حنا حمادينٍ لنا فعولٍ تشيب= تودع صليب الراس ياقف ويفها

[غريب الدار]

اخواني اعضاء هذا الصرح الشامخ اهدي اليكم هذه المتواضعه
امل ان تحوز على بعض الاستحسان منكم


في هاجسي عديت روس المراقيب=واتعبت رجلى بالطريـق لهدفهـا
واخذت لى ساعه تمعن وترتيـب=انقى ثمـار القيـل قبـل اقتطفهـا
من شان ماتلقى عليـه مقاضيـب=في كلمة يفرح بهـا مـن خطفهـا
واظهرت ماكنيت بيـن المحاديـب=مثل الذهب صرافها وإن صرفهـا
وابديت فعل مكمليـن المواجيـب=اللابه اللـى عزهـا مـن سلفهـا
افخر بهم بين العرب والاجانيـب=ربعي لهم فعـل ينومـس خلفهـا
ربعي حمادينٍ لهم ماكـر الطيـب=عزوه لهـا واقـع وكـلٍ عرفهـا
ريف الضعيَف عن سموم اللواهيب=وعز الرفيق ومن نزل في طرفها
ملجى الدخيل اللى وراه المطاليب=يرتـاح بالـه والهمـوم يحذفهـا
وحنا لصكـات الليالـى معازيـب=لاكبـرت القالـه حدينـا نسفهـا
سقم العدا ماهى حجايـا وتكذيـب=كم روس قومٍ مـن يدينـا تلفهـا
لاجيت تاصف رجلهم كنه الذيـب=له هيبةٍ في ماقفـه مـن صلفهـا
ومن حقى افخر بالجماعه بلا ريب=درعي وتاج الراس هاذى وصفها
ولااقول باق الناس فيها عذاريـب=نفس على ذم البشر مـا عسفهـا
كل القبايل توفى الكيـل والطيـب=نعـمٍ بهـم وذنوبهـم ماقترفـهـا
وفي واجب ربوعي كتبت المكاتيب=ونفس عـن العربـان مالله كلفهـا


وسلامكتم

[الدويله]

غريب الدار

بيض الله وجهك على هالقصيده الطيبه

ننتظر جديدك

[غريب الدار]

الاخ الدويله
ووجهك ابيض
بارك الله فيك وهذا اقل مانقدم للقبيله
ابشر فلن نبخل بمانستطيع
شطرا لك مره اخرا
اخوك
غريب الدار

[اهـــــم واحد]

هلا وغلا اخوي غريب الدار

صح لسانك وقصيدة في قمة الروعه...

نتمنى مزيد وعدم البخل علينا ....


وتقبل احترااااااااااااااااااااااااامي وتقديررررررررررررررررررررري

[غريب الدار]

هلا اخوي اهم واحد
صح بدنك وشكرا لمرورك الكريم
والاطراء الجميل
وطلبك على العين والراس
الجديد سوف يكون هنا باذن الله
مشكووووور على المرور الكريييييييييم
دمت بخير

[الدويله]

غريب الدار

اخوي تراي منت عليك شوي وعدلت بالقصيده

خخخخخخخخخخخخخخخخخخخخخخخخخخخ

من اللي يقدريعدل قصيدة شاعر بحجمك

لكن اللي صار لقيت أخطاء مطبعيه وتم تعديلها

اكرر شكري وتقديري

ننتظر المزيد

[admin]

يادليم قله هلا




هههههههههههههه

تراي امزح


صح لسانك ياحميداني

اشهد بالله انها جزله

[غريب الدار]

«®°·.¸.•°°·.¸¸.•°°·.¸.•°®»هلا والله وغلا بخي الدويله
ماقصرت وبيض الله وجهك
واشكر لك اهتمامك
على كيفك والضاهر تبى تبقى وراي وتعدل على طول لان الاخطاء الاملائيه
بالكيلو
((عطيتك وجه ))
ههههههه
تمون يالدويله
نحن مكملين لبعض والهدف واحد
دمت بخير
واشكرك جزيل الشكر
غريب الدار«®°·.¸.•°°·.¸¸.•°°·.¸.•°®»

[غريب الدار]

هلا اخوي حميداني
القصيده( لي)
ولذلك اردت
ان اصحح المعلومه فقط
مشكور على المرور الكريم
دمت بخير

[Guest]

صـح لسـانك يا أخ غريـب الدار

توطيـن جيّـد لحروف القصيـد ، في قبيلـة تعتبـر موطن للعـزه والإباء

تقـبّـل مروري وتحيّـاتـــــي

[غريب الدار]

مشكور على المرو اخي guest
وعلى الاطراء الجميل
دمت بخير

[ابن نمش]

صـح لسـانك يا أخ غريـب الدار
وليش ماعلمتنا انك شاعر؟
قصيده ولا اروع

[غريب الدار]

مشكور ابن نمش
على المرور الكريم
ليش ماعلمتك
الجواب
هذه اول قصيده تنزل بالمنتدى يالغالي

بعد الافتتاح مباشره تم تنزيل القصيده
واعدك واعد الاخوان بان اي جديد سيكون هنا
مشكورررررر للابد
اخوك غريب الدار

[● جـوكـر ●]

اشكركـ على الموورضووع

صح لساانكـ ودااام اباااعكـ،،،

[حمدآآآآن الركن]

كفو والله وصح لسانك ولاهو غريب الجزل عليك ..وتقبل مروري .

[عبدالله الجارالله]

وبيض الله وجهك ياااا غريب الدار وماهي غريبه علي الحمادين

الله لا يهيينك يالغالي ....


تقبل احتراااامي ..

اخوك : ابــو فــهـــد

[( ابن ثعيل )]

صح لسانك وقصيده جزلـــــه ومن رجال جزل وشكرااا وتقبلوااا مروري

[صادق الود]

حزة عصير وقبل للشمس ماتغيب=واليا نظرت العين تاصل هدفها
رقيت روس النايفات المحاديب=واشقيت رجلي في مراقي شعفها
ومع هاجسي في عاليات المراقيب=تشوقني روابع مكتشفها
يا مرحبا يا مرتب القيل ترتيب =ترحيبة من صادق ماسفها
اللي بمدحه خص ربعه هلا الطيب=اللابه اللي نعتزي في شرفها
حريبهم تصلاه حام اللواهيب=عينه من الحره خصيمه عرفها
ودخيلهم يفرح بصاف المشاريب =يرقد بامان ولا احتسى من صلفها
ورجالهم يدرى هلا النقد والعيب =ماهو بمسطول عن العيب يفها
اهل الكرم واهل لصخى والمواجيب =لاكبرة القاله عليهم تلفها
هذا الفخر لامن تفاخرت يالذيب =بتاريخ عربان تتالى سلفها
منهم قوي الباس عطب المضاريب =بحماه ترعى لاتحاظب طرفها
لادبرت قوم وقوم مقاضيب =يبن فعله فوق حمرا" عسفها
وفيهم كريم يسعدك بالتراحيب=ذبح الغوازي عادته ماحرفها
لاقلت في ماض الحمادين ماجيب=الاالصحيح من الصحيح اقتطفها
صدعان فج الريع للفطّر الشيب =يوم انثني مع شيخنا ماكسفها
يعل تفداهم وجيه مشاحيب=اللي على النمه حداد شلفها

["حميدانية"]

ومن حقى افخر بالجماعه بلا ريب
درعي وتاج الراس هاذى وصفها
ولااقول باق الناس فيها عذاريـب
نفس على ذم البشر مـا عسفهـا
كل القبايل توفى الكيـل والطيـب
نعـمٍ بهـم وذنوبهـم ماقترفـهـا
وفي واجب ربوعي كتبت المكاتيب
ونفس عـن العربـان مالله كلفهـا




صح لسانك ياولد الاجواد

[مجنون ابن مبرد]

سود اللّيالـي حدثهـا ماينسّينـيماني بتبعٍ حـدث ماضيـه ماهمّـه
ماني رديٍّ ولانـي مـن ردييّنـيوالطيب محدٍ قفـل بابـه ولا كمّـه
من روس ربعٍ مواقفهم تهقوينـيحبل المواريد مايقصر عن الجمّـه
أفخر بربعي ليـا قالـوا حمادينـييوم انّ ساس الردي يكره بني عمّه
اللّي غرس حبّهم طبعي وتكوينـيفرضٍ على الروح مثل الدين والذمّه
فكري على المنهج الطّيب مقدّينـييوم ان خطوا الولد يتبع وصاة امّه
المشتبه ما يجي دينه علـى دينـيساس الردي والبخيل وناقل النمّـه

[غريب الدار]

الاخوان
حمدان الركن
عبدالله جارالله
ابن ثعيل
صحت ابدانكم جميعاً
وشكراً لكم على المرور الكريم
دمتم سالمين

[غريب الدار]

صادق الود
اولاًصح لسانك على المجاراه الرائعه جداً
ثانياً
اشكر لك مرورك ومجاراتك
وفقك الله

[غريب الدار]

مجنون ابن مبرد
صح لسان الشاعر فلاح ابن مبرد

[ابوفيصل!!]

صح لسانك
ولا هنت

[( ابن ثعيل )]

صح لساانك
ولاهنت,,,,,,,,,,,,,,,,,,,
وشكراا وتقبلوااا مـــــــــــــروري

[حمود العرافي]

غريب الداار


بض الله وجهك على القصيده


ماقصرت يالغلا