مجاراة لقصيدة القرناس (معجزة الشعر)

[عقاب الخيل]

السلام عليكم ورحمة الله وبركاته

اعجبتني قصيدة الشاعر القرناس وجعلتني اسجل في هذا المنتدى واجاريها لروعتها رغم انه اخفى معناها ولكني اتوقع اني توصلت الى فك رموزها

وهذا نص قصيدة الشاعر القرناس ومن بعدها قصيدة المجاراة





إخواني وأخواتي الأعزاء

قو تأثير الحدث هيض شجوني = بالبيوت اللي زعل فكري بناها
شرد ٍ فيهن يضيعن الظنوني = يتعب الشعار فكرة محتواها
الثلاث الي يجرن اللحوني=يرفعن الصوت والوقت يحداها
الحدث من قوته يا وسع كوني = هز روحي وارجفت وابدت خفاها
منه لذات الكرى حارب عيوني = والعيون من السهر حمر فضاها
كل ما هلت هماليل المزوني = وامتلت منه الفياض وجف ماها
أرزمت مثل الخلوج من الغبوني = لين من سحب الحياء يصفي سماها
وينكم يا اهل الفخر ما تسمعوني = عقب ما مات الوفاء دنس حماها
إن فهمتم يا عسى ولا اعذروني = يخفي القرناس سره عن ما لاها




قصيدة المجاراة



شدني قاف على عذب اللحوني= تبهر السامع وتعجب من قراها
شاعر(ن) مبدع وقيفانه فنوني= بس معناها خفي هذا بلاها
والقصيدة لو تعد من العيوني= من عيون الشعر يضعفها خفاها
والثلاث اللي يجّرن الطعوني=قدسنا وكابل وبغداد معاها
ولا نلوم النوم لاعاف الجفوني= ولانلوم العين لامن هل ماها
شعبها يذبح ومن دون(ن) بدوني= وحذفة الحصاة ماتاخذ قضاها
مالهم قدره ولا ناصر وعوني= والعرب قامت بعد تقصر خطاها
الصهاينة الخنازير العفوني= والكلاب اللي بعد تنبح وراها
ليتنا والله نجيهم او يجوني= والله أن نشرب ونروى من دماها

[القرناس]

السلام عليكم ورحمة الله وبركاته

اعجبتني قصيدة الشاعر القرناس وجعلتني اسجل في هذا المنتدى واجاريها لروعتها رغم انه اخفى معناها ولكني اتوقع اني توصلت الى فك رموزها

وهذا نص قصيدة الشاعر القرناس ومن بعدها قصيدة المجاراة









قصيدة المجاراة



شدني قاف على عذب اللحوني= تبهر السامع وتعجب من قراها
شاعر(ن) مبدع وقيفانه فنوني= بس معناها خفي هذا بلاها
والقصيدة لو تعد من العيوني= من عيون الشعر يضعفها خفاها
والثلاث اللي يجّرن الطعوني=قدسنا وكابل وبغداد معاها
ولا نلوم النوم لاعاف الجفوني= ولانلوم العين لامن هل ماها
شعبها يذبح ومن دون(ن) بدوني= وحذفة الحصاة ماتاخذ قضاها
مالهم قدره ولا ناصر وعوني= والعرب قامت بعد تقصر خطاها
الصهاينة الخنازير العفوني= والكلاب اللي بعد تنبح وراها
ليتنا والله نجيهم او يجوني= والله أن نشرب ونروى من دماها




اهلا فيك ياخوي عقاب ونعم في موهبتك وقدرتك الشعرية
وقد اصبت الهدف ولي الشرف بردك ومجاراتك وحلك للغز وهذا دليل مقدرتك الشعرية واتمنالك التوفيق .



قلتها ياعقاب جعلك ماتهوني = يوم بعض الناس ينقصها ذكاها
خيرت الشعار فيها يبحلوني = كود من باع المعاني واشتراها
شاعرن يستخدم انواع الجنوني = والبيوت الكايده هو منتهاها
والقضية واضحة لو يسبحوني = بالبحور اللي هجوس الفكر داها
امة الاسلام تاريخ القروني = هم مصابيح الكواكب في سماها
يوم مقدمهم على العليا تموني = اخر ضعون السلف بردت خطاها
كل يوم وكل ساعة يذبحوني = الثعالب من مفاصلهم عشاها
وامة الاسلام من وسع الطعوني = ارذل انواع البشر تسلب نساها
ياعقاب المشكلة لويسمعوني = كلمتن مرت على المسلم قراها

[عزيز النفس]

صح السانك ياالقرناس على هذه القصايد الجزله والرايعه

وصح السان عقاب على رده الجزل والحقيقه كلكم مافيكم حيله

تقبلو اجل احترامي يا مبدعين

[ســــلــــطـــان زمــانـه]

صح لسان الشاعر وعلى قولت اخوي عزيز النفس

مافيكم حيله

لكم جل احترامي وتقديري

[ابونادر]

مثل ماقال اخونا عزيز النفس مافيكم حيلة

عقاب الخيل صح لسانك على المجاراة الرايعة وعلى حل اللغز الذي لم ننتبه له كلنا

وصح لسان الاخ القرناس شاعرنا الكبير و صاحب الابداع المتدفق


لاهنتو جميعا ولكم جزيل الشكر ،،


ابونادر




..

[صادق الود]

صح السانك ياعقاب الخيل ومافيك حيلك ذكاء متميز دام ابداعك

[عقاب الخيل]

الاخ القرناس


القوه الشعرية في قصيدة المجاراه جاءت لمجاراتها قصيده في غاية الروعه والحمد الله

على اصابة الهدف واشكرك على مشاعرك الطيبه في قصيدتك الثانيه واعدكم بقصيدة

خاصه في غزه .

ولك جل احترامي وتقديري

[عقاب الخيل]

عزيز النفس
سلطان زمانه
ابو نادر
صادق الود

شرقتوا متصفحي وما عليكم زود والله يعطيكم العافيه علي المشاعر الطيبه.

[جدتهم ومنقدتهم]

عقاب الخيل


صح لسانك وصح لسان الشاعر الواعد القرناس


قصائد قمة بالروعة والمقدره الشعرية ,,