نـصحـت قـلــبي عـن هـوآه وعـذلـته

[الـــمـــلـــكـــي]

نصحت قلبي عن هواه وعذلته = لاشك عيا لايطيع النصيحة
البارق اللي ينعش الروح خلته = انا المشقى والعرب مستريحة
عساه يسقي وادي قد نزلته = يوم من الأيام يازين ريحة
واد الغرام اللي يذكر دخلته = فيه العذاب وبه رسوم مليحة
ماقال ابن لعبون في مي قلته = قلت البيوت الصايبات الصحيحة
بذلت مجهودي وجهدي بذلته = والله ماقول إلا العلوم الصريحة
زول قتلني بالهوى ماقتلته = لو مت باسبابه عسى الله يبيحة
ياكبر همٍ عقب فرقاه شلته = مار الليالي بالمواصل شحيحة
لو قلتو ابشر بالعوض ماقبلته = جوزو وكثرالعذل يرث فضيحة
ياللي عذلتوني وش اللي عملته = يا لايم العاشق تطيح بمطيحة
الباب عن كل العواذل قفلته = ياناوي بالعذل طبه بطيحة
لو لي حلال مع حلالك عزلته = كم ضحكةً جاء عقبها كم صيحةالـشاعـر : أحــمـد الـناصـر الـشـايـع الــدوسـري

[ابـــو نـــورهـ]

مشكور اخي الملكي على النقل المميز تقبل ودي واحترامي لشخصك

[الـــمـــلـــكـــي]

هلابك أبوغزوى

الأجمل مرورك على الصفحه وتشريفها طال عمرك

الله لايهينك يالغالي

جــــل أحــترامي