قصيدة الشاعر سعود المري في الشاعر الكبير ابن رويل اثناء زيارته له في اوهايو

[الدويله]

هذه القصيده لزميلي الشاعر سعود بن متعب بن راشد أل بحيح المري عند زيارتنا لعمي الشاعر الكبير محمد بن ضيف الله بن رويل في مقر اقامته في مدينه كليفلاند في ولاية أوهايو الأمريكيه أثناء تلقيه العلاج هناك ..





يا شرّد القيفان طيحي بقرطاس = شاعرك يا ذا القاف ذا الليل ملبوس
للدر لقاطٍ وللبحر غطاس = ولا يبلش ببيتٍ ولا يقعد يحوس
اغمق المعنى وأوضح قياس = وأضرب مثال للاجاويد ملموس
ولامن بغيت المدح مانيب محتاس = ابن رويل احسن مثالٍ ومحسوس
لا باس يا تاج الرياجيل لا باس = لا باس يا تاج على الراس ملبوس
لا باس يا راعي الجمايل مع الناس = يا ما على طاريك قد قاموا جلوس
طاريك لا من مر ياتي بالاوناس = في ذمتي انه عن النقد محروس
جودك وطيبك يا ابيض الوجه والساس = ساس عريب ولا بها شك ودنوس
جدك من امك فاضي الدرع والطاس = وعمك تعدى ذكره الصين والروس
شريد اللي لا طرى.. طار الاعماس = يا ليتنا من سيرته ناخذ دروس
قلته وانا ربعي على المجد جلاس = مجد عتيد ولاانشرى بكومة فلوس
وختامها يا محصي تراب الاطعاس = يا سايق النسناس يا مرسل الكوس
فصل من العافيه لمحمد لباس = وخله مثل ما كان.. للكايد يدوس
وصلاة ربي عد ما هب نسناس = على اليتيم اللي عن النقص محروس





من كلمات الشاعر / سعود بن متعب بن راشد آل بحيح المري - ولاية كنتاكي الأمريكيه

[ابـــوحـــــور]

فصل مـن العافيـه لمحمـد لبـاس وخله مثل ما كـان.. للكايـد يـدوس


صح لسان الشاعر المري والله يرد لنا وعبدالله سالمآ معافا

[غنام العرافه]

الدويله


ولامن بغيت المدح مانيـب محتـاس = ابن رويل احسن مثـالٍ ومحسـوس
لا باس يا تـاج الرياجيـل لا بـاس = لا باس يا تاج على الـراس ملبـوس
لا باس يا راعي الجمايل مع النـاس =يا ما على طاريك قد قامـوا جلـوس


تسلم والله يعافيك على النقل وصح لسان الشاعر / سعود بن متعب بن راشد أل بحيح المري , وعمك يستاهل كل خير , تقبل مروري وودي .

[ذيب الحمادين]

مشكوووور على النقل الرائع اخي الدويله وموفق خير والى الامام بالطرح الرائع لانخلى ولانعدم تقبل مروري يالغالي

[بدر بن رويل]

صح السانك وصح لسان الشاعر سعود المري ولاهنت ياولدعمي على النقل واللهم البس جدي ثياب العافيه وارجعه لاهله سالما معافا امين وتقبل احترامي وتقديري يالذيب لاخلا ولاعدم يالدويله مع تمنيات لك بالتوفيق والنجاح اخوك بدر بن رويل

[ابـــو نـــورهـ]

لا باس يا تـاج الرياجيـل لا بـاس=لا باس يا تاج على الـراس ملبـوس
لا باس يا راعي الجمايل مع النـاس=يا ما على طاريك قد قامـوا جلـوس
طاريك لا من مر ياتـي بالاونـاس=في ذمتي انه عـن النقـد محـروس
جودك وطيبك يا ابيض الوجه والساس=ساس عريب ولا بها شـك ودنـوس
جدك من امك فاضي الدرع والطـاس=وعمك تعدى ذكره الصين والـروس
شريد اللي لا طرى.. طار الاعمـاس=يا ليتنا مـن سيرتـه ناخـذ دروس

مشكور اخوي الدويله وصح لسان الشاعر سعود المري ويستاهل ابو عبدالله كل علم

غانم اخذها بيمناه والله يرده لنا سالم غانم

[كنترول9]

بسم الله الرحمن الرحيم

شريد اللي لا طرى.. طار الاعمـاس....يـاليـتـنـا من سيرته نــاخــذ دروس

صح لسان الشاعر سعود وقصيدة جزله من شاعر جزل

ومشكور اخوي/الـــــدويلـــــه ع النقل
تقبل مني اجمل التحيات/كـــنـــتـــرول9