صباح..أيّة ! صباح اللي تبينه ي(أبلـه منيـره)!

[أميـــرة الــــورد]

صباح جديد للشاعر /خالد الردادي
أنقله لكم وأتمنى ينال إعجابكم:-




صباح..أيّة ! صباح اللي تبينه ي(أبلـه منيـره)!=صبـاح الليـل والا الويـل والاالحالـه الغـبـرا
صباح الهـم .والاحـزان. والاشـواق . والغيـره=صبـاح الضغـط والسكـر وداء الذيبـه الحمـرا
صباح السبـت .والتحضير.والارهـاق .والحيـره=صباح الز فت .والطابور وهاك المشرفـه القشـرا
صبـاح الاسئلـه والامتحـان و(........!!......)=و_ وجه الحارس اللي عند بـاب المدرسـه بـرا
صباح الانتظـار المّـر.. وكـل تأخيـره بخيـره=وليـل ماسـرا .. يـم الصبـاح ولامعـه قمـرا
صبـاح الانكسـار وخاطـر مامـل تجبـيـره ..=وجرح مانـزف بيـن الضلـوع ولا نـوى يبـرا
صبـاح الذنـب لامنـه تاخـر وقـت تبـريـره=صبـاح محمـد الـدره ودمعـة طفـلـة عــذرا
صباح الخوف والجـلاد واللـي صعـب تحريـره=صباح اللات . والعزى . ومناة . الثالثه الاخـرى
صباح اكبر ضحايا الصمـت بالتاريـخ والسيـره=صباح اغبى . ( ... ) .. اللي تخاف من العرا تعرا
صباح المهزله . !! هذا الصباح .. وألف تسعيـره=صباح اسكت مهو شغلـك رجـالات الزمـان ادرا
صبـاح الحلـم لامنـه تحقـق عكـس تفسيـره=لشاعر ماكتب غيـر الجهـل مـن كثـر مايقـرا
على اية حااااال..! ابكتب لك صباح مـانكتب غيره=اليـن الشعـر مـن ذمـة حروفـي ذمتـه تبـرا
فداك الشعر .. لكني !. كسـرت عنـاد تصخيـره=عسفت رضاه من عـام-.-------1410--*
كتبته من زمان...اقرا . بنـور الغـار تفسيـره.!=الين ااااخر علامـات انتظـار الساعـه الصغـرى
سجنته بيـن قوسيـن (الجمـال وفـن تعبيـره )=وسلمني يديـن أمـس ومفاتيـح لقفـل بكـرا..!
طلع نـور الصبـاح اللـي يليـق بابلـه منيـره=تباين مـن ورى صفحـة ظـلام الثانيـه عشـرا
صباح الرسم باحسـاس الكـلام ورمـز تصويـره=وشعر دندنتـه حـروف ريشـة عـازف الاوبـرا
صباح الغيم مع صبح الربـوع وضحكـة مديـره=وفصل يشرح صـدور البنـات وحصـة عفـرا..
صباح كفوفك ليـا فلسفـت بالغنـج ..دووويّـره=ودبله لونها...ماشي مـع الطبشـوره الصفـرا.!
صباح التوت ابو مصـاص والسنتـوب والبيـره=صباح التين والتفـاح وطعـم الفستقـه الخضـرا
صباح النور والمجـرور والمسحـوب ي(منيـره)=صباح احلـى صبـاح مدرسـة جغرافيـا سمـرا
الشاعر/خالد الردادي
تحياااااااااااتي

[صافي النوايا]

يا هلاا فيك انتي وصباح خالد الردادي

اخوك المحب صافي النوايا

[أميـــرة الــــورد]

يعطيك العاااااااافيه أخوي صافي على مرررورك

تحياتي لك

[ابوجراح]

صبـاح الاسئلـه والامتحـان و(........!!......)
صباح اللات . والعزى . ومناة . الثالثـه الاخـرى
صباح اكبر ضحايا الصمـت بالتاريـخ والسيـره
صباح اغبى . ( ... ) .. اللي تخاف من العرا تعرا
من عام 1410هجرا(هكذا ربما تكملتها ) لكن هذا شاعر ربما انحرف بسية الابله منيرة السمراء ولا اعلم ماذا سوف يعمل لوكانت باسكال ربما ؟؟؟؟؟
شكرا على هذه المشاركه لكن تعبت يما حركت الفاره يمين ويسار يمين ويسار يمين 00000الخ ارجو ان تراعي ذلك مستقبلا والله يعطيك العافيه

[أميـــرة الــــورد]

يعطيك العافيه أخوي جراح على مرورك
.
.
الف واربعميه وعشرا هجرا؟؟؟؟؟؟؟ وشلون يعني؟؟

الله يصلحك بس.. اشوى انك منتب شاعر ههههههههههههه

تحياتي لك

[ابوجراح]

اووووووووووووه توي فهمت الف رابعميه وعشرا
انا اعترف اني مدوووووووج بالشعر بس احبه وعندي معانات بحفظه بس ماقلتلي وش باقي الفراغات
ارجو اكمالها والعفو بس لا تنسى
(ابوجراح) وليس جراح