حب الوطن في داخلي ماله حدود

[سعد الشقحاء]

بمناسبة اليوم الوطني ابارك لقيادتنا ولشعب السعودي بهذا اليوم وجعله يوم
خير ويعود علينا سنينن عديده ومملكتنا تنعم بالامن والامان امين يارب العالمين


حب الوطن في داخلي ماله حـــــــدود= حبن على الفطرة نورثه الأجيال
يبقى معي ما دمت حين وموجـــــــود= وفديه في روحي وورث له أرجال
واليوم يومك يالوطن جعله يعـــــــود=بالخير ويحرسك من شرور الأنذال
يا موطنن بالخير والدين مشهــــــود=يا مهبط الإسلام يا دار الإبـــــــطال
اللي بناها معزي العز والجـــــــــــود=أسس لها حكمن على الشرع مازال
ومن يومها والشعب في ظل السعـود=ينعم بأمن وخير في كل الأحـــــــوال
وحنا لبو متعب مطيعين وجنــــــــود=الحاكم اللي للصعيــــــــــبات حـــلال
ولاء على الطاعه بلاء شرط وقيـود=ما هو ولاء من ينقض العهد محــتال
وصات شيبانن لنا أبوان وجـــــــدود=اللي وفوا بالعهد ماضين الأفعــــــال
وقفوا مع الحاكم له الدروع وعضود=فرسان ما يشكون من ضيم الأهـوال
تاريخهم يعرف ولا عنه منشـــــــود=لكن في يوم الوطن حق ينقــــــــــال
واليوم ساعة حمد وسهود ومهـود=ويبقى الوطن أغلى من الحال والمــال
أقولها والفكر ينشدني الـــــــــزود=والعذر وان قصرت في بدع الامثال

من شعري