـد الـلاش وجـهـه مــا يليـنـي
الطـمـع فــي كــروة الرجـلـي رذالــة><خـص وإن جـابـه مـجـال الغانميـنـي
والـردي فـي حـالـةٍ مــا هــي بحـالـه><واعـويـنـه مـــن كــــلام الطيـبـيـنـي
الـردي لــو بــان مــا يـذكـر عمـالـه><مـا يـعـد الــلاش مقـصـور اليميـنـي
أركـبـه لعـيـون مـــن زيـــنٍ دلالـــه><مــا تحـاكـوا فــي قـفـاه الرامسيـنـي
ما بغـى غيـري وأنـا مـا أبغـى بدالـه><قـاعـدٍ لـــي بـالـرجـا مـــدة سنـيـنـي
الصبـي وإن طـاب طيبـه مـن خوالـه><بـالـخـوال يـســال قـبــل الوالـديـنـي
أشـــرب الفـنـجـال وأكـــب البـيـالـة><تـابــعٍ سـلـمــي ســلــوم الأولـيـنــي
ولا قـعـدنـا بالـعـمـل بـنــا الــرزالــة><نـاخــذ العـلـيـا طـريــق الفـايـزيـنـي
غرنـي بـعـض الـرجـال بكـثـر مـالـه><ما درى إن الموت في حبـل الوتينـي
كيف ينفعنـي وأبـا (..........) خالـه><مـا يقـوم البيـت دام الـسـاس طيـنـي
مـاش ويـن الـلـي عـوايـده الجمـالـة><مثـل ابـن ظافـر حـمـد ليـتـه يجيـنـي
الثـنـا والـجــود دايـــم فـــي خـيـالـه><عـلـمـه ظـافــر ســلــوم الطيـبـيـنـي
جــــوّد الـعـلـيـا ولـزمّـهــا عـيــالــه><وأدركـوا مــن علمـتـه دنـيـا وديـنـي
واهني من بـاع حظـه واشتـرى لـه><وسار في درب النبي وأخزى اللعيني
مـوقـفـه مـــا كــــل رجــــال يـنـالــه><مــن بـغـى ممـشـاه يـقـعـد مرتـيـنـي
كـم ذبـح مـن حايـلٍ مــن حــر مـالـه><وعـادتـه لطـمـة خـشــوم العايلـيـنـي
والشاعر / راشد بن الذيب رحمه الله وأسكنه فسيح جناته هو والد الشاعر المعروف حاليأ / محمد بن الذيب . منقول ياعساكم سالمين