احب الحب لجلك

[الخاطر]

اعضاء هذا المنتدا الراقي اضع بين ايديكم هذه الصوره واتمنا ان تررتقي لذائقتكم








احب الحب لجلك واكـره اللـي مايحبونـه
احبه واتلـذذ فـي عذابـه والعـن انكـاره
انا اللي همت في بحر الغرام اللـي يقولونـه
ضربته في جهل واسرفت لولـوه ومحـاره
انا اللي ذقت خمرِ قد سقـا ليلـى ومجنونـه
لقيت الحب واهل الحـب خمـاره وسكـاره

لقيت العاقل اللي قد وطـاه الحـب وجنونـه
لقيت اللي يقولون الهـوى سحـار سحـاره

انا لا شفت ليلى ضعت بين الرمش وجفونـه
شربت الكاس من نجل العيون وضعت فبحاره

سكرت بوسط حانوت الغرام وكاسي عيونـه
اموت بلحظةٍ احيا بها لجـل اقبـل اعـذاره

ملى قلبي صفو حبه وفيـه النفـس مفتونـه
على هاك الجمال ا للي يضيع الكون باسراره
الياقض الجدايل شفت لـون الليـل وشلونـه
تنثر كنـه الشـلال فـوق المتـن محـداره

يلاعبه النسيم من اسفـل الردفيـن لمتونـه
والا منه فرق خصلات شعره شـع بانـواره

بخدٍ ماغطاه الصبـغ والمكيـاج فـي لونـه
جمـالٍ كـل ماشفتـه ذكـرت الله باذكـاره

واليامنه تبسم يكرب المبسـم علـى سنونـه
اشوف الشمس تشرق بالشفق والصبح فابكاره

والا منه همسلـي كلمـة العشـاق بلحونـه
خطيرٍ يسجد اللي ماسجد لادم علـى اثيـره

اموت ولا حييت ابقا لجل ما اموت من دونه
والا مني حظنته مت بيـن الصـدر وازراره