عزيز النفس
21/12/2008 - December 21st, 10:46 PM
يالله يا المطلوب يا خير مطلوب=
=يا داير الأفلاك يا عالم الغيب
يا مرجع ٍ يوسف على أبوه يعقوب=
=عقب المغيبة والعنا والعواقيب
وفي قدرتك عافيت وشفيت لأيوب=
=يا خير من نرجيه واف المطاليب
تفرج لقلب ٍ كن يصلاه لاهوب=
=كنه يحاضي حاميات اللاواهيب
يدق به تسعه وتسعين دالوب=
=ويبست غصونه والضماير محاطيب
كنه يتله من عراويه كالوب=
=تشالعه بين الضماير كلاليب
أسباب وقت ٍ عن مجاريه مقلوب=
=افترت الأقدام قفو العراقيب
قام يتخطى بالقدم كل عرقوب=
=توقظو يا أهل القلوب المواريب
في وقتنا اللي خافض ٍ كل مجروب=
=وطوِّل هقاوي تاركين المواجيب
وقت ٍ به الأنذال تمشي على صوب=
=قام الثعل يشره على فرسة الذيب
وراع النميمة شفته اليوم مرغوب=
=يمشي بوجه ٍ طلق ما به عذاريب
اللي الزلات الأجاويد كاسوب=
=من المورشين ملاحقين المشاهيب
اليا حكالك قلت ما فيه عذروب=
=يرتب الكذبة على الكيف ترتيب
وإن قام من عندك كسب منك مكسوب=
=وداه للي جاب منه الأكاذيب
الله لا يثري ثرا كل لاسوب=
=يا رب سرِّبهم عن القاع تسريب
وصلاة ربي عد حرف ٍ بمكتوب=
=وعدادا ما سار القلم بالمكاتيب
على نبي ٍ عند الإسلام محبوب=
=نبينا اللي صانه الله من العيب
عبيدبن علي الحميداني
=يا داير الأفلاك يا عالم الغيب
يا مرجع ٍ يوسف على أبوه يعقوب=
=عقب المغيبة والعنا والعواقيب
وفي قدرتك عافيت وشفيت لأيوب=
=يا خير من نرجيه واف المطاليب
تفرج لقلب ٍ كن يصلاه لاهوب=
=كنه يحاضي حاميات اللاواهيب
يدق به تسعه وتسعين دالوب=
=ويبست غصونه والضماير محاطيب
كنه يتله من عراويه كالوب=
=تشالعه بين الضماير كلاليب
أسباب وقت ٍ عن مجاريه مقلوب=
=افترت الأقدام قفو العراقيب
قام يتخطى بالقدم كل عرقوب=
=توقظو يا أهل القلوب المواريب
في وقتنا اللي خافض ٍ كل مجروب=
=وطوِّل هقاوي تاركين المواجيب
وقت ٍ به الأنذال تمشي على صوب=
=قام الثعل يشره على فرسة الذيب
وراع النميمة شفته اليوم مرغوب=
=يمشي بوجه ٍ طلق ما به عذاريب
اللي الزلات الأجاويد كاسوب=
=من المورشين ملاحقين المشاهيب
اليا حكالك قلت ما فيه عذروب=
=يرتب الكذبة على الكيف ترتيب
وإن قام من عندك كسب منك مكسوب=
=وداه للي جاب منه الأكاذيب
الله لا يثري ثرا كل لاسوب=
=يا رب سرِّبهم عن القاع تسريب
وصلاة ربي عد حرف ٍ بمكتوب=
=وعدادا ما سار القلم بالمكاتيب
على نبي ٍ عند الإسلام محبوب=
=نبينا اللي صانه الله من العيب
عبيدبن علي الحميداني