كل مانظرت بصورتك تدمع العين

[ابن على]

[كل مانظرت بصورتك تدمع العين



كل مانظرت بصورتك تدمع العيـن
واخاف يحجب دمعها شوف عينـي
وامسح بكمي دمعتي وانظرك زيـن
وارجع على ماكنت واصفق يدينـي
وينك عن عيون الشقاوي من سنين
يالعنبـو مجنـاك تـوك تجينـي
يامالكه ، نقوة صفـات المزاييـن
يامحركة عقـب الركـاده حنينـي
يامعيشه مغليـك عيشـة مجانيـن
بامرجعه عقلي على أجمل سنينـي
يا مفجرة في وسط جوفي براكيـن
يا مبيحه من دون غيـرك كنينـي
ياحارمتني نوم عينـي وبعديـن ؟
وش تاليتهـا طالبـك علميـنـي
الفت لجلك من قصيـدي دواويـن
خوفي من الله وعطفي ورحمينـي
العيد قرب يامنـى الـروح تكفيـن
وشلون ابفرح فيه لو مـا تجينـي

[ابونادر]

صح لسانك والله يعطيك العافية على القصيدة


تحيااااااتي


..

[معانق الريح]

صح لسانك وبيض الله وجهك اخوي

تقبل مروري وردي,,,,

[الـــمـــلـــكـــي]

قـصــيـده رآآئــعــه صــح لـســانـك يـا أبــن عــلـــي ,,,,

[الرواح]

يسموو ع القصييده الناايس

[( ابن ثعيل )]

(صـح لسانك والله يعطيك العافيه على القصيده))))