قصيدة اعجبتني

[ابونادر]

قصيدة اعجبتني من روائع الشاعر المبدع /متعب التركي


واحببت ان تشاركوني هذا الاعجاب


قالوا حبيبك يسمع الشعر قلـت إيـه=يقـراه بعيونـي قـبـل تسمعـونـه
لولاه حتـى طـاري الشعـر مابيـه=ميراكتبه من شـان خاطـر عيونـه
هو روح شعري وامنياتـه وماضيـه=جذع الشجر وش كان لولا اغصونـه
اكتب لغيـره والقصايـد تجـي فيـه=كـن القصايـد حالـفـه ماتخـونـه
هذاك لامنـه زعـل قمـت اهاديـه=حتى وهو مخطـي تعـذرت دونـه
يمكن لوانـه يلمـس الجـرح بيديـه=يستغرب ان اللـي لمسهـا طعونـه
ابطى وهو غايـب وزلـت حراويـه=وأنـا مـن العـام اتحـرى مزونـه
هومادرى اني فـي غيابـه محاتيـه=ليته نشّدعـن حالـي اللـي يجونـه
وقلبي اللـي تـوه افلـت عراويـه=كيف انسرق وضلوع صدري حصونه
عجـزت ارده كـن مانـي براعيـه=يوم انتثر شوقه وهاضـت اشجونـه
يبسن عروقـه لكـن اللـي يعزيـه=ان اكثـر العالـم تــردد لحـونـه
خافـوا مـن الله لاتجيبـون طاريـه=لاصـرت انـا موجـود لاتذكرونـه
لـو كـل غالـي جابـه الله لغاليـه=ماشفت لك مخلـوق تبكـي عيونـه





..

[الغنــاوي]

خافوا من الله لاتجيبون طاريه = لاصرت انا موجود لاتذكرونه
لو كل غالي رده الله... لغاليه = ماشفت لك مخلوق تبكي عيونه



من اروع قصايد متعب التركي الله يثبته على الهدايه...ويعطيك العافيه يابونادر ع النقل...


تحيااااااااتي

[معانق الريح]

يعطيك العافية على النقل يابو نادر ....قصيدة رائعة...

[غنام العرافه]

أبــــونــــــــــادر


لولاه حتى طاري الشعر مابيه =ميراكتبه من شان خاطر عيونه
هو روح شعري وامنياته وماضيه =جذع الشجر وش كان لولا اغصونه

منقول واختيار في قمة الروعه ،وتسلم والله يعافيك ، وصح لسان الشاعر / متعب التركي ، تقبل مروري وووووودي .

[نوووورة]

صح لسانك ذووق