والله ان فرقاك مقسوم..

[نوووورة]

فوع قلبي لا انتحى الفكـر .. والمكنـون طـاش
وازدحم صدري مـن الغيـض .. والخافـي دفيـن

وابتدى ليلٍ ورى العـوج .. ينـدب كـل جـاش
والنتايج (ملحمة حـزن) .. فـي صـدر الحزيـن

وين اقفي ؟ من قضيـب المواجـع .. لا أستعـاش
قلب مـن صبـره تغلّـب علـى عـوج السنيـن

ايتناوشنـي طموحـي .. وحلـمـي مايـنـاش
وين أنا .. والحلم .. والليل .. والأيام .. وين!

هي كذا الأيـام ؟ تاخـذ .. ولا تعطـي بـلاش
من ترجـى مدّهـا؟ .. جعـل حالـه مايزيـن !!

كل شيٍ هان!! .. كون أنـت ياصبـح النشـاش
أستصيغـك .. وأستلـذ بشـذى هبّـك ياليـن:

(يجذب أفوادي على الوجد .. واظلوعي هشـاش)
مثل ماتجذب علـى الصـوت .. وردات القطيـن

وجد حالي مـن فراقـك .. يابـو وجـهٍ بشـاش
وجد من كفّه سخيّـه .. ومـدّ الوقـت شيـن!!

الحصيـل أشـوّي .. والديـن عرضـه الهـلاش
والمعـاش أمقسمّـه بيـن حيـن ؟ وبيـن حـيـن

راح نصفه قسط ! .. والنصـف الأخـر مابقـاش
بين بيت .. وبين بـزرٍ .. وضيـف .. ومستعيـن

مايحـسّـب للخسـايـر .. ولايـغـويـه لاش
قـانــعٍ .. والـحـمـد لله رب العـالـمـيـن

وياوجـودي كـلّ مافـرّع الطـاري وشــاش
وغيّبت نفسـي .. معـا خلـوّة الذكـر الحسيـن

ساعةٍ كسر الخواطـر .. مثـل كسـر الغـراش!
أنكسـر قلبـي !! .. وعينـي عبايـرهـا تبـيـن

والله إنّ فرقـاك .. مقسـوم .. والمقسـوم مـاش
ناتجّه : (حزن .. وتوّجاد .. وأفـراق .. وحنيـن)

أنت مقفي !! .. بس لا أقفيـت ياجـود الرشـاش
لاتخلينـي !! .. ترانـي علـى وصلـك يقـيـن؟

حالفٍ مـا أنسـاك ؟ يامـروي العـوج العطـاش
دام لـي عيـنٍ تقـديّ .. ولـي عقـلٍ رزيــن

[معانق الريح]

صح لسان الشاعر ويعطيك الف عافيه اختي نوره على القصيده الجميله
تقبلي مروري ,,,

[نوووورة]

مشكوووووووور

[ابونادر]

صح لسان الشاعر على القصيدة

وتسلم يمين الناقل



كل الشكر


..

[نوووورة]

مشكور ابونادر

[ضياء الفيض]

قصيده جيده ومن قلم مبدعه


(يجذب أفوادي على الوجد .. واظلوعي هشـاش)
مثل ماتجذب علـى الصـوت .. وردات القطيـن

[نوووورة]

ضياااء منور

[غروب الضل]

مشكوووووووووووووره اختي

[نوووورة]

تشرفنااااا غروب

[الشيخه العراقيه]

نوره اختيار موفق

[نوووورة]

الشيخه العراقيه منوره