المساعد الشخصي الرقمي

مشاهدة النسخة كاملة : من مذكراتي..


"حميدانية"
29/01/2009 - January 29th, 04:44 PM
حتى وانا بحلمي معه ناشبوني
وشلون لاصارت حقيقه وموجود

لاني احبه موووت بيني وبيني
والحب لأشكالي عيب ومنقووود

وش حيلتي لامنهم عاتبوني
وتجريحهم يزداد والحل مفقود

ياليتهم في عالمي اتركوني
وباحلامي اشوفه ياقلة الفود

حظي بخيل وفيه لاتعلمووني
ادري قليلة حظ والباب مسدود

حزني القديم ودمعتي يلحقوني
وهمومي الغبرا مثل ماراحت تعوود

يعني على شقفة حلم طالبووني
يعني حرام افرح ولو كنت مقرود

تكفون طالبكم عشان الله اعتقوني
كافي فعايل هالزمن وايامه السود



:smile: ادري مكسررره وحالتها حاله الابيات
بس العذر والسموحه
ابونادر
29/01/2009 - January 29th, 09:13 PM
بالعكس ياخت حميدانية القصيدة جزلة وسليمة من الكسور

معاد البيت الاخير فيه شوي كسور لو قلتي مثلا ..؟

( تكفون طالبكم خلاص اعتقوني= كافي ترا افعال الزمن كلها سود )

بهذا الشكل يستقيم البيت


وصح لسانك على هالقصيدة ونتمنى منك المزيد من القصايد

انتي شاعرة و اذا استمريتي سوف يكون لك شان


تحيااااااتي






..
"حميدانية"
29/01/2009 - January 29th, 09:44 PM
بيضض الله وجهههههههههههك
وعز الله مقامك بهالشهاده


ويسسسلمك ربي وكافي شهادتك يابو نادر
شقير المطيري
30/01/2009 - January 30th, 03:13 AM
صح لسانك قصيد ممتازه جدآوفكرتهاجيده وبالفعل البيت الاخيرفيه كسرفالصدروكذالك فالعجزوأبونادرعدلهاوالله يعطيه العافيه وتسلمين وأنأشهدلك أنط شاعره وأطلب الله لك بالتوفيق

تقبلي مروري
ولك مني جزيل الشكروالتقدير
"حميدانية"
30/01/2009 - January 30th, 11:45 AM
شهادتك ياشقير على عيني وراسي
وبيض الله وجهك ياخوي وسلمك ربي ع المرور
جدتهم ومنقدتهم
04/02/2009 - February 4th, 12:59 PM
حتى وانا بحلمي معه ناشبوني
وشلون لاصارت حقيقه وموجود

لاني احبه موووت بيني وبيني
والحب لأشكالي عيب ومنقووود

وش حيلتي لامنهم عاتبوني
وتجريحهم يزداد والحل مفقود

ياليتهم في عالمي اتركوني
وباحلامي اشوفه ياقلة الفود

حظي بخيل وفيه لاتعلمووني
ادري قليلة حظ والباب مسدود

حزني القديم ودمعتي يلحقوني
وهمومي الغبرا مثل ماراحت تعوود

يعني على شقفة حلم طالبووني
يعني حرام افرح ولو كنت مقرود

تكفون طالبكم عشان الله اعتقوني
كافي فعايل هالزمن وايامه السود



:smile: ادري مكسررره وحالتها حاله الابيات
بس العذر والسموحه



الشعر موهبة وانتي حتماً عندك هالموهبة

وشجاعة منك ياقلبوه انك تطرحين ابياتك وتتعلمين من نقداء الشعراء

وفعلن قصيدة رائعة ومضمونها اروع والكسوور تتجبر انشالله :embarassed:
رمش العيون
04/02/2009 - February 4th, 03:10 PM
حمدانيه

كلماتك رائعه جدا تبوح باحاسيس صادقه

انت مبدعه ورائع ماكتبتي اخيتي

ربي يسعدك
"حميدانية"
04/02/2009 - February 4th, 05:36 PM
جدتهم يالبى منطوقك يالغلا ويسلمك ربي ع الشهاده يالغلالآلآ وبيض الله وجهك


رمش العيون حياك وبياك يالغلا وربي يسلمك وبيض الله وجهك
الرحاااال
05/02/2009 - February 5th, 03:41 AM
الشاعرة الحميدانية

صح لسانك على هذه القصيدة الجزلة

ويكفيك فخر شهادة كبار الشعراء

تحيااااتي
"حميدانية"
05/02/2009 - February 5th, 05:52 AM
بيض الله وجهك وعز الله مقامك ووسلمك ربي ع المرور وصح بدنك
ابن ربضان الحميداني
16/03/2009 - March 16th, 07:07 PM
دام القصيدة انتي كاتبتها ولو فيها الف كسر

تعتبر جزلة جزلة جزلة


ننتظر ابداعاتك,.,,,,,
"حميدانية"
16/03/2009 - March 16th, 09:04 PM
وشهاده اعتز فيها وانا اختك
يسلمو ع المرور ويعطيك العافيه