همي عزمني عند بيته ولا أثنيت.... حتى عزم روحه بروحه وجاني..

[قمـــــراي]

همي عزمني عند بيته ولا أثنيت
حتى عزم روحه بروحه وجاني..
قال السلام أسلام يا راعي البيت
ضيفن عزيز ومسكنه بالمحاني..
قلت السلامة منك يا هم يا ليت
أقلط وأنا ما أرد من كان عاني..
بأضحك وأنا ياهم فيني تناهيت
مادمت ضيفي كيف عندي تهاني..
لو ضقت في صدري ترى ما تشكيت
بأوسعه من شان تبني مباني..
وأن ضقت في جوفه وبالحر حسيت
أطلع على سطحه وغن الأغاني..
ياهم أنا لو جاني الضيف حييت
حييت به لو فيه ثأر لخواني..
واليوم دامك مع غروب الشفق جيت
بأحرق لك قليبي عسى النور باني..
وأفوح الدله ولا أحتاج كبريت
بأحطها من فوق صدري ثواني..
وأن فاحت الدله من الكيف صبيت
وأعطيك من فنجالها أول وثاني..
وأن كان ثالثها عطيتك وعييت
هذا مكانك يوم هذا مكاني..
لأقبلت أنا بأكرمك وأن كانك أقفيت
بادعي لك الله يحفظك ويحماني..
هذا بعد ما أخذت همي وفليت
شريط عمري من سنين الثماني..
حتى عيون الهم من همي أبكيت
وأن جف دمعه دمع عيني سواني..
فجأة دخل ضيفن جديدن وفزيت
سلم وأنا رديت له ما عطاني..
قلت أنت ويش أسمك وأنا راعي الصيت
ناصر حمود اللي بشعره معاني..
قال إيه أنا عارفك بالشعر عفريت
وترى بوجودي شعرك أن قلت زاني..
قلت أنا عارفك وأن كان ما أخطيت
أنت الحزن وأسباب صحت لساني..
قال إيه أنا حزنك وشارعك مريت
بغيت أزورك بس ما أحدن دعاني..
وحزت سمعت النجر يوم أنت دنيت
صوت النجر داعي لكل المكاني..
قلت أقلط وباخت لقى عمه أبخيت
وأصبحت أنا من بينهم ترجماني..
واليوم أنا خايف إذا من توفيت
أحدن على قبري والآخر وزاني..




وسلامت قلوبكم..

[ابونادر]

صح لسانك مليووووووون على هذه القصيدة الجزلة

لاهنت والله يعطيك العافية


احترااامي







..

[قمـــــراي]

احترامي لك يابو نادر وبيض الله وجهك
ويعطيك الف عافية

[معانق الريح]

يعطيك العافية اخوي قمراي على هالقصيدة.....

[مستــأإنسيـــن]

صح لسانك وتسلم أخوووي

تحياتي لك

تقبل فائق أحترامي

[قمـــــراي]

اشكركم معانق , مستانسيسن
غلى المرور الرائع .......