الاياويل من حده زمانه والمطر همال .

[معانق الريح]

الا ياويل من حـده زمانـه والمطـر همـال
يحسبه خير مير الخير ما وقّف علـى بابـه
زمانك لو صفالك لا تحسبـن الليـال طـوال
ركودن يسبق الحايه ويجرح صـدرك بنابـه
والا يالصاحب الوافي تعبت وشانت الاحـوال
صبرنا مثل صبر ايوب وليته ينفع اصحابـه
اساير وابتسم واضحك ولااترك للعدو مدخال
واقول الحال مستوره وربك حالـي ادرابـه
تقول الناس ياحظك وانا حملي يهـد اجبـال
صحيبي ويش ذنب اللي صدق مع ناس كذابه
لوان اللي صبر بينول من اول صاحبك قد نال
ولكن ريح هبت عكـس مالربـان يسعابـه
ثمان سنين وانا اشوف ظلك كنـه التمثـال
واصورها على بيت القصيده يـوم نسلابـه
على الشاطي بنيت بيوت ولكن كلها برمـال
وجاها موج متعـدي توقـع ويـش سوابـه
انشهد بانه اللي يدمره مافيـه طيبـة فـال
تهدم قصري المبنـي وموجـك والله اقدابـه
حسافه ياثمان(ن) كلها راحـت نكـادة بـال
ماغير الهم كوّع في خفوق وثبـت اطنابـه
تونس ياولد صاحبك خـش بعالـم الاثقـال
وشاف اللي عقب فعلك وشمر لـه وسمابـه
تبسم ياولد واحسب من هلال(ن) الين هـلال
يجيـك هلالـك اللـي تحتريـه ولاتهنابـه
موفق خير لاتنشد صحيبي كيف صار الحـال
توكل في طريقك يالشجـاع وظنـي تهابـه
قسـم بالله مـاودي اسلـم للعـدو مدخـال
اجامل وابتسم واضحك وحالي ربـك ادرابـه


الشاعر : فيصل حسن الجهني

[نوووورة]

صح لسانك


مشكوور

[ضياء الفيض]

مقصرت اخوي على البداع المتواصل وتقبل مروري وفائق احترامي لشخصك
يجيـك هلالـك اللـي تحتريـه ولاتهنابـه
موفق خير لاتنشد صحيبي كيف صار الحـال

[( ابن ثعيل )]

صح لسان يالغالي))))))))))

[معانق الريح]

مشكوره اختي نوره على المرور والرد ...

[معانق الريح]

يعطيك العافيه اخوي ضياء الفيض على المرور والرد .. وانت اخوي الحميداني المميز يعطيك العافيه على المرور والرد...
تحياتي ,,,,

[منابع الطيب]

صح لسانه وسلمت يمناك

تحياتي

[معانق الريح]

تسلم اخوي منابع الطيب الله يعطيك العافيه على المرور والرد
تحياتي ,,,