حـلـمـي ... للمبدع سعد الحريص

[سليل المجد]

الشاعر سعد الحريص شاعر من الدرجه الولى

قصيده رائعه ارجوا ان تحوز على رضاكم



هبت جنوب وطاح برد المكاتيب =ويا كثر ماهب الجنوب وذكـرته


يملا حضوري من حضوره وانا اغيب=وياما غيابي في غيابه حضرته


ان جامطر صارت له ضلوعي شعيب= وان راح ريح طير اللي بــذرته


جنبت لو مالي عن الدمع تجنيــب = من وين ماهاج بجروحي شعرته


طال السكوت ومالصمتي مطاليب = غير الكلام اللي وقف وانتظرت

صمتي اللي صار فعيونهم عيب = وجرحي اللي لو فضحني سترته

لي صاحب يملا كفوفه تراحيــب = لولا الحيا من ضحكته مااعتبرته


ويا صاحبي ماهي عليه مقاضيب =عذروبي انك ذخري اللي ذخرته


عذروبي انك شوهتك الاكاذيب = عذروبي انك جاك طيب ونكرته


ان جيتني بفراق زود العذاريب = لاجيك انا من زود صبر صبرتــه


للطير جنحان وريش ومخاليب = لكن يضيع صيدته في غبـرتـه


من جزم نفسي يوم صار الردي طيب.= حلمي قبل لايكسرونه كسرته


ومن راح مني قلت ياعله مصيب = دورت له عذر كريم وعـذرتـه


للي يبي بعدي انا ماني قريب =اما ربحني ولاانا مـاخسـرتـه


قلبي خويي ما لقلبي معـازيب = اللي حقرني من رداه احتقرته


رغم الجروح اللي بقلبي معاطيب =حبيت كفين الزمــان وشكــرته

[&طير حوران&]

السلام عليكم ورحمة الله وبركاته

أشكر الشاعر الكبير سعد الحريص


على هذه القصيده الجميله


وهي صراحه جميله ومعانيها اجمل


والسلام عليكم ورحمة الله وبركاته

[الغريب؟؟]

شكرا علي القصيده الجميله جداااااااااااااااااااااااااااااااااااااااااااااااا اااااااا
وماقصرتووووووووووووووو
والسلام ختام

[تاج الفخر]

خويـي مـا لقلبـي معازيـب
اللـي حقرنـي مـن رداه احتقرتـه


رغم الجروح اللي بقلبـي معاطيـب
حبيـت كفيـن الزمـان وشكـرتـه



الـــــــــلـــــــــه

سليل المجد قصيده من العيار الثقيل

رائعه جدا

صح لسانك ولسان سعد الحريص

ياليت تزودنا بقصائد هذا المبدع

لك مني جزيل الشكر

تاج الفخر

[شيخ الحمادين]

صح لسانك


وصح لسان الشاعر


اخووك
الـــحـــ شيخ ـــمـــاديـــن