غروب الضل
15/02/2009 - February 15th, 12:32 PM
وجدت هذه القصيدة مع أحد الأصدقاء لأخوي عزيز النفس وخلافه بين شقران وهي دليل قاطع على الخلاف بين عزيز النفس وزميله شقران وهم شعراء المنتدى نأمل ان لا يطول الجفاء بين شعرائنا الكبار.
يا راكب اللي على الريموت مفتاحه = برمج على الذبذبة فكرةشياطيني
إنتاج فكر ٍ غطس بالعلم سباحه = أشهر خبير الصناعة له براهيني
كله على اللمس حتى الكشن وأشباحه = مع فتحة الباب له وزنه وتأميني
من يوم وزع كتالوجه على الساحه = سجل بصدر الصحافة له عناويني
مواصفاته تحير فكر مداحه = أغرب حدث منه عشاقه مجانيني
ما هو بفكسار لكزس جيب لا شاحه = قرمن يعرف الطريق وخاطره شيني
اليا زاد له من زعل وإن ساب بادباحه = الخط قدمه تقول اطويه بايديني
يبعد هموم ٍ بوسط القلب فواحه = تزود مع زود تفكيري وتخميني
من نجد دار الكرم والمجد مسراحه = والعصر في دار من دينه على ديني
للشاعر اللي محا عرفي بمساحه = ما جاه ما يزعله وايش فيه جافيني
مدري عطاه الكريم وزادة ارباحه = ولا على هرج عدواني معاديني
ناس ٍ تحش القفا وتشب قداحه = وقلوبهم سود والعملة بوجهيني
شقران قدرك كفوف الود والراحه = عندي على الراس يا شقران والعيني
واعرف ترى الخلق ما حدٍ دامت أفراحه = الوقت غدار وايام العمر ديني
والخصم ما ينطح بالخلق وسلاحه = لابد مبكيك ولا يوم تبكيني
يا راكب اللي على الريموت مفتاحه = برمج على الذبذبة فكرةشياطيني
إنتاج فكر ٍ غطس بالعلم سباحه = أشهر خبير الصناعة له براهيني
كله على اللمس حتى الكشن وأشباحه = مع فتحة الباب له وزنه وتأميني
من يوم وزع كتالوجه على الساحه = سجل بصدر الصحافة له عناويني
مواصفاته تحير فكر مداحه = أغرب حدث منه عشاقه مجانيني
ما هو بفكسار لكزس جيب لا شاحه = قرمن يعرف الطريق وخاطره شيني
اليا زاد له من زعل وإن ساب بادباحه = الخط قدمه تقول اطويه بايديني
يبعد هموم ٍ بوسط القلب فواحه = تزود مع زود تفكيري وتخميني
من نجد دار الكرم والمجد مسراحه = والعصر في دار من دينه على ديني
للشاعر اللي محا عرفي بمساحه = ما جاه ما يزعله وايش فيه جافيني
مدري عطاه الكريم وزادة ارباحه = ولا على هرج عدواني معاديني
ناس ٍ تحش القفا وتشب قداحه = وقلوبهم سود والعملة بوجهيني
شقران قدرك كفوف الود والراحه = عندي على الراس يا شقران والعيني
واعرف ترى الخلق ما حدٍ دامت أفراحه = الوقت غدار وايام العمر ديني
والخصم ما ينطح بالخلق وسلاحه = لابد مبكيك ولا يوم تبكيني