قصيدة للشاعر تركي عطالله الميزاني (ابو رهف) والقصيدة بعنوان (الخلطة السرية السرية )

[ابو حمود الحميداني]

السلام عليكم

مساكم الله بالخير


شلووووووونكم ؟؟


هذي شيلة الشاعر تركي الميزاني وهي من أحب القصايد علي ولها منزله خاصه
والشاعر تركي من أكثر الشعراء اللي يعجبوني وخاصه أنه شاعر محاوره
شاعر مبدع....






يا عذابي منك يا موتي ويا حرماني =زابنك بالله تخفف عني اللي فيه
من عذابك وشهو اللي باقين ماجاني = في عيوني من عذابك صايرُ ماريه
وأنت تدري كل ماتحتاجني تلقاني = يشهد الله عنك ماتقدر تشح ايديه
بس تكفى لاتعذبني ولاتنساني=ضمني يانور عيني في حشاك شويه
كل ماشفتك تدخلني بعالم ثاني= عين تنظر لك بشر والثانيه حوريه
فيك شيطان الهواء يامنيتي وصاني= بالغلا والولف والتقدير والحنيه
والقصيد اليا بغيته فيك مايعصاني= إيتباشر في وصوف عيونك السحريه
ووجودي لو اشوفك يابعد حياني=والله أني لاحذف الغتره على الطاقيه
كيف أنا المجني عليه وكيف صرت الجاني=نعبنو حظك ضبظت الخلطه السريه
لين من طيشك ومن حبك نسيت أخواني=صرت أجي واروح لاهذي ولاهذيه
والهواء هو حاكم شعوري وهو سلطاني=ولاحصلي منه لارحمه ولا ماويه
أشهد أنه راح فيها تركي الميزاني=والله أعلم وش تكون الخلطه السريه


أخــوكم :ابو حمود الحميداني

[عزيز النفس]

أشهد أنـه راح فيهـا تركـي الميزانـي
والله أعلم وش تكـون الخلطـه السريـه

مشكور اخوي بو حمود على نقل قصيدة الشاعر تركي الفين

وتركي غني عن التعريف
تقبل تحياتي

[غنام العرافه]

أبو حمود الحميداني



كيف أنا المجني عليه وكيف صرت الجاني =نعبنو حظك ضبظـت الخلطـه السريـه
لين من طيشك ومن حبك نسيت أخوانـي =صرت أجـي واروح لاهـذي ولاهذيـه

تسلم وربي يعافيك على الاختيار والنقل ومشكور يالغالي ، وشاعرنا / تركي الميزاني شاعر نعتز فيه ونفتخر وعسى الله يسلمه ويطول عمره ، تقبل مروري وودي .