إن كان طيبي عيب ومشكلتي اوفيت؟

[عين القصيم]

يالليل ماذكر فـي حياتـي تمنيـت
,,,,, مثل ابتسامه تنتشل قلـب منصـاب

مليت ورب البيـت يالليـل مليـت
,,,,, من الجروح اللى تجيني بلا اسبـاب

تدري يالليل اني على الجرح غنيت
,,,,,, غنيت دمعه والصدى ضم الاهـداب
تبي الحقيقه والصراحـه ترجيـت
,,,,,,,, فرحه ولكن الزمـن بالعطـا خـاب

يالليل قلي بدنيتـي ويـش سويـت
,,,,,, حتى الهموم بداخلي تفتـح ابـواب

إن كان طيبي عيب ومشكلتي اوفيت
,,,,,,, اموت صادق وارفض اعيش كـذاب
طبعي كذا عـن ميزتـي ماتخليـت
,,,,,, عندي مبادي دونها ترخص ارقـاب

بينـي وبينـك ياكثـر ماتعنـيـت
,,,,,,, اركض بغرفه مغلقـه مالهـا بـاب

غرفه وراها فرحتي دونهـا جيـت
,,,,,,, اركانها عتمـه ولا حولـي احبـاب

كاس الفراق المـر منـه تقهويـت
,,,,,,, انا اشهد إن الشوق يالليـل غـلاب

يالليل انا لاشفـت ماعفـت قفيـت
,,,,,,, اقفي ولو خلفي كثيرين الاصحـاب

الا جروحي كـل مارحـت وقفيـت
,,,,,,,, جتني تحمل صدتـي لـوم وعتـاب

ماذكر ولو مـره بحياتـي تهنيـت
,,,,,,, اضحك كذا والصدق عن شفتي غاب

صارت دموعي ضيف وعيوني البيت
,,,,,, ودايم تشوف من المناديل ترحـاب

لاشفت شمس الصبح ليديك حنيـت
,,,,,,, في داخلك حبر القلم بالشقـى ذاب

اسريك بالحالي واذا رحـت ونيـت
,,,,,,, مابي تروح ودمعتي بيـن الاهـداب

أكتب شعوري في ظلامك على ايـت
,,,,,,,,, ونورك ختم قصة عذابي علـى اب

يالليـل قـل للصبـح انـي تمنيـت
,,,,,,, بس ابتسامه تنتشل قلـب منصـاب


تقبلو مني احترامي

[دلوعة زماني]

إن كان طيبي عيب ومشكلتي اوفيت
,,,,,,, اموت صادق وارفض اعيش كـذاب


صح لساانك لاهنت ..

ويعطيك االف عافيه

[غنام العرافه]

عين القصيم
ماذكر ولو مـره بحياتـي تهنيـت
,,,,,,, اضحك كذا والصدق عن شفتي غاب

صح لسانك وتسلم على هالقصيده الرايعه تقبل مروري ووفائق احتراااااااااامي .

[قمـــــراي]

][`-*¤!||!¤*-`][الشكرك اخوي عين القصيم
وصح لسانك ويعطيك الف عافية][`-*¤!||!¤*-`][

[عين القصيم]

منورين المتصفح

شكراااا على المرور العطر

[مستــأإنسيـــن]

صح لسانك أخوووي

مبدع ولاهنت

تحياتي لـكـ

تقبل فائق أحترامي