صراف الأشاره

[شقير المطيري]

ياطويل العمر باغي لي عماره = بين برج المملكه والفيصليه
مير ماعندي فلوس ولا تجاره = غير راتب قدره الف وتسع ميه
كل مامريت صراف الاشاره = قلت واوجدي على الي وسط ذيه
ثم قمت أشعل زقاره من زقاره = واتخيل حالت الناس الغنيه
كل مايبغا يجيله من نهاره = لو يبي يشري حراج العارضيه
موتره رنجن مركب له ستاره = والستاره والمراتب كهربيه
والمكيف للبروده والحراره = لشتغل كنه يدق السامريه
ابيضن كنه مداخلته حماره = لكن اقرب شي بويه لولويه
لعترض ذيبن سريعن في مغاره = قدم اذان الفجر ناويله بنيه
غير قصرآ قبته طول المناره = والثرياء طن كامل لولبيه
والمداخل شي يجذب للاثاره =جبس مكسيكي واناراته خفيه
والكنب تركي وعاكس للانـاره = وباق اثاثه ماركاتآ عالميه
والملاحق من يمين ومن يساره = كل واحد به ثلاثه قهوجيه
والحديقه خلف في نص استداره = ومسبح الماني وجلسه عائليه
ماهو بمثلي عماره في دماره = مرتكبها الدين والاوضاع سيه
وموتري كدلك لاطبيت الغماره = ريحت البنزين وزيوته سويه
وكل حزه واقفنبي وسط حاره = واشتراكاته تعاقب في يديه
وبيت شعبي منبطح له في زباره = بابه اسود فاتحن صبح وعشيه
والغرف داخل مثل وصف الجحاره = ويش اباصف كل غرفه في لويه
وكل ماهب الهوا ثور غباره = والمره زعلت وسوت لي قضيه
واطلعو ورعانها مثل الوباره = كل واحد لاقطله زمزميه
بدو لاكن ناشنا سلك الحضاره = ثم ضعنا لاعقار ولا رعيه
واطيب اصحابي لاجيته دق زاره = قال عندي واجعل الشطه رخيه
بس هذاء مطلبك مامن خساره = ازهله عندي وكلمني شويه
واغلق الهاتف ولدري وين داره = وزاد همي وارتفع ضغطي عليه
ثم قمت أشعل زقاره من زقاره = واتخيل حالت الناس الغنيه
وتمنابس لوعندي عماره = وجيب رنج وفي رصيدي فوق ميه
والسلام إختام وبدى بختصاره = للجميع وكل واحدله تحيه

الشــــــــاعر/شــــــقيرالمـــــطيـــــــــــــريcolor]]

[غنام العرافه]

شقير المطيري

ماهو بمثلي عماره فـي دمـاره =مرتكبها الدين والاوضـاع سيـه
وموتري كدلك لاطبيـت الغمـاره = ريحت البنزين وزيوتـه سويـه
وكل حزه واقفنبي وسـط حـاره = واشتراكاتـه تعاقـب فـي يديـه
وبيت شعبي منبطح له في زباره =بابه اسود فاتحن صبح وعشيـه


تسلم وصح لسانك, قصيده في قمة الروعه .

[عزيز النفس]

بـدو لاكـن ناشنـا سلـك الحضـاره=
=ثـم ضعـنـا لاعـقـار ولا رعـيـه
واطيـب اصحابـي لاجيـتـه دق زاره=
=قـال عنـدي واجعـل الشطـه رخيـه
بـس هـذاء مطلبـك مامـن خسـاره=
=ازهلـه عـنـدي وكلمـنـي شـويـه
واغلـق الهاتـف ولـدري ويـن داره=
=وزاد همـي وارتفـع ضغطـي عليـه


صح السانك يابو عناد والله كريم
وصبر مفتاح الفرج والله يوفقك
اخوك عبيد تحياتي

[ذيب الحمادين]

مشكوووور اخي العزيز شقير على القصيده الرائع دمت باطيب اوقاااتك يالغالي

[هزاع البديري]

ماهو بمثلي عماره فـي دمـارهمرتكبها الدين والاوضاع سيـه
وموتري كدلك لاطبيت الغمـارهريحت البنزين وزيوتـه سويـه
وكل حزه واقفنبي وسط حـارهواشتراكاته تعاقـب فـي يديـه
وبيت شعبي منبطح له في زبارهبابه اسود فاتحن صبح وعشيه

صح السانك يابو عناد والله كريم
وصبر مفتاح الفرج والله يوفقك

أخوك / هزاع البديري

[ابونادر]

اخي ابو عناد
تسلم وصح لسانك, قصيده جزلة من شاعر جزل

وهذا القصيدة اصبحت مشهورة بعد تقديمها في قناة رواسي

تقبل ودي واحتراامي


..

[برق الوسم]

شاعرنا العذب
شقير المطيري صح لسانك

وربي يرزقك بعماره بين المملكه والفيصليه ههههههههه

متابع لقصائدك العذبه ووودي برق الوسم

[ابـــوحـــــور]

اخوي شقير صح لسانك والله يعطيك مرادك انشالله