ابيات اعجبتني

[ابو عبدالله الحميداني]

--------------------------------------------------------------------------------

ابيات اعجبتني


______________________________________


ما كل من يضحك بدنيـاه مسـرور=لو ضحـــــكته دايـم تحــــرك حـجاجـه

وما كل من يبكي من الناس مقهـور=بعض الدموع رخاص من شان حـاجه

وما كل صادق لو حكا لك من شعور=يا كثر من زيف المشــــــــاعـر خراجـه

وما كل ما يخفا من السـر مستـور=بعض الوجــيه ابين من ارهــف زجاجه

وما كل بيتٍ بابه انصـك مهجـور=كم بيــتٍ اطفا الشــــح واهـج ســــراجـه

وما كل وردٍ تزرعـه ينثـر عطـور=لو ماه صـــــــافي مـا يخالـــــــط هماجـه

وما كل مرهف قلب لو يزرع زهـور=قلب يحــــــب الورد وهو مثــــــل صاجـه

وما كل من يخطي من الناس معذور=البعـــــض يخطي من علــــــوم العـواجـه

وما كل من يسكت على الضيم مجبور=لجــــــل الغـــــلا ساكت ويدعـي انفـراجـه

وما كل راسٍ ضيع الفكـر مسحـور=كم راس ســحر الحب جاب ارتجــــــــاجـه

وما كل علـه فادهـا طـب دكتـور=كم من علـــــــــيلٍ وصـل خلــــــــه علاجـه

وما كل من شاور حكيمٍ خذا الشـور=بعض الــــــــبشر مـا يقنـع الا مـــــــزاجـه

وما كل من سمي صقر يشبه صقور=كم من صـــــقر وقت الشدايـد دجاجــــــــه




منقوووووووووووول

[غنام العرافه]

ابو عبد الله الحميداني


تسلم على النقل الرائع المميز وابدعت ودمت .

[ذيب الحمادين]

تسلم يبو عبد الله على النقل الموفق وجزاااك الله خير يالغالي دمت بامتع واطيب اوقاتك يالغاالي

تحياتي*

[عابرسبيل]

ابو عبدالله

صح لسانك وصح لسان قائلها وبيض الله وجهك على النقل

[ابـــوحـــــور]

بوعبدالله اسمحلي اخي الكريم على تنسيق القصيده

وجزاك خير على النقل وقصيده اكثر من رائعه

[ابو عبدالله الحميداني]

بوعبدالله اسمحلي اخي الكريم على تنسيق القصيده

وجزاك خير على النقل وقصيده اكثر من رائعه

شكرا لك اخوي ابو حور على التنسيق والرد الجميل واشكر الجميع على ردودهم وتفاعلهم