مسابقة اشواق وعشاق

[الرمز]

اعزائي الاعضاء ....


تتفاوت درجة الشعور بين هذا وذاك


وقد يتعاطى شخص ما مع مشكلته بهدوء

عكس اخر يتعاطى معها بحده ومعاناه شديده

وقبل اعوام طرحت بيتين كمسابقه في مجلة مراة الامه

وقد تقدم كثر في ميدان الشعر للبوح بمشاعرهم واحاسيسهم

واليكم بعض هؤلاء وابياتهم الجميله التي اوجدت لدي صدى

اجمل .



ابيات المسابقه:



صد وتبسم وارتعش متلف الروح=الله واكبر كيف نقض جروحي
يكفي كفايه ماجرالي من جروح=جرح المقابل عانقه جرح روحي


1_الشاعر منوخ بن نادر الحميداني


هو الفائز الاول عن ابياته التاليه/




صد وتبسم وارتعش متلف الروح =الله واكبر كيف نقض جروحي
يكفي كفايه ماجرالي من جروح =جرح المقابل عانقه جرح روحي
ليت المقابل ما حداني على البوح=قبله وانا مرتاح بال وسموحي
حتى تبين من تحديه منضوح=وسائل التاثير زادت وضوحي
الغيم ما يحجب سناء واهج الضوح=والعين عن سر الدوافع تبوحي
خل الهدب يرقص على الخد مسموح =رقص الفتاة اللي بالا شقر تموحي
يامن جماله لو يغطيه مفضوح=مثل الزهر نفحه عبيره تفوحي
لاتغري العاشق بالاحلام وتروح =يطرد ورى حلم سرابه يلوحي
لا صار مالك من تحديه مصلوح =ادخل على الله من دعاه الشفوحي
مدك وجزرك واهتزازي على اللوح =عاق اندفاعي ما تحقق طموحي
اغرقتني بالموج غرقة ولد نوح=وليما دعيتك للفرج قلت موحي
مدري على اي اساس يامتلف الروح =تقتل وتمشي بالجنازه تنوحي






2_الشاعره جهير محمد الفقير


الفائزه الثانيه عن ابياتها /


صد وتبسم وارتعش متلف الروح=الله واكبر كيف نقض جروحي
يكفي كفايه ماجرالي من جروح=جرح المقابل عانقه جرح روحي
قفى وانا بالحيل شفق ومشفوح=ولمشاهد المجمول قلبي طموحي
وامسيت دمعي فوق الاوجان مسفوح=وعما نوت نفسي تردت شبوحي
وجاوبت عقبه لاعي الورق بالبوح=وفارقت منفرقاه دنيا الفروحي
عز الله اني منه ما شفت مصلوح=وافلست من خلي وخسرت ربوحي
الله على قدام ما روحي تروح=ما عاش لحظات بقرب المزوحي
خل يباري ناظري وين ماروح=وصوره خياله لي غبوق وصبوحي
امتع عيونا تخاوت مع النوح=تسهر ليا نامت عيون السدوحي
وان مت باسبابه ترى الزين مبيوح=دخيلكم ياكاسبين المدوحي
لا تاخذون الثار من متلف الروح=ولا تنشدونه كيف نقض جروحي



3_الشاعره الكويتيه(الوائليه)

كانت مبدعه بهذه الابيات /


صد وتبسم وارتعش متلف الروح=الله واكبر كيف نقض جروحي
يكفي كفايه ماجرالي من جروح=جرح المقابل عانقه جرح روحي
عليك اجاوب بالخفاء نايح الدوح=والدمع من عيني يهل ويفوحي
ارفق ترفق يابعد كل مملوح=وسهم النواظر من عيونك ذبوحي
اخفي غرامي دايم الدوم مابوح=خوفي من الحساد تدري وتوحي
بس اترجى من حفظ بالبحر نوح=ورغم الجفاء والصد قلبي نصوحي
قلبي لعهد الحب لا زال مفتوح=خفف عذابي يالحبيب المزوحي
صورة خيالك بالنظر وين ماروح=ورغم البطاء والبعد عيت تروحي
اكتم شقى قلبي عن عيون مشفوح=من خوف سري بالبرايا يبوحي




4_الشاعره امال عبد العظيم علام


شاعره سعوديه كانت متالقه بهذه الابيات


صد وتبسم وارتعش متلف الروح=الله واكبر كيف نقض جروحي
يكفي كفايه ماجرالي من جروح=جرح المقابل عانقه جرح روحي
مسموح يا جارح محبك مسموح=وانا بحبك ماسمع ولا اوحي
ماسمع كلام مالنا فيه مصلوح=وارفع عن العذال دايم شبوحي
نسمع ونغضي عن حكي كل مشفوح=ولا يصيبني يا كود مكتوب لوحي
ترى الهوى ماهوب تلاعيب ومزوح=لوعة شقى واجروح قلب نصوحي
عندي خيالك وين يازين ماروح=عندي خيالك حاضر ما يروحي5



5_الشاعر ابو عيسى مساعد الشمراني

حيث برزت معاناته فيما يلي/



صدوتبسم وارتعش متلف الروح =الله واكبر كيف نقض جروحي
يكفي كفايه ماجرالي من جروح=جرح المقابل عانقه جرح روحي
هلت دموع العين واغنت عن البوح=واتناثرت من فوق خدي سفوحي
الله حسيبه مارحم قلب مجروح=حسبي عليه الله دايم شحوحي
يفرح وويمرح يوم انا دايم انوح=يقضي نهاره بالدلع والمزوحي
ومهما حصل ياناس مسموح مسموح=لاني احبه دوم طبعي سموحي
وان صك قلبه قلبي اليوم مفتوح=واقول احبه ليت للهرج يوحي
ليته درى بلي على الجمر مطروح=ليته درى بلي من اجله ينوحي
وياليت كثر النوح يشفي لي اجروح= والله لابكي لين تشفى جروحي


الله عليك يا ابو نادر صح لسانك مليون ومبرووك عليك الجائزه


اعزائي /


القصائد كثيره ولكنني اخترت منها ماسبق
اتمنى الا اكون ثقيل الظل عليكم
والان اليكم صدى هذه المسابقه علي شخصيا
حيث جادت مشاعري بما يلي .......




صد وتبسم وارتعش متلف الروح=الله واكبر كيف نقض جروحي
يكفي كفايه ماجرالي من جروح=جرح المقابل عانقه جرح روحي
قضيت ليلي بين ونات ونوح=وبين الشعر والدمع هيضت بوحي
غالي ومهما صار بي منه مسموح=حبه شفع له والدلع والمزوحي
حبيب عمري باني بداخلي صروح=وعلا مباني الود يومه دموحي
انا لوصله دايم الدوم مشفوح=ماامل من شوفه ولا اطلب نزوحي
يا عاذلي عن منيتي وين باروح=لا صار عايش بين دمعي ونوحي




هذا ولكم مني كل الحب




الرمز

[غنام العرافه]

الرمز

الف شكر لك على هالنقل يعطيك ربي العافيه ، والف مبروك لابــــــونادر حصوله على المركز الاول وكفو ا ويستاهلها وهو راعيها


لاتغري العاشق بالاحـلام وتـروح = يطرد ورى حلـم سرابـه يلوحـي
لا صار مالك من تحديـه مصلـوح = ادخل على الله من دعاه الشفوحـي
مدك وجزرك واهتزازي على اللوح =عاق اندفاعي مـا تحقـق طموحـي
اغرقتني بالموج غرقة ولـد نـوح =وليما دعيتك للفـرج قلـت موحـي

[( ابن ثعيل )]

يعطيكــــــ الف عافيه عـــــــ النقل ويستاهل ابوو نادر والف مبرووكـــــــ

[المخرج]

الرمز شكراً لك الف شكر على هذا نقل المتميز

وألف ألف مبرووووك يابو نادر مبدع متألق كما هو صح للسانك

[ابونادر]

كل الشكر لك اخي الرمز وماعليك زوود الله يسلمك

ذكرتني بهذه المسابقة الجميلة واحداثها

تحياااتي





..

[غروك عذالي؟]

وألف ألف مبرووووك يابو نادر مبدع متألق كما هو صح للسانك

[الرواح]

تسلم الايدي