ربيع القلب بعده وفرقاه

[(بنت الذيب)]

السلام عليكم ورحمة الله وبركاته
كيف الحال ان شالله بخير اخواني
هذي اول مشاركه لي في المنتدى
واتمنى ان تعجبكم
قصيده لشاعر جزاء بن صالح الحربي




رفيقك اللي مايقدر مواقفك=ترى ربيع القلب بعده وفرقاه

لياصر لارجلن مقامه شرفك=ولاطيبن تقدر تحمل خطاياه

أحرص على فرقاه لومن طوايفك=لياصار ماتقوى على شيل عوجاه

لياصار دايم بالمواقف يخالفك=ويفرض عليك الراي من غير ترظاه

منت أولدله يستهينك ويعسفك=ولاوالدن ودك على مكسب أرضاه

ولولا لزومه بول العام عايفك=ولوشاف طيبك عقب يومين ينساه

وأن قلت له مخطي فظحك ابمعارفك=وليا تجاوزت الخطا عنه ماارظاه

وليا سكت وشمت يجرح عواطفك=وضحوك في وجهك وسودن خفاياه

وأن قمت مايسوى هبايب عواصفك=وإن شلتله عرقا على الكبد عرقاه

وان جيت له محتاج ماتقل يعرفك=ويعطيك مع بيض المعاذير علباه

لياصار عند اللازمه مايساعفك=وقت الرخا ماانته بعازت حماياه

لاتشتكي عنده يكبرسوالفك=فرقاه تغني عن مسرات جدواه

وحاذور عنه لايسود صحايفك=ولاتقربه مادام تعرف نواياه

وبعدك عنه في ديرتن مايشاوفك=أخيرمن قربه وشوفه ولاماه

وموتك بعزك جنتن ماتكلفك=ولاحاجتن عند المنون وترجاه

وموت الكرامه عن جنابه أتشرفك=ولامنته عسى نواعيه تنعاه

ومن يجهلك في منطق العرف ياصفك=وعرف الفتى تنبيك عنه مزاياه

وترى الرفيق اللي بهمك يناصفك=ويفزع ليا شاف الخلل فيك يرفاه

ودايم صدوق وبالحموه يلاطفك=ويقوم في واجبك من قبل تنخاه

رجلن على كل المواجيب عارفك=ودايم طوارق الشرف ساس ممشاه

وان حلت الرفقه يشيد أبوصايفك=ماكنك الا واحدن من دناياه

لياجا مجالك جاب عنك طرايفك=ولياذكرك بجملة الخير مبداه

[ابونادر]

صح لسان الشاعر الكبير جزاء صالح الحربي

قصيدة جزلة لشاعر جزل وكبير


تسلم يمينك يابنت الذيب على النقل

وحياك الله







تحياااتي

[(بنت الذيب)]

يامرحبا اخوي صح بدنك
تشرفت بمرورك

على راسي والله

[أمــيــر بــنــظــرتــي]

تسلم يمينك ع ما نقلت

ويا مرحبا فيك بمنتدى الحمادين

ننتظر مزيدك

تقبلي مروري