يــاويـل قلبـي وبـري حـالـي يالميس

[مدالله القصيم]

لميس



التي اصبحت حديث المجالس وكانه لم يخلق مثلها في البلاد .



ربمى طابع الرومنسيه المكثف في المسلسل جعلها جميلة إلى هذا الحد لفتقارنا كـ مجتمعات خليجيه


هذا الشيء واصبحت بالفعل جميله بكل ماتعنيه الكلمه .


(دور الشعراء )

هو مواكبة كل حدث لما يرغبه المشاهد/ :-



ماعاد فينا حيـل ضحـك وناسـه=راحــت وناســتنا على كــف عتريـــس
كلٍ علـى التلفـاز ويحـك راسـه=يرسم عــلــى لميــس بعض الهواجيس
الشعب كله عايـشٍ فـي تعاسـه=فكوا لها قـفــل الضلـــوع المحابيــــس
شعب الخليج اليوم زايـد حماسـه=يبـــي منـــاخ ديــارهـــم والتضــاريــس
راحوا لهم سياح مـدري عساسـه=اوصلــوا على سطنبول قبل الغطاليس
كلٍ لبسله لبـس ماهـو مقاسـه=عاروسـة الغفــله تبــا اليــوم عريـــس
غروٍ زها بالزين والزيـن حاسـه=خلا بنــات النـــاس مثـــل الجــوامــيــــس
همي سطا بالقلب من قـو باسـه=من اللي هدبها وسط قلبي مغاريس
يطرق بها الخفاق ووحي حساسـه=استغفر الله واتعــــوذ مـــن ابـليـس
مابيـن واقعنـا وبيـن التعاسـه=رحنـــا ضحـــايــا فــلـــم يحيــــى ولميـس





انا صراحة سويت القصيدة قبل لا انام ولكني لا اعرف الشعر بس قلت هلبنت اللي مطيرينها بالعجه ابا اقولبهم قصيده تفهمهم

تحياتي

مدالله القصيــــــــــــــــم

[ابونادر]

والله ياخي مدالله من راح ضحية على شان لميس واشكالها قلعته

وصح لسانك على هالقصيدة الجزلة والمعبرة لاهنت


تقبل جل احترامي


..

[غنام العرافه]

مدالله القصيم


صح لسانك وتسلم أبدعت ودمت وبيض الله وجهك ، تقبل مروري وودي .