ألا ياوجودي ياعبيد على مافااااات

[ناشي الصخيني]

هذه القصيده موجهه الى الشاعر الخااال,,,,عبيد بن علي الحميداني
لعلها تنال أعجابكم وأستحسانكم




ألا ياوجدي ياعبيد على مافات=وجود الشجاع الي لياليه بهذلته
يبى الوقت الأول مير هيهات ياهيهات=زمانه لعبه والمقادير مشغلته
شجاع يفك الجمع ويصامخ الهيات=وسيف الوفا والطيب يمناه ناقلته
عقيد النشاما يوم الأكوان له وقفات=مع أهل المواقف تعرف القوم منزلته
يفك الجموع وضربته تبري العلات=لكن الليالي من ماهو فيه حولته
غدر به حقير" للردى فيه ماريات=إطعن بالمنام وطعنت الغدر شللته
يبى يقوم مير العلم ماهو على الهقوات=سطت به جروحه ياعبيد وعازلته
عن الناس صد وقام يضحك به الشمات=تقل مايمينه مع هل الطيب مهلته
يذوق الممات بداخله مير هو مامات=يقوم ويطيح وكبر الوقت مشكلته
يشوف النكد دايم وهو عالي الهامات=يجر الونين وعينه الدمع سيلته
صوابه عطيب وزايد الجرح بالمشكات=ولاله ربوع وكل الأصحاب مهملته
وأنا الحال مثله لي زمانين ود وهات=على الجادل الي صد من يوم دللته
عطيته خفوق" فيه حبا" حيا مامات=وعلى صادق الأحساس والحب عاملته
فديته بقلب" عاش من شانه المأسات=وأحاسيس شاعر بالمشاعر تمثلته
خياله بعيني مايفارق صدى النظرات=وبرقه يلوح وعين ناشي مخايلته
أحبه وحبه بالدقايق وبالساعات=يزود الغلا في كل لحظه تخيلته
حسين الطبوع أبو الدلع سيد الخفرات=مع الناس ماضني نحصل لشاكلته
أبو لبة" بيضا" كما شعة اللمبات=غلاه بضميري مايوفا بما قلته
نحت أسمه بقلبي وفرقاه زاد آهات=ذبحني ولا أدري وش سبايب مجاملته
يكسر مجاديف المحبين دون إثبات=وأنا لأجل عينه كل شي" تحملته
هجرني بعد ماأركى على القلب بالعرقات=ولا أدري ورى نفسه على البعد سولته
جداي أفرك الكفين وآجاذب الونات=على الي تواصيفه مع الملح كملته
أنا ويش أسوي ياعبيد بها الأوقات=لفاك الصخيني مالقى حل لأسئلته
يوم" لك مع الشعار صوله ولك جولات=وتعرف الهوى حيث أنت يالقرم عابلته
لفيناك نشكي من عنى الوقت اللوعات=ومثلك يابو محمد تشرف مساجلته

[ابونادر]

عاش من شافك يالصخيني


يعني انت ماتمر علينا غير على شان تنزيل قصيدة وتنحاش


شكرا على هذه القصيدة الجزلة الموجهه لشاعر كبير ومن عمالقة الشعراء


يتستاهل ابو محمد وانت الف صح لسانك ولاهنت ..






تحياتي


..

[نوووورة]

صح لسانك

ويستاهل والمقصود

[برق الوسم]

انا هاضني شعرٍقريته على الصفحات=بعد ماقريته هاض فكري وساجلته
توجد0وبعض الوجد هز الخفا بالذات=اسالبيب لاهل العشق للشوق حولته
وانا ياوجودي وجد ناشي على مافات=وجود الوحيد 0وبعض الاجواد جاملته
يشوفون في وجهه من الحزن والآهات=ونظرات بعض الناس بالحيل خجلته
يصد النظر من ماجراله مع الونات =بعد مافقد عزه والايام غربلته
بعدفقد اخوه النادر اللي على الشدات=بعد دارت الاحداث والقوم قابلته
رماه الشطير وطاح من راعي العادات=وسمع ونته ودموع عينه مبللته
جداه الونين وصفقة الكف والويلات=منامه قليل وكثر الاحلام زلزلته
على هجعة السالين زاد البكا صيحات= يطش الهدوم وحر فرقاه هابلته
سواتي سواته والسبب ناعم البسمات=غنوجٍ خجول هزت القلب واشغلته
تلاعب بقلبي واخلفت سرعة الدقات=وانا مع غلاها زايد الشوق طبلته
لياسلهمت بعيونها وارخت النظرات=اجي مستشيط وزايد الصبر مااحتلته
عليها وصوف الورد في حمرة الوجنات=جمال الطبيعه كل ماجات جملته
عليها وصوف الريم بالعنق واللفتات=وانا لونشدني واحدٍقلت جازلته
تكاشف ثغرهابالدجى يحرق اللمبات=على لمعته كن القمر فيه مشعلته
على ردفها شقر الجدايل تجي زافات=شعرها على شان الغنادير طولته
ولاقصت القصه ولاراسلت بالشات=ولاكل من يضحك من الناس غازلته
عفيفه نقيه ماتجي للعرب سلوات=على عز ابوها عزها اليوم عاملته
رفيعة مقام وطيب اهلها لها هقوات=تماري بنات الناس بالطيب مااجهلته
وانا كل ماهبت ذعاذيع الهوى نسمات=تحرك مشاعر خافقٍ قلت قفلته
امد النظر مع نسمة الشوق للوجهات=لعل النظر يصدف خيالٍ تخيلته
على صوبها ياسرع رجلي على السجات=وعلى غيرهاممشاي والله تثيقلته
اجامل كثير الناس وادراء من الشمات=كثير الكلام وسيرة الحب مزعلته
هذورٍكذوب وتافه الناس بالحجات=يذب الكلام ويحسب الشين مرجلته
مقاريد خلق الله لهم بالردى شارات=ولالي لزومٍ بالمهبل وعاقلته
أخفي غلاها واخفي الود بالضحكات=وانا في خفوقي لاهب الشوق شعللته
وانا مع قصيدك صغت بعض البيوت وجات=على الله يالصخيني بالاعجاب كللته
صحيح ان شعرك رونق الشعربالاثبات=يقولونه الجمهور من عقب لاقلته
تقبل تحيات الغلا بااسلم النيات=مفاهيم راع العرف بالود جدولته


برق الوسم

[شقران]

هلا ناشي وين الغيبات


بس غيباتك جايت الغنايم

وابو محمد قدها انشالله


بيض الله وجهك يابومحمد

[غروب الضل]

يوم" لك مع الشعار صوله ولك جـولات== وتعرف الهوى حيث أنت يالقرم عابلتـه



لفيناك نشكي من عنى الوقت اللوعـات ==ومثلك يابـو محمـد تشـرف مساجلتـه




صح لسانك ناشي


وهذا ابومحمد ماله جزي ونعلبو ا الي يلومك فيه يستاهل

[جدتهم ومنقدتهم]

ألا ياوجـدي ياعبيـد عـلـى مـافـات,,وجـود الشجـاع الـي لياليـه بهذلتـه
يبى الوقت الأول مير هيهات ياهيهـات,,زمانـه لعبـه والمقـاديـر مشغلـتـه
شجاع يفك الجمـع ويصامـخ الهيـات,,وسيـف الوفـا والطيـب يمنـاه ناقلتـه





ياسلم ياسلام


صادف مروري غيمه ممطره للصخيني:thumbs_up:


صح لسانك يابو محمد رااائع كالعاده ,,

[غني عن التعريف]

صح لسانك ياناشي شاعر متمكن تذهل قاري القصيده بقوة المعنى واتمنى ان اسمع القصيده التي القيتها في زواج محمد العليم بالحفر ان مكن ولك الشكر ما شاء الله عليك

[الـــمـــلـــكـــي]

صــح لــســانــك يــا نــاشــي ,, قــصـيــده فـي قـمـه الـروعــه ,,,

وصــح لــســانــك يــا بــرق الــوســم عــلـى الـمـجـاراه ,,, واللـــه أن كــلــكـم مــبـدعــيـن ,,,

تــحــيــاتــي لــكــمـ,,,,,

[برق الوسم]

بنتاجوووووووووووووووووووووووووون

تسلم يابعد راسي الابداع مرورك يالغلااا

وانا احد جمهور ناشي يعجبني شعره واسلوبه الراقي

الف شكر لك وووووودي برق الوسم

[الشيخه العراقيه]

صح اسانك اخي العزيز احترامي وتقديري الي عزيز النفس

[شقران]

مقاريد خلق الله تضرت على القمزات=وش قمز المقرود والناس عازلته

ان رد ابومحمد نبا نكثر الشرهات=ردودن عقب مسفوه ماهي مجملته

[برق الوسم]

على الهون ياعودن قضى العمر باالنمات=بعـد راح جيلـه وقفـة الحـر ذللتـه
يبا يخرب الموضوع ويطلسـم النيـات=خبيـث النوايـا عادتـه فيـه مشغلتـه
وابـو محمـد مايدانـي هـل الدقـات=ولاهو بورعن لك على الكيف لاارسلـه
وانا اشوف هالشايب سريعين على الدسعات=محاضر هل التحقيق بالقسم طملته
وانا بفتح الصفحه وابا انشر عنه نبذات=على شان يدرون العرب ويش منزلته

الاداره يابعدي الله يسلمكم قلتووا اذا خطاء هالشايب المنسم المنقرض راسلنا بشؤن الاعضاء0 قمز بنحري وراسلتكم بشؤن الاعضاء 00 وللحين لااحم ولادستور 00 اذا الدفاع حق مشروووع الله يسلمكم 00 وسوف نفتح محاضر الشرطه بالحلقات القادمه الى ذالك الموعد لكم ووودي برق الوسم

البنتاجون على شانك ياقلبي تركته هالمده للمعلوميه

[الجفووول]

صح لسانك ناشي وكلي شوق الي ردك ابومحمد

[لامبارد]

نــاشــي...


صــح لــســااااانكـ...


برق الوسم


صـح لسااااانكـ


وبيض الله وجيهكـمـ...


ننتظركـ يااابووو محمد...

[برق الوسم]

وجهك ابيض يابعد قلبي لامبارد

لاخلا ولاعدم لك ودي برق الوســــــــــــم

[ناشي الصخيني]

صح أبدانكم أخواني وأخواتي الي علقتم على القصيده
وصح لسانك أخوي برق على المجاراه الجزله والمعتاده وبيض الله وجهك وأخوي غني عن التعريف القصيده المطلوبه موجوده طال عمرك في همس القوافي

...بلشنا ياشقرااان
الى منا فضحناها فضيحتنا مع المطرااان....والى منا سترناها ركزت لي روس أذانيها

[القرناس]

ياسلام عليكم كلكم شاعر ومشاالله عليكم

هذا الشعر والا بلاش اناشي شاعركبير مبدع

وكذالك برق الوسم التمنا للجميع التوفيق

[الساااري]

http://alzezavon.jeeran.com/SahLsanek.gif

[الرحاااال]

يعطيك العافيه

[صادق الود]

...... ..

[عزيز النفس]

وأنا الحال مثله لي زمانيـن ود وهـاتعلى الجادل الي صد مـن يـوم دللتـه
عطيته خفوق" فيه حبـا" حيـا مامـاتوعلى صادق الأحساس والحب عاملتـه

صح السانك ياالبناخي على هذه القصيده الجزله وهذا شي ماهو غريب

على شاعر مبدع مثل ابومحمدوالمعذره ياالبناخي مارديت عليك حيث

انني مشغول هذه الايام والبركه بااللي جاروك ---------تقبل تحياتي

[ناشي الصخيني]

الساري والرحال
صحة أبدانكم ومشكورين على المرور

[ناشي الصخيني]

صاااادق الود
بيض الله وجهك على المجاراه الرائعه والله انك ماقصرت الله لايخليني منك

[ناشي الصخيني]

الخااال أبو محمد حياك الله وصح بدنك وشهاده أعتز فيها
مرورك يزيد القصيده جمالا

[صادق الود]

الايصخيني لاتوجد على مافات =زمانك قبول وماضي الوقت دللته
تصيح الضحى وتقول يالخال لك وقفات=وتمثل بزين القاف والزين كملته
تشبه بعود ماضي له من الحزات=عزوم جزوم حزت الضيق بهذلته
شجيع له يرد القول في حزت القالات=ليا منه تعلى فوقها بالذيل جللته
تعرفه من اركوبه لاركب والجمع خذوهات=تعاقب بالرماح وضوح الشمس ضللته
تمثلت مثله من هوى سيد الخفرات=جزاك بصدوده يوم صنته ودللته
عطيته خفوقك والغلا زود الماسات=صدوق المشاعر سقتها يوم عاملته
وتكسر مجاديفك على ساحله هيهات=عساه ايتفطن بك على زين جاملته
تسوق المشاعر سوق من ينطح الهيات=تعامل معه بالود والود ماحصلته
غزال لعوب قبل عرفك لعب بالشات=تحرك على شانه قلوب تحملته
يلد النظر بك ثم يبعد عن النظرات=يحجك بزين هروج وسلوم لاجادلته

[برق الوسم]

صادق الوود صح لسانك يالغلاااا


كفيت ووفيت يابعدهم قصيده رائعه وانت الاروووع

الف شكر لك وووودي برق الوسم

[برق الوسم]

لالالالالالالالالالا

مانعذرك ياابو محمد نبي شعرك العذب

مشتاقين لاتحرمنا روائعك ننتظر دمت بخير


برق الوســـــــــــــــــــــــــم