يالصخيني فقدنا طلتك مانشوفك

[صادق الود]

يالصخيني فقدنا طلتك مانشوفك=عذب الالحان شابت يوم غيب قمرها
منتدانا تغير يوم قلن حروفك=لابغيت اتصفح شر عيني نظرها
لاتطول غيابك فاقدينك ضيوفك=صفحة الشعر لا رحتم قليل ثمرها
رفقتك للنشاماوالردى مايحوفك=ما تعرض سفيه(ن)لعترض في نحرها
بالمراجل تميز كل يوم وقوفك=والليالي دروس(ن) سرها في شهرها
لتضحلك خطا المخطي حفظته بجوفك=منت مثل الضعيف اللي علومه نشرها
بالمواقف حكيم نادرات وصوفك=ينجلي لاذكرتك يارفيقي كدرها

[الـــمـــلـــكـــي]

صح لسانك أخوي صادق الود قصيده جزله من شاعر جزل

وأنشالله أن ناشي الصخيني يشوف قصيدتك ويرجع وحنا كلنا فاقدين ناشي

و أنشالله يرجعلنا سالم قريبا .

تحياتي لشخصك .

[امـيـر الــذوق]

صح لسانك ياصادق الود

وانشالله يرجع الاخ ناشي الصخيني

[ريم النواااظر]

مما لاشك فيه أن مكاان ناشي الصخيني

لا يسده أحدا غيره

وتواجده مهم 00!!

أخوي / صاادق الود

أبدعت برسم خارطة الأخوه

صح لساانك 00وكلك

بالمراجل تميز كل يوم وقوفك
والليالي دروس(ن) سرها في شهرها
*
*
*
الريم

http://shjn20.jeeran.com/6e311cde58.gif

[صادق الود]

الملكي امير الذوق ريم النواظر اسعد الله صباحكم وشكرا لمروركم

[لامبارد]

صـح لساانك وطااابلك زماانك يااصاادق الووود..
قصيـدهـ رااائـعـه من إنساان أروووع..
وإن شااء الله يرد لناا نااشي..
مثل أول وأحلى..
لاتحرمنااا جديدك..
ودي لـ روووحك...

[غنام العرافه]

صادق الود

صح لسااااااااااااانك وقصيده في قمة الروعه والله يعافيك ، والشاعر ناشي لابد له عوده وطله ويستاهل المدح ، تقبل مروري وودي.

[ناشي الصخيني]

صااادق الود

صح لسانك يالغالي على الأبيات الجزله والمعتاده منك وطلبتك تسوى شي كثير بالنسبه لي

[صادق الود]

صح بدنك ياناشي وحنا بانتظار جديدك يابومحمد وسلمت

[صادق الود]

غنام لامبارد شكرا على الاطراء ودمتم