عقاب الخيل ينخى صقر العروبه بقصيدة البيرق

[عقاب الخيل]

قهرني ماحصل في وسط غزه= ودريت ان العرب ماهم بعزه
الا يانعنبو عيش المذله =المسلم يذبح وحنا نخزه
لنا في كل صباح فجيعه= وحنا مابيدنا مانغزه
ومن يخبر ابو متعب بقولي=عسى لاسمعه البيرق يرزه
اله سطوه واله حشمه وشيمه= وله عند العرب قدر ومعزه
وله صوت(ن)ليا منه شهر به= يصيب الشرق ويا الغرب هزه
وله شعب(ن) يحبون المنايا= كما حب السبيل لمن يمزه
وكل العُرب ماشين(ن) بطوعه= تطيع اوامره في كل حزه
ويبا ياصل مدد من كل دوله= وكل(ن) دربه لغزه يقزه
نبي نمشي بدبابه ومدفع= وطياره وصاروخ ندزه
نرد قول لا اله الا الله = ومن ياقف بنحرنا نكزه
وعليهم والله اكبر لانتخينا= نشيل الروس والغارب نجزه
مثل ضرب الصواعق لاضربنا= وكما احرارن عثت بعيال وزه
ننال المجد والعزه تعّود=ويجي رونق ومزه وسط غزه

[خشم العرب]

شكرا على تفعلك مع غزه


ماعاد هي لحية خيل . ياعقاب الخيل ...ولكن ابا غير اسمك


يا عقاب الصواريخ

[عقاب الخيل]

شكرا على تفاعلك ولكن استغربت عدم وجود ردود على القصيده ولااعلم السبب مع العلم بان القصيده تصور اهم حدث في هذا الوقت

[ابونادر]

المعذرة ياعقاب الخيل صدقني لم اطلع على القصيدة غير الان

لكن اقول صح لسانك وبيض الله وجهك على هالقصيدة

والحقيقة انها تعبر عن مافي نفوسنا جميعا

نحو اخواننا الصامدين في منطقة غزه

الله يعجل بنصرهم ويمدهم بعونه انه سميع مجيب


وشكرا لك على القصيدة المعبرة