صحن بن قويعانالمطيري

[عزيز النفس]

ياهل الوانيت اللي تبون المضاهير"="ان كانكم عجلين مرو عليه
ياحبني لمدورين المشاوير"="خصنبه اللي يركبون امعفيه
خلوه يسرح يالوجيه المسافير"="يمه مغيب سهيل وايمن شويه
جمسٍ يثور بالدبادب معاصير"="ويله يشق القاع لو هي قويه
يبعد هموم مقزر الليل تقزير"="اسهر وانا مااونس بعمري شكيه
لوان ماجاني من الدار تقصير"=" قلبي يحب البر وأغلى نديه
اهل بيوتٍ يتعبون المداوير"="يضويلهم مع كل فجٍ رعيه
يازين لجتهم ليا غرد الطير"="كلاَ يبا المغباش يسبق خويه
مضمين والبارح اغشان وشخاتير"="وهجو على نقع الصفاء والحجيه
ياكثر انا ستهم اليا جم مصادير"="كل روى ذوده وملا رويه
وصكم ابيتٍ مدهلن للمساير"="يصبح عليه الصبح والنار حيه
عسا مراويح السحاب المذاكير"="تزي وطنهم كل صبح وعشيه
لين يتساوى قشعها والنواوير"="وتصير مثل سنينها الاوليه
ماوسطها كود اشقح الريم وامطير"="ماطبها الشاوي مربي طليه
يرعونها بمراوزات المقاهير"="وحدودها من كل صوب محميه
من دونها جماعه الشر والخير"="على جميع الناس عسرٍ مجيه
واليوم فيها مثل وردٍ على بير"="تلقابها من كل سبع اللغيه
اقولها عن ضيقت الصدر تعبير"="والا الدهر مادبرته في يديه
العبد ماعنده لدنياه تدبير"="ماعنده الا مايدبر وليه
الشاعر الكبير صحن بن قويعان
الشاعر: صحن بن قويعان [/poem][/color][/size][/poem]
تنويه===تم نقل القصيدة من قسم شعراء الحمادين (بواسطة غروك عذالي)
الى قسم الشعر العام

[لامبارد]

صــــح لـــســـان شـــاعـــرهــا...



ولاهـــنت ع النـــقــل...



دمـــت بـــوووود...

[عزيز النفس]

لامبارد يسعدني مرورك

وماقصرت ياالغالي تحياتي

[جدتهم ومنقدتهم]

صح لسان الشاعر


وسلمت يداك على الاختيار ياعزيز النفس


قصيدة رائعة لشااعر فذ ,,

[( ابن ثعيل )]

صـــــــــح لسان شاعرها ولاهنت عــــــ النقل #####وتقبلوووا مــــروري@@@

[منقوز جرره]

عسا مراويح السحـاب المذاكيـر""تزي وطنهم كل صبـح وعشيـه
لين يتساوى قشعهـا والنواويـر""وتصير مثـل سنينهـا الاوليـه



صح لسان ابن قويعان ...


وتسلم يدك ياعزيز النفس على الأختيار الموفق .......... تقبل مروري

[غنام العرافه]

عزيز النفس

تسلم ويعافيك ربي على هالنقل الاكثر من رائع ،،وصح لسان الشاعر /صحن بن قويعان المطيري ، تقبل مروري وفائق احترااامي لشخصك الراقي ..

[عزيز النفس]

من طول الغيبات جاب الغنايم

هلا وغلا في جدتهم يسعدني مرورك

دمتي ودام بداعك ياعزيزتي

تقبلي ودي واجل احترامي

[عزيز النفس]

ياهلا وغلا في منقوز جره

يسعدني مرورك ياالغالي

ولك اجل ا حترامي

[عزيز النفس]

اخي العزيز وزميلي في الشعر

غنام العرافه ياهلا وغلا يسعدني

مرورك ياالغالي ولك ودي وتقديري

[عزيز النفس]

الحميداني المميز

العتب على النظر ياالغالي

اشكر على مرورك ولك تحياتي

[محتار والله]

اقولها عن ضيقت الصدر تعبيـر "" والا الدهر مادبرتـه فـي يديـه

الله يرحم ابن قويعان ويسكنه فسيح جناته


مشكورر عزيز نفس والله لايهينك



تقبل مروري محتار والله

[ضياء الفيض]

اعذرني اخوي على التأخير والله ويعلم الله اني ودي اكون اول واحد يرد على الموضوع

[مستــأإنسيـــن]

صح لسان الشاعر

ومشكور على النقل ياعزيز

تحياتي لكـ يالغالي