ياوجودي " علي بن حمري "

[أبو عجائب]

السلام عليكم ..

اسعد الله مساكم بكل خير ,, وأنا جالس اسمع لعلي بن حمري سمعت له هذي القصيدة واعجبتني ..

وأتمنى أنها تحوز على رضاااكم ...



يا وجودي وجودي يا وجودي يا وجودي وجود ام العيالي = يوم ساقوا ولدها للقصاص وبارز السيف يقطع في وريده

قصته دون عرض ودون ماله محتميها بحدّاد السلالي = زلّ في ولدّ عمه يوم جاله يقصد الشر والله لا يعيده

واحكموها المشايخ و المحاكم وافتدوا ذبحته من كل غالي = ولا تنازل كبير القوم عنه وقال ذبحته ذا الرغبه الاكيده

من هجوس لجت في وسط جوفي وللهواجيس في الصدر اجتوالي = ويقفي اليوم وتروح الليالي وابن حمري هواجيسه تزيده

من يوّصل جوابي لابن عمى شاعر القوم حماّي التوالي = عند مضواح بن شتوي الحبابي شوفة الضيف عنده يوم عيده

يابن شتوي عسى منهو تركني في محلي تناقصه الرجالي = طيحتي عز والمعروف يبقى وابشر بصاحبك عند الشديده

اضربوني العساكر يابن عمي واربطوني وخلوني لحالي = وسط زنزانة لا نور فيها واقبلت جرة الحزن البليده

عقب كنا ثلاثه في ثلاثه يا ثلاثه وانا شلت الثقالي = اللواء طلّع البلقان منها والعرب زرقوا له ذا الشريده

يالله انك تفرج كل ضيقه بامرك الهون يا رب الجلالي = وانت ياللي توصله جوابي فأعطه الخط من يمناك بيده

[جدتهم ومنقدتهم]

ابوعجايب

يعطيك العافيه على هالانتقاء الرائع وابن حمري شاعر معروف

وله الكثير من القصائد الجزلة ,,

[ماااااجد]

ابوعجايب
يعطيك العافيه على نقل القصيده الرائعه
لشاعر علي بن حمري
ابيات جزله

احترامي ::

مااااجد

[أبو عجائب]

جدتهم ومنقدتهم ..

الله يعاااافيك ,, وابن حمري مافيها شك إنه شاااعر معروف

وتقبــلي خالــص شكــري واحترامي

[أبو عجائب]

مااااجد ..

هلا وغلا بك يالغالي ,, اسعدني ويشرفني مرورك

وتقــبل خالــص شكــري واحتــرامي