الشيخ عبدالله بن ماجد الدويش

[آورنـس]

بسم الله الرحمن الرحيم


الشيخ عبدالله ابن ماجد الدويش منبع الجود والحكمه والكرم


شيخ الشمل


يسعدنا ذكره فكيف اذا سمعنا شعره



قصيده له موجهه للشاعر الكبير //محمد عوض بن سرور


اترككم مع ابداع القول







يابو عوض حنا نـودك ونغليـك=تراك غالن عندنـا ومحشومـي
يالشاعر اللي صافيتـن مباديـك=ولك بالمواقف ثابتات الرسومـي
واليا كتبت الشعر ماحدن يجاريك=ياوافي المعني جزيـل العلومـي
كم في القبيله قلت صافي معانيك=واهديتها للي يعـرف السلومـي
لك الوفا منـا ولا فيـه تشكيـك=وبقدرة المولى يزيـد ويدومـي




الشيخ عبدالله بن ماجد الفيصل الدويش


فرد عليه الشاعر الكبير // محمد عوض بن سرور
قائلاً





ياشيخنا عسـى القبيلـه ماتبكيـك=وياعل عزك يابو تركـي يدومـي
وياعل غيرك من فدايـا مواطيـك=وياعل يومي قبل يومـك بيومـي
والشعر كانه مايصـاغ بمعانيـك=قصدي سموك يازعيـم العمومـي
انه مجرد حكـي فـارغ وتسليـك=وخسارةً مـره ولا لـه لزومـي
ولاانت تزهى المدح والمدح زاهيك=حرً مكانـك نايفـات الرجومـي
اخجلتني ياميـر وشلـون اوفيـك=وابكيتنـي وانـا قويـه عزومـي
انا يقومني مـن النـوم طاريـك=وافزلك ياتـاج راسـي واقومـي
هالحين ترسلي قصيده واجاريـك=ياكبر حظـي يانفراجـة همومـي





الشاعر // محمد عوض بن سرور




تقبلو تحيااااتي

[جدتهم ومنقدتهم]

صح لسان الدويش


وصح لسان ابن سرور الديحاني ,,

مجارة رائعة ,,,


يسلمو اورنس

[ابونادر]

والله والف نعم في ابو تركي ألامير عبدالله الماجد الدويش

لاول مرة اعرف انه شاعر داهية ..

صح الله لسانه على هذا الابيات

..

والشعر كانه مايصـاغ بمعانيـك=صدي سموك يازعيـم العمومـي

انه مجرد حكـي فـارغ وتسليـك= وخسارةً مـره ولا لـه لزومـي


صدقت والله يابن سرور وصح لسانك مليوووون




شكرا لك اورنس

[الرحاااال]

صح لسان الشبخ عبدالله بن ماجد الدويش

وصح لسانالشاعر محمد عوض سرور

كل القصيدتين جزله

وشكرالك ياورتس على النقل

[همس الغلآ]

يستاهااااااااااال والله ولآبتي وعزوووووووووووتي

تاج روسنآ عبدالله بن ماجد الدويش


ولآهنت اخوي على طرحك هذه القصيدهـ بيض الله وجهك يالقرم