الحلم لأبن مبرد

[الدويله]

وش حلّ حلمي يامفسّـرت الأحـلام=للحلم أبي لي من هل العلـم تفسيـر
اللّي بلاجنحـان يصعـد ليـا هـام=يحوم في كبد السّماء حومـة الطيـر
وش لون حلّ الحلم في حكم الأسـلام=لا حمت فوق مركّـزات المعاصيـر
أنـا عمـاً غافـلٍ بلـذّات الأنعـام=وأبا أزعج المبصر بعرض التصّاوير
مشاكـل المخلـوق تيّـار الأيّــام=الوقـت هايـج واللّيالـي معاشيـر
يعلم بها اللّي عالـمٍ حمـل الأرحـام=المعتلـي منـه وعليـه التّدابـيـر
ماهي بسلعـه بيـن بايـع وسـوّام=فرضٍ من الخـلاّق حكـم المقاديـر
بالنّاس منهو يجمـع الكنـس بخمـام=وفيهم من اللّي يصرفـون الدّنانيـر
وفيهم من اللّي يعطب الطّـق بلحـام=من ضربته جمـع الحديـدة تنانيـر
بلشـت مابيـن الحقيقـه والأوهـام=وأخشى يجي نفـع الحقيقـة معاذيـر
فـي غابـةٍ يلهمنـي الهـمّ بالهـام=بين الـورود الفاتحـه والعصافيـر
غديت أنا ويّـا الهواجيـس بازيـام=تفرّنـي فـرّ المكينـة مـع السّيـر
ضرباتها بالكبد مـن نبـل الأسهـام=وش فايدة فكـري برفـع التقاريـر
زاد الحساب اللّـي بعـداد الأرقـام=وعجزت لا ألقـى للمفاتيـح تصفيـر
من كلمات الشاعر / فلاح بن مبرد الحميداني

[غريب الدار]

شكراًلك يالدويله
على هذا النقل المميز سلمت
وصح لسان الشاعر \فلاح مبرد
وننتظر المزيد
بالتوفيق

[Guest]

لا تتعـب ناظرك عزيزي القارئ بتعليقـي هذا والكلام

فهـو مجـرد تأكيد لما هو مؤكـد بأن للشعـر أعلام

لشاعرنـا فـلاح منـّـي .. كل التحيـّـة والإحتـرام

;)